૨૦૧૨ની ચૂંટણીના પ્રથમ તબક્કામાં ભાજપ-કોંગ્રેસે કેટલી બેઠક જીતી હતી?…જાણો

અમદાવાદ: આગામી ૯મી ડિસેમ્બર ગુજરાત વિધાનસભાની કુલ ૮૯ બેઠક માટે પ્રથમ તબક્કાની ચૂંટણી યોજાશે. આ ચૂંટણી માટેના ઉમેદવારીપત્ર ભરવાની પ્રક્રિયા શરૂ થઇ ગઇ છે. હાલમાં જે પ્રકારે ભાજપ અને કોંગ્રેસ વચ્ચે રસાકસીભર્યો માહોલ જોવા મળે છે તેને જોતાં છેલ્લી ચૂંટણીમાં આ બંને મુખ્ય રાજકીય પક્ષની બેઠકોની દૃષ્ટિએ બળાબળ તપાસતાં છેલ્લી ચૂંટણીની પ્રથમ તબક્કાની ૮૭ બેઠક પૈકી કુલ ૬૧ બેઠક પર ભાજપનું ‘કમળ’ ખીલ્યું હતું.

સૌરાષ્ટ્રમાં જીપીપીએ ભાજપને અનેક બેઠક પર હંફાવ્યું હતું તેમાં પણ જૂનાગઢ-જીલ્લાની કેશોદ બેઠક પરથી પૂર્વ મુખ્યપ્રધાન કેશુભાઇ પટેલ અને અમરેલી જિલ્લાની ધારી બેઠક પરથી નલિન કોટડિયાએ ફત્તેહ હાંસલ કરીને ભાજપના ગઢમાં મોટા ગાબડાં પાડ્યાં હતાં.

પાટીદાર સમાજના સમર્થનના કારણે ભાજપનો સૌરાષ્ટ્ર સાત જિલ્લાની કુલ ૪૮ બેઠક પૈકી મોટાભાગની બેઠક પરથી સરળતાથી જીત મળતી આવી છે પરંતુ છેલ્લી ચૂંટણીમાં જીપીપીની જોરદાર ટક્કરથી ભાજપના ખાતામાં ૩૧ બેઠક આવી હતી. જ્યારે કોંગ્રેસના પંજામાં ૧પ બેઠક આવી હતી.

જ્યારે દક્ષિણ ગુજરાતના સાત જીલ્લા પૈકી વલસાડ જિલ્લાની કુલ પાંચ બેઠક પૈકી બે બેઠક મેળવીને કોંગ્રેસએ સારું પ્રદર્શન કર્યું હતું. જોકે સુરત જિલ્લાની કુલ ૧૬ બેઠક પૈકી પંદર બેઠક પર ભાજપની જીત થઇ હતી. અલબત્ત આવ્યા હતા ‘પાસ’ના આંદોલનના કારણે આગામી તા.૯ ડિસેમ્બરના મતદાનના દિવસે ભાજપની લોકપ્રિયતા કસોટીના એરણે ચઢશે.

જોકે સમગ્ર દક્ષિણ ગુજરાતમાંથી કોંગ્રેસને ફક્ત છ બેઠક મેળવી હતી. જ્યારે ભરૂચ જિલ્લાની ઝઘડિયા બેઠક પરથી જેડીયુ (જનતાદળ)ના છોટુ વસાવા જિત્યા હતા.

અમદાવાદ ગ્રામ્યની પાંચ બેઠક પરથી વીરમગામ, સાણંદ, ધોળકા અને ધંધૂકા એમ કુલ ચાર બેઠક પર પ્રથમ તબક્કા હેઠળ મતદાન થવાનું હોઇ આ ચાર બેઠક પૈકી વર્ષ ર૦૧રની ચૂંટણીમાં ભાજપને બે અને કોંગ્રેસને બે બેઠક મળી હતી જો કે હવે ર૦૧પની ચૂંટણીમાં અગાઉ કોંગ્રેસના સાંસદના કરમશી પટેલ અને વીરમગામના ડો.તેજશ્રીબહેન પટેલ આ બન્ને પૂર્વ ધારાસભ્ય ભાજપમાં જોડાઇ જવાથી અમદાવાદ ગ્રામ્યનું રાજકીય ચિત્ર પણ અમુક અંશે બદલાયું છે.

You might also like