VIDEO: આગામી વિધાનસભાની ચૂંટણીમાં આતંકી હુમલાને લઇ IB દ્વારા એલર્ટ

ગુજરાતઃ આગામી વિધાનસભાની ચૂંટણી હવે નજીક આવી રહી છે. રાજનૈતિક પાર્ટીઓનો પ્રચાર-પ્રસાર પણ ખૂબ જ જોર-શોરથી ચાલી રહેલ છે. પરંતુ સૂત્રોનાં જણાવ્યા અનુસાર આગામી ગુજરાત વિધાનસભાની ચૂંટણી પર આતંકીઓની બાજ નજર છે.

આગામી ગુજરાત વિધાનસભાની ચૂંટણી પર આતંકી હુમલાની આશંકા સેવાતા IB દ્વારા એલર્ટ આપવામાં આવ્યું છે.ચૂંટણી દરમ્યાન પાકિસ્તાની આતંકીઓ કોઇ મોટો હુમલો કરી શકે છે.

ખાનગી સૂત્રોનું આપણે માનીએ તો પાકિસ્તાની આતંકી સમુદ્રનાં માર્ગે આવીને પણ હુમલો કરી શકે તેમ છે. આતંકીઓનાં નિશાને પીએમ મોદી, બીજેપી અધ્યક્ષ અમિત શાહ અને ઉત્તરપ્રદેશનાં મુખ્યમંત્રી યોગી આદિત્યનાથ છે.

એવામાં કોસ્ટગાર્ડે આતંકી હુમલાઓથી બચવા એક અલગ જ પ્રકારની નવી રણનીતિ બનાવી છે. કોસ્ટગાર્ડે 10 યુદ્ધજહાજને દિવસ-રાતની ચોકીદારીમાં રાખી પાકિસ્તાન સાથે જોડાયેલ સમુદ્રી સરહદે તૈનાત કરેલ છે.

દરરોજનાં ત્રણથી ચાર હેલીકોપ્ટર હવાઇ સુરક્ષામાં લાગેલ છે. આ સાથે જ કોસ્ટ ગાર્ડનાં કમાન્ડો મરીન પોલીસ સાથે હાઇ સ્પીડ બોટ પર સમુદ્રમાં ચોકીદારી કરવાનું કામ કરે છે.

ખાનગી માહિતી એકઠી કરવા માટે એસએમએસી એટલે કે સબ્સિડરી મલ્ટી એજન્સી સેન્ટરની સાથે કોસ્ટગાર્ડનાં અધિકારી દરરોજ બેઠક કરી રહ્યાં છે. જેને લઇ આતંકી હુમલાને લઇ ખાનગી માહિતી પણ મળી શકે.

કોસ્ટગાર્ડ આ સિવાય માછીમારોને પણ આતંકી હુમલાઓને લઇ સાવધાન કરી રહ્યાં છે. આને માટે માછીમારોને ખાસ ટ્રેનિંગ અને વિશેષ જાણકારી આપવામાં આવે છે. કોસ્ટગાર્ડનાં અધિકારીઓ ચૂંટણી દરમ્યાન સુરક્ષાને લઇ રાજ્ય સરકાર સાથે પણ તાલમેલ સાધી રહ્યાં છે.

You might also like