Categories: India

હૈદરાબાદમાં ધોધમાર વરસાદથી પૂરની સ્થિતિઃ ત્રણનાં મોત, જનજીવન ઠપ

હૈદરાબાદ: હૈદરાબાદમાં સોમવારે સાંજે શરૂ થયેલ મુશળધાર વરસાદ હજુ પણ ચાલુ છે અને મોટાભાગના વિસ્તારો જળબંબોળ બની જતાં પૂર જેવી સ્થિતિ સર્જાઈ છે. ધોધમાર વરસાદને કારણે જનજીવન ઠપ થઈ ગયું છે અને શહેરમાં ભારે ટ્રાફિક જામ સર્જાયો છે. મોટી સંખ્યામાં લોકોનાં ઘરમાં વરસાદી પાણી ઘૂસી ગયાં છે. વરસાદને કારણે થયેલા જુદા જુદા અકસ્માતોમાં ત્રણ લોકોનાં મોત થયાં છે. મૃતકોમાં ચાર મહિનાનું એક બાળક અને તેના પિતાનો પણ સમાવેશ થાય છે. વીજળી પડવાથી લોકોની મુશ્કેલી વધી ગઈ છે.

પોલીસના જણાવ્યા અનુસાર એક દીવાલ પડતાં ચાર મહિનાના એક બાળક અને તેના પિતાનાં મૃત્યુ થયાં હતાં. જ્યારે એક અન્ય શખ્સને વીજળીનો કરંટ લાગતાં મોત થયું હતું. શેકપેટ મંડલના રિવ્યૂ અધિકારી એસ. રામુલના જણાવ્યા પ્રમાણે એક કમ્પાઉન્ડની દીવાલ તેના કાટમાળ સાથે એક ઝૂંપડી પર પડતાં ઝૂંપડીમાં રહેતા ચાર મહિનાના એક બાળક અને તેના પિતા મોતને ભેટ્યાં હતાં. બંનેના કાટમાળ નીચે દબાઈ જવાથી મૃત્યુ થયાં હતાં.

અધિકારીએ જણાવ્યું હતું કે આ ઘટનાની જાણ થતાં રાહત ઓપરેશન તાત્કાલિક હાથ ધરીને બંનેના મૃતદેહો બહાર કાઢવામાં આવ્યા હતા. આ દુર્ઘટનામાં મૃતકનાં પત્ની અને તેમની પુત્રીનો બચાવ થયો હતો. એક બીજી ઘટનામાં એક વ્યક્તિ હુસેનીયઆલમ વિસ્તારમાં ચા પીવા ગઈ હતી ત્યારે જોરદાર વરસાદને કારણે તે એક ગાડીની નજીક પહોંચી ત્યારે કરંટ લાગવાથી તેનું મોત થયું હતું. આ ગાડી વીજળીના થાંભલા પાસે ઊભી હતી અને તેમાંથી કરંટ પસાર થઈ રહ્યો હતો.

હવામાન વિભાગના જણાવ્યા પ્રમાણે ૬૭.૬ મી.મી.થી વધુ વરસાદ થયો છે. ભારે વરસાદના કારણે તમામ વિસ્તારોમાં પાણી ભરાઈ જતાં વાહન વ્યવહાર ખોરવાઈ ગયો હતો. ભારે વરસાદના કારણે બાર કલાકથી વધુ સમય સુધી લોકો પોતાનાં કાર્યાલયો અને રેલવે સ્ટેશન પર ફસાઈ ગયા છે. ભારે વરસાદના કારણે કેટલીક ટ્રેન સેવાઓ સ્થગિત કરી દેવામાં આવી છે.

તેલંગણાના મુખ્યપ્રધાન ચંદ્રશેખર રાવે નગર નિગમના પ્રમુખ અને શહેર પોલીસના વડા સાથે વાતચીત કરી હતી. તેમણે અધિકારીઓને એલર્ટ રહેવા સૂચના આપી હતી. તોફાની મોસમને જોતાં ઓસ્માનિયા યુનિવર્સિટીએ બીજો સરકારી આદેશ ન થાય ત્યાં સુધી બંધ રાખવાનો નિર્ણય કર્યો છે. આજે મંગળવારે યોજાનારી તમામ પરીક્ષાઓ મોકૂફ રાખવામાં આવી છે અને સ્થિતિ સામાન્ય થયા બાદ પરીક્ષાનું નવું ટાઈમ ટેબલ જારી કરવામાં આવશે.

divyesh

Recent Posts

એશિયા કપઃ પાકિસ્તાન સામે ભારતનો ભવ્ય વિજય, 8 વિકેટે આપ્યો પરાજય

દુબઇઃ એશિયા કપમાં આજે ટીમ ઇન્ડીયા અને પાકિસ્તાન વચ્ચે પાંચમી એવી ભવ્ય મેચનો દુબઇમાં મુકાબલો થયો. જેમાં પાકિસ્તાનની ટીમે 43…

5 hours ago

જિજ્ઞેશ મેવાણીનો બેવડો ચહેરો, કહ્યું,”ધારાસભ્યોની સાથે મારો પણ પગાર વધ્યો, સારી વાત છે”

અમદાવાદઃ ધારાસભ્યોનાં પગાર વધારા મામલે કોંગ્રેસનાં ધારાસભ્ય જીજ્ઞેશ મેવાણીએ વિશેષ પ્રતિક્રિયા આપી છે. જીજ્ઞેશ મેવાણીએ સોશિયલ મીડિયા પર પોસ્ટ કરીને…

6 hours ago

વિધાનસભા ગૃહમાં હોબાળો, નીતિન પટેલે કહ્યું,”કોંગ્રેસની અવિશ્વાસની દરખાસ્ત નિયમ વિરૂદ્ધ”

ગાંધીનગરઃ વિધાનસભા ગૃહમાં કોંગ્રેસનાં સભ્યોએ આજે ફરી વાર હોબાળો કર્યો હતો. ભાજપ વિરોધી સૂત્રોચ્ચાર કરીને હોબાળો કર્યો હતો. કોંગ્રેસનાં ધારાસભ્યો…

7 hours ago

સુરતઃ 3 વર્ષની માસૂમ બાળકીનું બિસ્કિટ અપાવવા બહાને કરાયું અપહરણ

સુરતઃ આપણી નજર સમક્ષ અવારનવાર નાની બાળકીઓ પર દુષ્કર્મ અને અપહરણ થયા હોવાનાં કિસ્સાઓ સામે આવતા હોય છે. ત્યારે આવો…

8 hours ago

નવાઝ પુત્રી-જમાઇ સહિત થશે જેલમુક્ત, ઇસ્લામાબાદ HCનો સજા પર પ્રતિબંધ

ઇસ્લામાબાદ હાઇકોર્ટે પાકિસ્તાનનાં પૂર્વ પ્રધાનમંત્રી નવાઝ શરીફની સજા પર પ્રતિબંધ લગાવી દીધો છે.નવાઝની દીકરી મરિયમ નવાઝ અને જમાઇ મોહમ્મદ સફદરની…

9 hours ago

રાજકોટઃ વાસફોડ સમાજે ઉચ્ચારી આત્મવિલોપનની ચીમકી, તંત્ર એલર્ટ

રાજકોટઃ શહેરમાં સરકાર દ્વારા ફાળવવામાં આવેલા પ્લોટની અધિકારીઓ દ્વારા માપણી ન કરવામાં આવતા વાસફોડ સમાજે આત્મવિલોપનની ચીમકી ઉચ્ચારી હતી. જો…

10 hours ago