દિલ્હી-UP સહિત 16 રાજ્યમાં ભારે વરસાદની ચેતવણી: ઉત્તરાખંડમાં એલર્ટ જારી

નવી દિલ્હી: રાજધાની નવી દિલ્હી-એનસીઆર, ઉત્તરપ્રદેશ સહિત દેશનાં ૧૬ રાજ્યમાં આગામી બે-ત્રણ દિવસ દરમિયાન ભારે વરસાદની આગાહી કરવામાં આવી છે. હવામાન વિભાગ દ્વારા દિલ્હી, ઉત્તરપ્રદેશ અને બિહાર સહિતનાં ૧૬ રાજ્યના મોટા ભાગના વિસ્તારોમાં આજે પણ ભારે વરસાદની ચેતવણી આપવામાં આવી છે.

હવામાન વિભાગના જણાવ્યા અનુસાર ઉત્તરાખંડ, હરિયાણા. ચંડીગઢ, દિલ્હી, ઉત્તરપ્રદેશ, પશ્ચિમ મધ્યપ્રદેશ, બિહાર, પશ્ચિમ બંગાળ, સિક્કિમ, અરુણાચલપ્રદેશ, આસામ, મેઘાલય, નાગાલેન્ડ, મણિપુર, મિઝોરમ અને ત્રિપુરાના મોટા ભાગના વિસ્તારોમાં આજે ભારે વરસાદ પડશે.

કેરળ સહિત દક્ષિણ ભારતના મોટા ભાગના વિસ્તારોમાં વરસાદે વિરામ લીધા બાદ હવે ઉત્તર અને પશ્ચિમ ભારતમાં વરસાદે તબાહી મચાવી દીધી છે. દેશનાં ત્રણ મોટાં રાજ્ય મધ્યપ્રદેશ, રાજસ્થાન અને ઉત્તરપ્રદેશમાં સતત વરસી રહેલા વરસાદથી જનજીવન અસ્તવ્યસ્ત થઈ ગયું છે.

ઓડિશા પાસે ઊભા થયેલા એર સર્ક્યુલેશનથી નવી સિસ્ટમ સક્રિય થઈ છે, જે બંગાળની ખાડીથી ત્રાટકશે. યુપીથી લઈને બિહાર, ઝારખંડ અને છત્તીસગઢમાં આ સિસ્ટમના કારણે ભારેથી અતિભારે વરસાદ પડવાની શક્યતા છે.

ઉત્તરપ્રદેશના મીરજાપુર, ભદોહી, અલાહાબાદ, કૌશાંબી, કાનપુર, લખનૌ, આગ્રા ઉપરાંત મધ્યપ્રદેશના મંદસૌર, ધાર અને દેવાસમાં પણ ભારે વરસાદની ચેતવણી જારી કરી દેવામાં આવી છે. આ સિવાય મુઝફ્ફરપુર, પટણા, સિવાન, મધુબની, સીતામઢી, ગયા, હજારીબાગ, રાંચી, દેવધર, દુમકા સહિતનાં શહેરોમાં પણ મુશળધાર વરસાદ પડશે તેવું હવામાન વિભાગે જણાવ્યું છે.

રાજસ્થાનના ઝાલાવાડમાં આહુ અને પરવન નદીમાં પૂર આવતાં એક ડઝનથી વધુ ગામનો સંપર્ક તૂટી ગયો છે. મધ્યપ્રદેશમાં પણ ભારે વરસાદના કારણે ચંબલ નદીનું જળ સ્તર ઝડપથી વધી રહ્યું છે. નદીમાં પૂર આવવાથી નાગદાનું પ્રખ્યાત ચામુંડા મંદિર પાણીમાં ગરકાવ થઈ ગયું છે.

હવામાન વિભાગ દ્વારા ઉત્તરાખંડના દહેરાદૂન, હરિદ્વાર, પૌડી, નૈનિતાલ, ઉધમસિંહનગર અને ચંપાવતમાં આગામી બે દિવસ સુધી અતિભારે વરસાદની સંભાવનાને ધ્યાને લઈ એલર્ટ જારી કરી દેવામાં આવ્યું છે. બીજી તરફ હિમાચલ પ્રદેશમાં ભારે વરસાદની આશંકા વચ્ચે સરકારે કાંગડા જિલ્લામાં તમામ શૈક્ષણિક સંસ્થાઓ બંધ રાખવાના આદેશ જારી કરી દીધા છે.

દિલ્હી-એનસીઆરના કેટલાક વિસ્તારમાં આજે વહેલી સવારથી જ વરસાદ પડી રહ્યો છે. દિલ્હીમાં સાંજ સુધીમાં ભારે વરસાદની આગાહી પણ કરવામાં આવી છે. વરસાદના કારણે રસ્તાઓ પર પાણી ભરાઈ ગયાં છે અને સવારથી જ ટ્રાફિક જામનાં દૃશ્ય સર્જાયાં હતાં.

ઉત્તરપ્રદેશના લખમીપુર ખીરીમાં શારદા નદીમાં પણ પૂર આવ્યું છે. ધોરહરામાં અનેક રસ્તા તૂટી જતાં મોટા ભાગનાં ગામનો સંપર્ક તૂટી ગયો છે. ઈટાવા જિલ્લામાં થઈ રહેલા ભારે વરસાદથી જિલ્લાની મુખ્ય હોસ્પિટલમાં પણ પાણી ભરાઈ ગયાં છે અને અનેક લોકો ફસાઈ ગયા છે.

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

20 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

21 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

21 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

21 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

21 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

21 hours ago