Categories: Gujarat

જમીન ટોચમર્યાદા હેઠળની જમીનના રહેણાકની ચુકવણીની મુદત વધી

અમદાવાદ: ગુજરાત વિધાનસભા ગૃહના ચોમાસુ સત્રના બીજા અને અંતિમ દિવસે આજે ગૃહમાં ચાર વિધેયકો રજૂ કરાયાં હતાં. ગુજરાત સહકારી મંડળી સુધારા વિધેયક કે જેમાં દરેક સહકારી મંડળી પોતાની અનુકૂળતાએ ચૂંટણી કરે તે બાબતનો સમાવેશ કરાયો છે. વિધાનસભા ગૃહમાં ગુજરાત સહકારી મંડળી સુધારા વિધેયક બહુમતીથી પસાર કરાયું હતું. આ ઉપરાંત ગુજરાત સિંગલ વિન્ડો ક્લિયરન્સ વિધેયક, ગુજરાત ખેત જમીન ટોચમર્યાદા સુધારા વિધેયક (સુધારા વધારતું વિધેયક) તેમજ ગુજરાત શહેરી જમીન ટોચમર્યાદા અને નિયમન સુધારા વિધેયક ગૃહમાં રજૂ કરાયા હતા.

શહેરી જમીન ટોચ મર્યાદા અધિનિયમ હેઠળ કેટલીક જમીનના ભોગવટાની માન્યતા અને તેની ફાળવણી તેમજ જમીનના ભોગવટાને માન્ય કરવા સરકારે બનાવેલી યોજનાને સફળ પ્રતિસાદ નહીં મળતાં હવે તેમાં કેટલાક સુધારા કરવામાં આવ્યા છે અને તે અંગેનું વિધેયક આજે વિધાનસભામાં રજૂ કરાયું હતું અને તેને બહુમતીથી મંજૂર કરાયું હતું.

સરકારી જમીનમાં બનાવાયેલાં રહેણાકને કાયદેસરતા આપવા માટે સરકારે કેટલાક નિયમો બનાવ્યા હતા. જેને પ્રતિસાદ નહીં મળતાં સુધારાના ભાગ રૂપે હવે રહેણાક ધરાવનાર વ્યક્તિને બેન્ક લોન મેળવવા માટે હવે કબજા ભોગવટાનાં ૧પ વર્ષ હોવાની બાબત આડે આવશે નહીં. એટલું જ નહીં કાયદેસર રહેણાક કરવા માટે સરકારને આપેલી અરજી બાદ હવે એક મહિનાના સમયગાળામાં ચૂકવણી કરવાની રહેશે નહીં. સરકાર કેટલા સમયમાં ચૂકવણી કરવી તે નક્કી કરશે અને નિયમો જાહેર કરશે.

બે સુધારા સાથેના વિધેયકને મંજૂરી બાદ હવે સરકારી જમીનમાં બનેલાં ગેરકાયદે ઝૂંપડાં કે મકાનને હવે એક મહિનામાં નાણાં ચૂકવણી અને બેન્ક લોન લેવા માટે ૧પ વર્ષ ભોગવટા-હકની મર્યાદા નડશે નહીં.

http://sambhaavnews.com/

Krupa

Recent Posts

માયાવતીએ કોંગ્રેસને આપ્યો ઝટકો, છત્તીસઢમાં જોગી સાથે કર્યું ગઠબંધન

છત્તીસગઢમાં છેલ્લા દોઢ દાયકાથી સત્તા પર રહેલી ભાજપ સરકાર રાજ્યમાં પોતાની સત્તા બચાવવા પ્રયત્ન કરી રહી છે ત્યારે કોંગ્રેસ સત્તામાં…

9 hours ago

PM મોદી મેટ્રોમાં પહોંચ્યા IICCની આધારશિલા રાખવા, લોકોએ હાથ મિલાવી લીધી સેલ્ફી

દિલ્હીના આઇઆઇસીસી સેન્ટર (ઇન્ટરનેશનલ કન્વેશન એન્ડ એકસ્પો સેન્ટર)ની આધારશિલા રાખવા માટે વડાપ્રધાન નરેન્દ્ર મોદીએ એકવાર ફરી મેટ્રોમાં સવારી કરી હતી.…

10 hours ago

સ્વદેશી બેલેસ્ટિક મિસાઇલનુ સફળ પરીક્ષણ, દરેક મૌસમમાં અસરકારક

સ્વદેશ વિકસિત અને જમીનથી જમીન પર થોડા અંતર પર માર કરનારી એક બેલિસ્ટિક મિસાઇલનું આજરોજ ભારે વરસાદ વચ્ચે ઓડિશાના તટીય…

12 hours ago

ઇજાગ્રસ્ત હાર્દિક પંડયા બહાર, ટીમ ઇન્ડિયામાં ત્રણ ફેરફાર, જાડેજાનો ટીમમાં સમાવેશ

હાલમાં ચાલી રહેલા એશિયા કપની ભારતીય ટીમમાં ત્રણ ફેરફાર કરવામાં આવ્યા છે. ઇજાગ્રસ્ત હાર્દિક પંડયા ટૂર્નામેન્ટમાંથી બહાર થઇ ગયો છે.…

12 hours ago

એમેઝોન અને સમારાએ રૂ. 4,200 કરોડમાં આદિત્ય બિરલાની રિટેઈલ ચેઈન ‘મોર’ ખરીદી

નવી દિલ્હી: ઇ-કોમર્સની દિગ્ગજ કંપની એમેઝોન અને પ્રાઇવેટ ઇક્વિટી કંપની સમારા કેપિટલે મળીને આદિત્ય બિરલા ગ્રૂપની રિટેલ ચેઇન મોર (More)…

12 hours ago