Categories: Business

Stock Market: ઓટો, આઈટી અને રિયલ્ટી સેક્ટરમાં સુધારો, આવતી કાલે બજાર રહેશે બંધ

અમદાવાદ: આજે શરૂઆતે શેરબજાર ઊંચા ગેપથી ખૂલ્યું હતું. બીએસઇ સેન્સેક્સ ૧૫૩ પોઇન્ટના સુધારે ૩૫,૧૨૨, જ્યારે એનએસઇ નિફ્ટી ૪૨ પોઇન્ટના સુધારે ૧૦,૭૩૪ પોઇન્ટની સપાટીએ ટ્રેડિંગમાં જોવા મળી હતી. બુધવારે ફેડની બેઠક તથા ઉ.કોરિયા અને દ.કોરિયા વચ્ચેના સુધરતા જતા સંબંધોના પગલે વૈશ્વિક બજારમાં જોવા મળેલી સકારાત્મક ચાલની અસરથી શેરબજાર આજે ઊંચા ગેપથી ખૂલ્યું હતું.

ઓટો, આઇટી, રિયલ્ટી, એફએમસીજી, ફાર્મા સેક્ટરના શેરમાં જોરદાર લેવાલી જોવા મળી હતી. બેન્ક નિફ્ટી પણ ૦.૪૬ ટકાના સુધારે ૨૫,૫૧૦ની સપાટીએ ટ્રેડિંગમાં જોવા મળી હતી, જોકે મેટલ સેક્ટર ઇન્ડેક્સમાં વેચવાલી જોવા મળી હતી. આજે શરૂઆતે એસબીઆઇ, વિપ્રો, યસ બેન્કના શેરમાં ૧.૭૦થી ૨.૨૦ ટકાનો સુધારો જોવા મળ્યો હતો, જ્યારે એક્સિસ, રિલાયન્સ અને આઇસીઆઇસીઆઇ બેન્કના શેરમાં વેચવાલી નોંધાતી જોવા મળી હતી, જેના પગલે તેમાં ત્રણ ટકા સુધીનો ઘટાડો નોંધાયો હતો.

પાછલા દસ વર્ષમાં FIIનું મે મહિનામાં રોકાણ
મે-૨૦૦૮ – ૪,૯૧૭
મે-૨૦૦૯ + ૨૦,૬૦૬
મે-૨૦૧૦ – ૮,૬૨૯
મે-૨૦૧૧ – ૫,૧૫૮
મે-૨૦૧૨ – ૧,૫૨૨
મે-૨૦૧૩ + ૨૧,૨૬૭
મે-૨૦૧૪ + ૧૬,૫૧૨
મે-૨૦૧૫ – ૧,૮૯૫
મે-૨૦૧૬ + ૨,૫૭૮
મે-૨૦૧૭ + ૯,૯૫૬
(આંકડા કરોડમાં)

આર્થિક વૃદ્ધિદર ૭.૫ ટકા રહેવાનો અંદાજ
દેશનો આર્થિક વિકાસ આગળ વધી રહ્યો છે. ચાલુ નાણાકીય વર્ષમાં દેશની આર્થિક વૃદ્ધિ ૭.૫ ટકાની સપાટીએ પહોંચવાનું અનુમાન છે. ડોઇચ બેન્કના એક રિસર્ચ રિપોર્ટમાં વધુમાં જણાવ્યું છે કે વૈશ્વિક બજારમાં ક્રૂડ ઓઇલની કિંમતમાં ખૂબ જ ઝડપથી વધારો થઇ રહ્યો છે એટલું જ નહીં, દેશના બેન્કિંગ ક્ષેત્રમાં લોનના કૌભાંડના કરોડો રૂપિયાના કિસ્સા બહાર આવી રહ્યા છે. આવા સંજોગો દેશના આર્થિક વિકાસ સામે અવરોધ ઊભો કરી શકે છે.

બેન્કના રિપોર્ટમાં જણાવ્યા પ્રમાણે નાણાકીય વર્ષ ૨૦૧૮-૧૯માં આર્થિક વિકાસદર ૭.૫ ટકા રહેવાનું અનુમાન છે. દેશમાં રોકાણમાં ઝડપી વૃદ્ધિ થવાની આશા છે.

divyesh

Recent Posts

માયાવતીએ કોંગ્રેસને આપ્યો ઝટકો, છત્તીસઢમાં જોગી સાથે કર્યું ગઠબંધન

છત્તીસગઢમાં છેલ્લા દોઢ દાયકાથી સત્તા પર રહેલી ભાજપ સરકાર રાજ્યમાં પોતાની સત્તા બચાવવા પ્રયત્ન કરી રહી છે ત્યારે કોંગ્રેસ સત્તામાં…

4 hours ago

PM મોદી મેટ્રોમાં પહોંચ્યા IICCની આધારશિલા રાખવા, લોકોએ હાથ મિલાવી લીધી સેલ્ફી

દિલ્હીના આઇઆઇસીસી સેન્ટર (ઇન્ટરનેશનલ કન્વેશન એન્ડ એકસ્પો સેન્ટર)ની આધારશિલા રાખવા માટે વડાપ્રધાન નરેન્દ્ર મોદીએ એકવાર ફરી મેટ્રોમાં સવારી કરી હતી.…

4 hours ago

સ્વદેશી બેલેસ્ટિક મિસાઇલનુ સફળ પરીક્ષણ, દરેક મૌસમમાં અસરકારક

સ્વદેશ વિકસિત અને જમીનથી જમીન પર થોડા અંતર પર માર કરનારી એક બેલિસ્ટિક મિસાઇલનું આજરોજ ભારે વરસાદ વચ્ચે ઓડિશાના તટીય…

6 hours ago

ઇજાગ્રસ્ત હાર્દિક પંડયા બહાર, ટીમ ઇન્ડિયામાં ત્રણ ફેરફાર, જાડેજાનો ટીમમાં સમાવેશ

હાલમાં ચાલી રહેલા એશિયા કપની ભારતીય ટીમમાં ત્રણ ફેરફાર કરવામાં આવ્યા છે. ઇજાગ્રસ્ત હાર્દિક પંડયા ટૂર્નામેન્ટમાંથી બહાર થઇ ગયો છે.…

6 hours ago

એમેઝોન અને સમારાએ રૂ. 4,200 કરોડમાં આદિત્ય બિરલાની રિટેઈલ ચેઈન ‘મોર’ ખરીદી

નવી દિલ્હી: ઇ-કોમર્સની દિગ્ગજ કંપની એમેઝોન અને પ્રાઇવેટ ઇક્વિટી કંપની સમારા કેપિટલે મળીને આદિત્ય બિરલા ગ્રૂપની રિટેલ ચેઇન મોર (More)…

6 hours ago