મહારાષ્ટ્રમાં વરસાદ કહેર મચાવશેઃ મુંબઈમાં વરસાદ શરૂઃ પાંચ રાજ્યમાં એલર્ટ

મુંબઇ: મુંબઇમાં આજથી ભારે વરસાદના એલર્ટ વચ્ચે સવારના ૪-૦૦ વાગ્યાથી વરસાદ શરૂ થઇ ગયો છે. હવામાન વિભાગે મુંબઇ આજથી ત્રણ દિવસ સુધી ભારે વરસાદના તમામ રેકોર્ડ તોડી નાખશે એવી આગાહી કરી છે, જેને ધ્યાનમાં રાખીને તકેદારીનાં પગલાંરૂપે એનડીઆરએસની ત્રણ ટીમ તહેનાત કરવામાં આવી છે. આજે સવારના ૪-૦૦ વાગ્યે વરસાદની જોરદાર શરૂઆત થઇ હતી અને ત્યારબાદ વરસાદની ગતિ ધીમી પડી હતી અને આ લખાઇ રહ્યું છે ત્યારે ધીમી ધારે વરસાદ ચાલુ છે.

હવામાન વિભાગે ૭ થી ૧૧ જૂન સુધી મુંબઇ સહિત મહારાષ્ટ્ર અને ખાસ કરીને તટીય કોંકણ વિસ્તારમાં ભારે વરસાદની આગાહી કરી છે એટલું જ નહીં, રત્નાગીરી અને સિંધુ દુર્ગ જિલ્લામાં ભારે વરસાદનું એલર્ટ જારી કરાયું છે. મુંબઇમાં પણ ર૪ કલાકમાં વાજતેેગાજતે ચોમાસાનું આગમન થશે તેવી આગાહી કરાઇ છે.

આ ઉપરાંત ૧૦ અને ૧૧ જૂને સુરત અને વલસાડમાં પણ ભારે વરસાદની આગાહી કરવામાં આવી છે. કેન્દ્ર સરકાર દ્વારા દેશના પશ્ચિમી સમુદ્ર કિનારે આવેલા ગુજરાત સહિત પાંચ રાજ્ય કેરળ, કર્ણાટક, મહારાષ્ટ્ર અને ગોવામાં આ સપ્તાહે થનારા ભારે વરસાદને લઇ અણધાર્યાં ઘોડાપૂર આવવાનું પણ એલર્ટ જાહેર કરાયું છે, જેના કારણે પશ્ચિમી ઘાટથી નીકળતી નદીઓનું જળસ્તર ઘણું વધી શકે છે.

ઉત્તર ભારતમાં પણ મોસમમાં પલટો આવ્યો છે. કોઇ જગ્યાએ ધીમો તો કોઇ જગ્યાએ આંધી અને ગાજવીજ સાથે વરસાદ શરૂ થઇ ગયો છે. કાનપુર સહિત આસપાસના વિસ્તારોમાં બુધવારે ભારે ગરમી બાદ વરસાદ શરૂ થયો હતો. પશ્ચિમી ઉત્તર પ્રદેશના મેરઠમાં આંધી બાદ આવેલા વરસાદના કારણે કેટલાંક સ્થળોએ વૃક્ષો અને વીજળીના થાંભલા ધરાશાયી થઇ ગયા હતા.

રાજસ્થાનમાં પણ મધરાત બાદ આવેલા તોફાન બાદ વરસાદના કારણે ૬ લોકોનાં મોત થયાં હતાં. હનુમાનગઢમાં ૩, ધોલપુરમાં બે અને ભરતપુરમાં એકનું મોત થયું છે. મધ્યપ્રદેશમાં પણ કેટલાંય સ્થળોએ આંધી સાથે જોરદાર વરસાદ ચાલુ છે. ઉત્તરાખંડ અને ઉત્તર કાશીમાં પણ વીજળી પડવાના કારણે રર જેટલાં ઢોરઢાંખરનાં મોત થયાં હતાં.

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

37 mins ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

53 mins ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

59 mins ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

1 hour ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

1 hour ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

1 hour ago