Categories: India

હરિયાણામાં બે વિદ્યાર્થીઓ સહિત ૧૫ દલિતો સામે દેશદ્રોહનો કેસ ફટકારાયો

ચંડીગઢ: હરિયાણા પોલીસે ૧૫ દલિત એક્ટિવિસ્ટ પર દેશદ્રોહનો કેસ દાખલ કર્યો છે. પોલીસે જેમની સામે દેશદ્રોહનો કેસ ફટકાર્યો છે તેમાં કુરુક્ષેત્ર યુનિવર્સિટીમાં અભ્યાસ કરતા બે વિદ્યાર્થીઓનો પણ સમાવેશ થાય છે. આ તમામ પર સરકાર વિરુદ્ધ ભડકાઉ ભાષણો કરવાનો આરોપ છે. પોલીસના જણાવ્યા અનુસાર આરોપીઓએ લગભગ ત્રણ મહિના પહેલાં અંબાલાના પત્તરહેડી ગામમાં થયેલ જાતિવાદી અથડામણોમાં હત્યાના આરોપી ચાર દલિતોની મુક્તિ માટે કરેલા વિરોધ દેખાવોમાં આ ભાષણો કર્યાં હતાં. પોલીસસૂત્રોના જણાવ્યા અનુસાર એ વખતે થયેલી હિંસક અથડામણોમાં રાજપૂત સમુદાયના લોકો મૃત્યુ પામ્યા હતા.

દેખાવકારોનો આક્ષેપ છે કે જેમણે ૨૪ એપ્રિલના રોજ હરિયાણાના મુખ્યપ્રધાન મનોહરલાલ ખટ્ટર સાથે ટૂંકી મુલાકાત કરી આ અથડામણમાં નિષ્પક્ષ તપાસની માગણી કરી હતી એ તમામ લોકો સામે દેશદ્રોહનો ખટલો દાખલ કરવામાં આવ્યો છે. માર્ચમાં થયેલી હત્યા બાદ ૨૧ એપ્રિલે દલિતોએ કરનાલના કરણપાર્ક ખાતે ૨૧ એપ્રિલથી ૨૬ એપ્રિલ દરમિયાન ધરણાં કર્યાં હતાં. દલિત ગામમાં થયેલી અથડામણ માટે જવાબદાર લોકો સામે કાર્યવાહી કરવાની માગણી કરી રહ્યા હતા.

પોલીસ દ્વારા દાખલ કરવામાં આવેલી એફઆઈઆર અનુસાર ગામના લોકોએ આ દેખાવો ને ધરણાં દરમિયાન ભડકાઉ ભાષણ કર્યાં હતાં અને સ્થાનિક લોકોની શાંતિનો ભંગ થાય તેવી કાર્યવાહી કરી હતી. પોલીસસૂત્રોના જણાવ્યા અનુસાર એફઆઈઆરમાં ૧૫ લોકોને આરોપી બનાવવામાં આવ્યા છે. કરનાલ સિવિલ લાઈન્સ પોલીસ સ્ટેશનના અધિકારી મોહનલાલે આ વાતને સમર્થન આપતાં જણાવ્યું હતું કે આરોપીઓ સામે કલમ ૧૨૪ એ હેઠળ રમખાણો, ગેરકાયદે બેઠક અને અન્ય આરોપો લગાવવામાં આવ્યા છે. એફઆઈઆરમાં ૨૪ એપ્રિલે કર્ણાટકમાં ચક્કાજામ કરવા બદલ અને પોલીસ કાર્યવાહીમાં અવરોધનો પણ આરોપ મૂકવામાં આવ્યો હતો.

કરનાલના એસપી જશનદીપસિંહ રંધાવાએ જણાવ્યું હતું કે તેમને આરોપીઓ સામે દેશદ્રોહની કલમ-૧૨૪એ લગાવવા અંગે જાણકારી નથી. તેમણે જણાવ્યું હતું કે આ મામલો અંબાલામાં વિરોધ દેખાવો કરી રહેલા લોકો સાથે સંકળાયેલો છે. દેશદ્રોહનો કેસ દાખલ કરવામાં આવ્યો છે કે તેની મને ખબર નથી. જો આવું હશે તો અમે કાનૂની અભિપ્રાય મેળવીશું અને આરોપો ખોટા પુરવાર થશે તો તે હટાવી દેવામાં આવશે.
http://sambhaavnews.com/

divyesh

Recent Posts

એશિયા કપઃ પાકિસ્તાન સામે ભારતનો ભવ્ય વિજય, 8 વિકેટે આપ્યો પરાજય

દુબઇઃ એશિયા કપમાં આજે ટીમ ઇન્ડીયા અને પાકિસ્તાન વચ્ચે પાંચમી એવી ભવ્ય મેચનો દુબઇમાં મુકાબલો થયો. જેમાં પાકિસ્તાનની ટીમે 43…

1 hour ago

જિજ્ઞેશ મેવાણીનો બેવડો ચહેરો, કહ્યું,”ધારાસભ્યોની સાથે મારો પણ પગાર વધ્યો, સારી વાત છે”

અમદાવાદઃ ધારાસભ્યોનાં પગાર વધારા મામલે કોંગ્રેસનાં ધારાસભ્ય જીજ્ઞેશ મેવાણીએ વિશેષ પ્રતિક્રિયા આપી છે. જીજ્ઞેશ મેવાણીએ સોશિયલ મીડિયા પર પોસ્ટ કરીને…

2 hours ago

વિધાનસભા ગૃહમાં હોબાળો, નીતિન પટેલે કહ્યું,”કોંગ્રેસની અવિશ્વાસની દરખાસ્ત નિયમ વિરૂદ્ધ”

ગાંધીનગરઃ વિધાનસભા ગૃહમાં કોંગ્રેસનાં સભ્યોએ આજે ફરી વાર હોબાળો કર્યો હતો. ભાજપ વિરોધી સૂત્રોચ્ચાર કરીને હોબાળો કર્યો હતો. કોંગ્રેસનાં ધારાસભ્યો…

3 hours ago

સુરતઃ 3 વર્ષની માસૂમ બાળકીનું બિસ્કિટ અપાવવા બહાને કરાયું અપહરણ

સુરતઃ આપણી નજર સમક્ષ અવારનવાર નાની બાળકીઓ પર દુષ્કર્મ અને અપહરણ થયા હોવાનાં કિસ્સાઓ સામે આવતા હોય છે. ત્યારે આવો…

4 hours ago

નવાઝ પુત્રી-જમાઇ સહિત થશે જેલમુક્ત, ઇસ્લામાબાદ HCનો સજા પર પ્રતિબંધ

ઇસ્લામાબાદ હાઇકોર્ટે પાકિસ્તાનનાં પૂર્વ પ્રધાનમંત્રી નવાઝ શરીફની સજા પર પ્રતિબંધ લગાવી દીધો છે.નવાઝની દીકરી મરિયમ નવાઝ અને જમાઇ મોહમ્મદ સફદરની…

5 hours ago

રાજકોટઃ વાસફોડ સમાજે ઉચ્ચારી આત્મવિલોપનની ચીમકી, તંત્ર એલર્ટ

રાજકોટઃ શહેરમાં સરકાર દ્વારા ફાળવવામાં આવેલા પ્લોટની અધિકારીઓ દ્વારા માપણી ન કરવામાં આવતા વાસફોડ સમાજે આત્મવિલોપનની ચીમકી ઉચ્ચારી હતી. જો…

6 hours ago