CM રૂપાણી મંગળવારનાં રોજ સોમનાથની મુલાકાતે, પૂરગ્રસ્ત વિસ્તારની લઈ શકે છે મુલાકાત

મુખ્યમંત્રી વિજય રૂપાણી સોમનાથની મુલાકાતે જવાના છે. મુખ્યમંત્રી રાષ્ટ્રીય સ્વયંસેવક સંઘની કારોબારીમાં ઉપસ્થિત રહેશે. તેમજ ભગવાન સોમનાથનાં દર્શન પણ કરવાની સંભાવના છે. આ સાથે જ વરસાદથી પ્રભાવિત વિસ્તારોની મુલાકાત પણ લઈ શકે છે.

ઉલ્લેખનીય છે કે સૌરાષ્ટ્ર અને ખાસ કરીને ગીર સોમનાથ જિલ્લામાં ધોધમાર વરસાદ વરસી રહ્યો છે. જેનાં કારણે અનેક વિસ્તારો બેટમાં ફેરવાઈ ગયાં છે. તેમજ રોડ-રસ્તાઓ પણ ધોવાઈ ગયાં છે અને નદી નાળાં પણ છલકાઈ ગયાં છે. મહત્વનું છે કે કેટલાંક ગામો સંપર્ક વિહોણાં બની ગયાં છે કે જેનાં કારણે જનજીવનને ભારે અસર પહોંચી છે. જેથી આવા વિસ્તારોમાં મુખ્યમંત્રી રૂપાણી મુલાકાત લઈ શકે છે અને તેમનાં ખબર અંતર પણ પૂછી શકે છે.

મુખ્યમંત્રી વિજય રૂપાણી ગીર સોમનાથ જિલ્લામાં પડેલાં ભારે વરસાદને લઇને પૂરની સ્થિતિનો સામનો કરી રહેલાં ઊના અને ગીરગઢડાની મુલાકાત પણ લઈ શકે છે અથવા તો સીએમ રૂપાણી હવાઇ નિરીક્ષણ કરે તેવી પણ સંભાવના વ્યક્ત કરવામાં આવી રહી છે.

ઉલ્લેખનીય છે કે આજે રાજ્યમાં થયેલા ભારે વરસાદની સ્થિતિને લઈને સીએમ રૂપાણીએ બેઠક બોલાવી હતી. આ બેઠકમાં તેઓએ કંટ્રોલરૂમમાં જઈને તમામ કાર્યોનું નિરીક્ષણ કર્યું હતું. તેમજ રૂપાણીએ હાલની પરિસ્થિતિનો તમામ પ્રકારનો તાગ પણ મેળવ્યો હતો. આ ઉપરાંત રાહત બચાવ કામગીરીનું માર્ગદર્શન પણ આપ્યું હતું. ત્યારે બેઠક બાદ કહ્યું હતું કે, તમામ જગ્યાએ વરસાદને પગલે તંત્ર પહોંચી વળવા સંપૂર્ણ રીતે તૈયાર છે.

You might also like