Categories: Gujarat

રાજ્યમાં ભારે વરસાદની અાગાહી

ગુજરાતમાં પ્રારંભથી અષાઢી મેઘ જોઇએ તેટલો વરસ્યો નથી, જોકે અષાઢ મહિનાના આ છેલ્લા દિવસોમાં મેઘરાજા કંઇક અંશે રાજ્ય પર મહેરબાન થયા છે. મેહુલિયાના આગમનથી ખેડૂતોના મુરઝાયેલા ચહેરા પર થોડીક રોનક આવી છે. ક્યાંક ક્યાંક નદી-નાળાં છલકાયાં છે. આગામી ૪૮ કલાક રાજ્ય માટે ભારે વરસાદના રહેવાના હોઇ ખાલીખમ નાના-મોટા ડેમમાં પાણીનો જથ્થો જમા થાય તેમ લાગે છે. અલબત્ત, ભારે વરસાદની આગાહીના પગલે તંત્ર જાગૃત થયું છે. સ્થાનિક હવામાન વિભાગના હવામાન નિષ્ણાત મનોરમા મોહંતી કહે છે, “ગુજરાત પર અપર એર સકર્યુલેશન છવાયું છે.

ડોશી રાજ્ય મધ્યપ્રદેશના ઉત્તર-પશ્ચિમ વિસ્તારમાં પણ અપર એર સકર્યુલેશન જોવા મળે છે. આ બંને પ્રકારના અપર એર સકર્યુલેશનથી ગુજરાતમાં આગામી ૪૮ કલાક ભારે વરસાદના રહેશે. ઉત્તર, મધ્ય અને દ‌િક્ષણ ગુજરાત તેમજ સૌરાષ્ટ્રમાં ભારે વરસાદ પડવાની શક્યતા છે, જ્યારે કચ્છમાં પણ મધ્યમ કક્ષાના વરસાદની સંભાવના છે, જોકે રાજ્યનાં બંદરો પર આજે કોઇ ભયસૂચક સિગ્નલ મુકાયું નથી.”
દરમિયાન દ‌િક્ષણ ગુજરાતના વાપી-વલસાડ વિસ્તારમાં બારે મેઘ ખાંગા થતાં રેલવે અને રોડ વ્યવહાર પ્રભાવિત થયો છે.

દ‌િક્ષણ ગુજરાતના ડાંગ જિલ્લામાં વરસાદે ભારે તબાહી મચાવીને લોકોનાં ઘરમાં વરસાદી પાણી ઘૂસી ગયાં છે. જિલ્લા કલેક્ટરે દમણગંગાના અસરગ્રસ્ત વિસ્તારોની સમીક્ષા કરવા તાકીદની બેઠક બોલાવીને ફાયર બ્રિગેડ, ડિઝાસ્ટર સેલ, પોલીસ, આરોગ્ય વિભાગને સ્ટેન્ડ ટુ રહેવાની સૂચના આપી છે. આ ઉપરાંત સહેલાણીઓને સાપુતારા ન છોડવા તેમજ સાપુતારાની મુલાકાતે ન જવાની પણ તાકીદ તંત્ર દ્વારા કરાઇ છે.

divyesh

Recent Posts

અહીં મળશે બેસ્ટ ક્વોલિટીવાળા જેકેટ એ પણ માત્ર રૂ.180માં, આ છે દુનિયાનું સૌથી સસ્તું માર્કેટ

હવે સમગ્ર દેશભરમાં ઠંડીની ઋતુ એવી શિયાળાની શરૂઆત થઇ ગઇ છે. ત્યારે ધીમે-ધીમે સવાર-સાંજનાં તાપમાનમાં પણ ઘટાડો થવા લાગ્યો છે.…

12 hours ago

PM મોદીએ વારાણસીને અર્પણ કરી કરોડોની ભેટ, કહ્યું,”દેશે જે સપનું જોયું તે સાકાર થયું”

પ્રધાનમંત્રી નરેન્દ્ર મોદી આજે વારાણસીની મુલાકાતે છે. ત્યારે પ્રધાનમંત્રી નરેન્દ્ર મોદીએ પોતાનાં સંસદીય ક્ષેત્રમાં 2413 કરોડ રૂપિયાની પરિયોજનાઓનું લોકાર્પણ-શિલાન્યાસ કર્યો.…

13 hours ago

આ છે એવાં શાનદાર કપલ ટેટૂ, જે બન્યાં છે એકબીજાનાં પ્રેમની નિશાની માટે

ન્યૂ દિલ્હીઃ "કપલ ટેટૂ" ખાસ તરીકે તેવાં લોકો માટે છે કે જે કાં તો કોઇ રિલેશનશિપમાં હોય અથવા તો પૂરી…

14 hours ago

અરે આ શું! જાડેજાનો મેન ઓફ ધ મેચ પુરસ્કાર મળી આવ્યો કચરામાંથી!

ક્રિકેટ મેચ નિહાળતી વખતે તમે જોયું હશે કે મેચ પૂરી થયા બાદ જ્યારે પણ કોઈ ખેલાડીને કોઈ પુરસ્કાર આપવામાં આવે…

15 hours ago

રિવરફ્રન્ટનાં પૂર્વ છેડા પરનાં દધિચી બ્રિજની નીચે બનાવાશે ફૂડ કોર્ટ

અમદાવાદઃ મ્યુનિસિપલ સત્તાવાળાઓ દ્વારા કરોડો રૂપિયાના ખર્ચે સાબરમતી રિવરફ્રન્ટને નયનરમ્ય બનાવાયા બાદ સહેલાઈઓ માટે એક પછી એક નવી સુવિધાઓ ઉભી…

15 hours ago

રૂ.1.50 લાખમાં મકાન વેચાણ નહીં આપતાં પાડોશીએ આધેડનું ઢીમ ઢાળ્યું

વડોદરાઃ આજવા રોડ પર આવેલ એકતાનગરમાં મકાન વેચાણમાં લેવાના મામલે એક આધેડને પાઇપના ફટકા મારીને મોતને ઘાટ ઉતારી દેતાં સમગ્ર…

15 hours ago