યાત્રી કૃપયા ધ્યાન દે, હવે ચાલુ ટ્રેનમાં મફતમાં મળશે ‘રેલ નીર’

તમારી ટ્રેનની સફર દરમિયાન, જો તમારી ટ્રેન 2 કલાક કરતા વધારે મોડી થાય તો રેલવે તમને પાણીની બોટલ ફ્રી આપશે. આ ઉપરાંત, તમામ પ્રવાસીઓને ન્યૂઝ પેપર પણ આપવામાં આવશે. બોટલ્ડ પાણી તેમજ ડિસ્પોઝેબલ ગ્લાસ પણ આપવામાં આવશે. જો કે રેલવે મંત્રાલયે પ્રીમિયમ ટ્રેનોના મુસાફરો માટે આ આદેશ જારી કરવામાં આવ્યો છે.

રેલવે મંત્રાલયે નિર્ણય કર્યો છે કે રાજધાની, દુરંતો અને શતાબ્દીની ટ્રેનો 2 કલાકથી વધુ વિલંબિત થાય તો દરેક પેસેન્જરને એક લિટર પાણીની દરેક બોટલ મફતમાં આપવામાં આવશે. વધુમાં, એવું કહેવામાં આવ્યું છે કે જો ટ્રેન 2 કલાકથી વધુ ચાલે તો દરેક સીટના મુસાફરોને એક લિટરની બોટલ અને અખબાર આપવામાં આવશે.

પ્રીમિયમ ટ્રેનના મુસાફરોની મુસાફરી શરૂ થતાં, એક લિટર પાણી મફતમાં આપવામાં આવે છે. પરંતુ જો ટ્રેન બે કલાક મોડું થઈ જાય તો મુસાફરોને વધારાનું પાણી મળશે.

રેલવે મંત્રાલયે તેના આદેશમાં જણાવ્યું છે કે જો રેલ નીયર ઉપલબ્ધ ન હોય તો કોઈ અન્ય બ્રાન્ડનું પાણી આપવામાં આવશે. આ સાથે, રેલવેએ કહ્યું છે કે જો વધારાનું પાણી અને પેપરમાં કોઈ સમસ્યા હોય તો પછી લાઇસન્સ ધરાવતા વેન્ડરને પાણી અને પેપરની કિંમત ચૂકવવી પડશે.

You might also like