Categories: Gujarat

હાઇરાઇઝ બિલ્ડિંગના પ્લાનમાં ફેરફાર કરવા બિલ્ડરોની પૂછપરછ

અમદાવાદ: ગત તા.૮ નવેમ્બરની રાત્રે ૮ વાગ્યે દેશમાં રૂ.પ૦૦ અને રૂ.૧૦૦૦ની જૂની નોટને ચલણમાંથી રદ કરવાની વડા પ્રધાન મોદીએ જાહેરાત કરી હતી. કેન્દ્રના આ નિર્ણયને અાજે એક મહિનો થયો છે. નોટબંધીની અસર વિભિન્ન ક્ષેત્રમાં ઓછી-વધતી અંશે દેખાઇ રહી છે. રિયલ એસ્ટેટ વિભાગમાં પણ નોટબંધીના પગલે જૂના હાઇરાઇઝ બિલ્ડિંગના પ્લાનમાં ફેરફાર કરવા અંગે બિલ્ડરોએ મ્યુનિ. કોર્પોરેશનમાં પૂછપરછ કરી હોવાનું જાણવા મળ્યું છે.

બીજી તરફ નોટબંધીના કારણે પ્રોપર્ટીના ભાવ ઘટશે તેવી શક્યતાના કારણે ઘરનું ઘર ખરીદવા ઈચ્છતા લોકોમાં હાલ ‘વેઈટ એન્ડ વોચ’નો અભિગમ જોવા મળી રહ્યો છે. કેન્દ્ર સરકારનાર નોટબંધીના એલાનથી નવા ફલેટ વગેરેની ખરીદીમાં મોટા ભાગના નાગરિકોએ ‘વેઇટ એન્ડ વોચ’ની ભૂમિકા અપનાવી છે. હાલના તબક્કે લોકો હોમલોન સહિતની બાબતોમાં રિઝર્વ બેંકની નીતિ-રીતિ પર ઝીણવટભરી નજર રાખી રહ્યા છે. આના કારણે રિયલ એસ્ટેટમાં પણ કંઇક અંશે સુસ્તીનું વાતાવરણ છવાયું છે. આગામી તા.૩૧ ડિસેમ્બર બાદ આ ક્ષેત્ર સહિતનાં અન્ય ક્ષેત્રમાં તેજી-મંદીની સ્પષ્ટતા થશે. અત્યારે તો નવા દસ્તાવેજ પણ ઓછા થઇ રહ્યા છે.
દરમ્યાન મ્યુનિ. નગર વિકાસ વિભાગના ટોચનાં સૂત્રો કહે છે કે, અમદાવાદ મેગા સિટીમાંથી સ્માર્ટ સિટી તરફ હરણફાળ ભરી રહ્યું હોઇ સ્વાભાવિકપણે હાઇરાઇઝ બિલ્ડિંગના નિર્માણ વધુ સંખ્યામાં થઇ રહ્યા છે. પંદર પંદર માળના આકાશને આંબતી ગગનચુંબી હાઇરાઇઝ બિલ્ડિંગ શહેરની શોભામાં તો વૃદ્ધિ કરે જ છે આની સાથે સાથે ‘વર્ટિકલ સાઇઝ’ના કારણે એક સાથે અનેક લોકોને ‘ઘરના ઘર’ની જરૂરિયાતને સંતોષી શકે છે.

પરંતુ નોટબંધીના કારણે ૧પ માળના હાઇરાઇઝ બિલ્ડિંગના માળ ઘટાડીને તેના આઠ માળ કરવાની તંત્રનું માર્ગર્શન સલાહ, સૂચના મેળવવા અમુક બિલ્ડરોએ નગર વિકાસ વિભાગની કચેરીના ફોન રણકતા કરી દીધા છે. અત્યારે તો શહેરના બોડકદેવ, થલતેજ અને વસ્ત્રાલ જેવા વિસ્તારોમાં ૧પ માળની હાઇરાઇઝ બિલ્ડિંગનાં નિર્માણ વધુ સંખ્યામાં થઇ રહ્યાં છે. જ્યારે નવા નિકોલ, નવા નરોડા, નવા મણિનગર, નવા ઓઢવ, વટવા, રામોલ, હાથીજણ, અસલાલી જેવા વિસ્તારોમાં મહદંશે આઠ માળનાં બિલ્ડિંગ બંધાઇ રહ્યાં છે. જોકે નોટબંધીની જાહેરાત બાદ અમુક બિલ્ડરોએ અગાઉના ૧પ માળના હાઇરાઇઝ બિલ્ડિંગને બદલે આઠ માળનાં બિલ્ડિંગના નિર્માણ પ્રત્યે ગંભીરતા દાખવી છે. એટલે નવેસરના રિવાઇઝડ પ્લાન વગેરેના સંદર્ભમાં મ્યુનિ. સત્તાવાળાઓને ફોન કે રૂબરૂ મળીને પૂછપરછનો દોર શરૂ કર્યો છે.

અત્રે ઉલ્લેખનીય છે કે કોર્પોરેશન પાસે દર મહિને નવાં બિલ્ડિંગોને અપાતી વિકાસ પરવાનગીના સંદર્ભમાં પંદરેક હજાર પ્લાન મુકાય છે. જે પૈકી ત્રણેક પ્લાન ૧પ માળની હાઇરાઇઝ બિલ્ડિંગના અને અન્ય આઠ માળની બિલ્ડિંગના હોય છે.  કોર્પો.ની તિજોરીમાં દર મહિને વિકાસ પરવાનગીના આવક પેટે રૂ.૩પ થી ૪૦ લાખ ઠલવાય છે. જોકે હવે રિવાઇઝડ પ્લાનની પૂછપરછનો આરંભ થયો છે. જેના કારણે આગામી દિવસોમાં કેટલાક બિલ્ડરો રિવાઇઝડ પ્લાન તંત્ર સમક્ષ મૂકે તેવી સંભાવના છે. આવા સંજોગોમાં તંત્ર જે તે બિલ્ડરને રિફંડ પણ ચૂકવશે. જોકે બીયુ પરમિશન વખતે રિફંડ ચૂકવવાનું હોઇ હાલ મ્યુનિ. આવકને ફટકો પડવાની શક્યતા નથી.
http://sambhaavnews.com/

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

7 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

7 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

7 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

7 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

7 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

7 hours ago