Categories: Dharm Trending

અપાર સુખ સમૃદ્ધિ આપનારઃ નાગપંચમી

આપણો દેશ દરેક જીવમાં શિવ માને છે. તે ઝાડને પણ પૂજે છે અને જીવજંતુને પણ પૂજે છે. આના કારણે આપણા દેશમાં પરાપૂર્વથી નાગદેવતાની પૂજા થાય છે. આજે સમાજના ઘણા વર્ગો નાગપંચમીના દિવસે નાગદેવનું પૂજન કરીને પોતાના કુંટુંબનું ક્ષેમકુશળ વાંછે છે.

આજના દિવસે ઘરના સભ્યો પૈકી મુખ્ય સ્ત્રી વહેલી ઉઠી નાહી-ધોઈ સ્વચ્છ થઈ પાણિયારે દીવા બત્તી કરીને પાણિયારા ઉપર નાગદેવતાનું ચિત્ર આલેખે છે. તે નાગદેવને કંકુથી પૂજી રૂની કંકુમાળા પહેરાવે છે અને કુલેરનો પ્રસાદ ધરાવી શ્રીફળ વધેરે છે. આમ કરવાથી જે તે કુટુંબ પર નાગદેવની કૃપા ઊતરે છે.

શ્રાવણ માસની શુક્લ પંચમી નાગપંચમી તરીકે ઓળખાય છે. આ દિવસે નાગની પૂજા કરવામાં આવે છે. આ દિવસે નાગ દર્શનનું પણ વિશેષ મહત્વ હોય છે. આ દિવસે સાપને મારવાની મનાઈ છે. આખા શ્રાવણ મહિનામાં અને ખાસ કરીને નાગપંચમીના દિવસે ધરતીને ખોદવાની મનાઈ છે.

આ દિવસે સાપને દૂધ પીવડાવવામાં આવે છે. કેટલીક જગ્યાએ ખાસ કરીને ગુજરાતમાં શ્રાવણ માસની કૃષ્ણ પંચમીએ પણ નાગપંચમી ઊજવવામાં આવે છે. આ દિવસે પૂજામાં સફેદ ફૂલ મૂકવામાં આવે છે.

આપણા દેશમાં વ્યાપેલી ધાર્મિક આસ્થાના આધાર પર લિંગ, સાપ, અગ્નિ, સૂર્ય આદિનું ખૂબ મહત્વ છે. નાગપૂજાની પરંપરા પણ આજ સુધી ચાલી રહી છે અને ભારતીય સંસ્કૃતિમાં આનું વિશેષ મહત્વ છે.

આ દિવસે નાગનાં દર્શનને શુભ માનવામાં આવે છે. એવું કહેવાય છે કે આપણી ધરતી શેષનાગના ફેણ પર ટકેલી છે અને જ્યારે ધરતી પર પાપ વધી જાય છે ત્યારે શેષનાગ પોતાની ફેણને સમેટી લે છે જેથી ધરતી હલે છે. આપણા દેશમાં દરેક સ્થાન પર કોઈને કોઈ રૂપે શંકર ભગવાનની પૂજા થાય છે, અને એમના ગળામાં, જટાઓમાં અને બાજુઓમાં નાગની માળા સ્પષ્ટ દેખાય છે.

આથી પણ લોકો નાગની પૂજા કરવામાં વધુ શ્રદ્ધા રાખે છે. શ્રાવણ વદ પાંચમને દિવસે નાગની પૂજા કરવામાં આવે છે. કાલસર્પ દોષથી પીડિત ભક્તો કેટલાક સરળ ઉપાય કરીને આ દોષમાથી મુક્તિ મેળવી સુખ-શાંતિ અને શિવજી ના આશીર્વાદ મેળવી શકે છે.

કાલસર્પ દોષ નિવારવા યંત્ર અને પૂજા કરવા માટેની વિધિ
સવારે વહેલા ઊઠી સ્નાન કરી ભગવાન શંકરનું ધ્યાન કરવું. કાલસર્પ દોષ નિવારવા યંત્રને એક આસન પર સ્થાપના કરી અને તેની પૂજા કરવી. પૂજા માટે પહેલા દૂધ ચડાવવું. ત્યાર પછી ગંગાજળથી તેને શુદ્ધ કરવું. ધૂપ દીપ કરી સફેદ ફૂલ ચડાવી અને નીચે આપેલા મંત્રની એક માળા કરવી.

મંત્રઃ અનન્તં વાસુકિ શેષમ પગ્નાભં ચ કમ્બલં
શંખપાલં ધાર્તરાષ્ટ્રં તક્ષકં કાલીયં તથા
એતાની નવ નામાની નગનાં ચ માહાત્મનાં
સાયકાલે પઠેનિત્યં પ્રાત: કાલે વિશેષત:
તસ્મેય વિષભયં નાસ્તિ સર્વત્ર વિજયી ભવેત્

ગાંધીનગર જિલ્લાના ઈસનપુર મોટા ખાતે ખેતરમાં પૂર્વજ દાદાનું મંદિર ચાલીસ વર્ષ પૂર્વે અષાઢી બીજના દિવસે બિહોલા વંશજોએ બનાવ્યું હતું. આ મંદિરમાં દર કારતક મહિનાની પૂનમ (દેવદિવાળી)ના દિવસે હવન ભુવાજી ભીખુસિંહ બાદરસિંહ બિહોલા દ્વારા કરવામાં આવે છે.

આજે આ મંદિરમાં દરેક પાંચમ તથા શ્રાવણ મહિનાની સુદ તથા વદની બંને પાંચમે માનવ મહેરામણ ઊમટી પડે છે. આ મંદિર બન્યા પછી આ વિસ્તારમાં ઘણા શ્રદ્ધાળુને નાગદેવના દર્શન થાય છે પરંતુ તેમના થકી કોઈને કોઈપણ પ્રકારની કનડગત થતી નથી. •

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

9 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

9 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

9 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

10 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

10 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

10 hours ago