Categories: News

મૌલાના કાઝમી, અંજર શાહે ગુજરાતના યુવાનોને જેહાદ માટે ઉશ્કેર્યા હતા

અમદાવાદ: એનઆઇએ તથા દિલ્હી એટીએસ દ્વારા ઉત્તર પ્રદેશ તથા બેંગલુરુથી ધરપકડ કરાયેલા અલકાયદાના બે આતંકી મૌલાના અબુસ સમી તથા અંજર શાહે ગુજરાતના વિવિધ શહેરોમાં અલકાયદા તથા જેહાદી પ્રવૃતિમાં જોડાવા માટે યુવાનોને ભડકાવતાં ભાષણ કર્યાં હોવાનો ચોંકાવનારો ખુલાસો થયો છે. આ ઘટનાથી ગુજરાત એટીએસ સહિતની તમામ સુરક્ષા એજન્સીઓ સતર્ક થઇ ગઇ છે અને તમામ દિશામાં તપાસ શરૂ કરી દીધી છે.

બે દિવસ પહેલાં યુપીના હરદોઇથી મૌલાના અબુસ સમી કાઝમીની (રહે. દિલ્હી) નેશનલ ઇન્વે‌સ્ટિગેશન એજન્સીએ ધરપકડ કરી છે. તેની ઉપર આરોપ છે કે તે અલકાયદાનો આતંકી છે અને જેહાદમાં સામેલ કરવા યુવાનોને ભડકાવી રહ્યો છે. દિલ્હી એટીએસએ પકડેલા મૌલાના અંજર શાહ કાસમીને અલકાયદામાં જોડાવવા માટે ભડકાઉ ભાષણ આપવાના ગુનામાં બેંગલુરથી ધરપકડ કરી છે. અલકાયદાના બન્ને આતંકીઓ એનઆઇએની કસ્ટડીમાં છે અને તેમની પૂછપરછ ચાલી રહી છે

ચોંકાવનારી વાત એ છે કે આ બંને આતંકીઓ ગુજરાતમાં આવીને યુવાનોનાં બ્રેઇનવોશ કરવા માટે તથા અલકાયદા અને જેહાદી પ્રવૃત્તિમાં જોડાવા માટે ભડકાઉ ભાષણ કર્યાં છે. એનઆઇએ સમક્ષ કરેલી કબૂલાતમાં જાણવા મળ્યું હતું કે મૌલાના અબુસ સમી કાઝમીએ વાપી અને ભરૂચમાં આવીને યુવાનોનું બ્રેઇનવોશ કરવાની કોશિશ કરી હતી જ્યારે મૌલાના અંજર શાહ કાસમીએ ગોધરા, ભરૂચ, મોડાસા, વાપી જેવી અનેક જગ્યાએ આવીને યુવાનોને ભડકાવ્યા હતા.

સૂત્રોના જણાવ્યા અનુસાર બન્ને આતંકીઓ દેશમાં વિવિધ જગ્યાએ આતંકી હુમલા તથા નેતાઓની હત્યા કરવાના ફિરાકમાં હતા. બન્ને આતંકીઓ મસ્જિદોમાં યુવાનોને ભેગા કરીને ધર્મના નામે અલકાયદા તથા જેહાદી ભાષણો આપ્યાં હતાં. બંને આતંકીઓ પાકિસ્તાનમાં એક મૌલાના સંપર્કમાં હતા. અગાઉ ધરપકડ કરાયેલા અલકાયદાના આતંકી ઝફર મસૂદ અબ્દુલ રહેમાન અને મૌલાના આસિફ બંને જણા અંજર શાહ કાસમીના સંપર્કમાં હતા અને સ્લીપર સેલ બનાવવાનો પણ આદેશ આપ્યો હોવાની કબૂલાત એનઆઇએ સમક્ષ કરી છે.

સુરક્ષા એજન્સીઓનાં સૂત્રોના જણાવ્યા અનુસાર દિલ્હી એટીએસ દ્વારા ધરપકડ કરાયેલા મૌલાના અંજર શાહ કાસમીનો પુત્ર મોડાસાના મદરેસામાં અભ્યાસ કરી રહ્યો હોવાનું સામે આવી રહ્યું છે ત્યારે ગુજરાતના કેટલા યુવાનોનાં બ્રેઇનવોશ થયાં છે અને તે મુદ્દે સુરક્ષા એજન્સીઓએ તપાસ શરૂ કરી છે આવનારા દિવસમાં બન્ને આતંકીઓની પૂછપરછ થાય તેવી શક્યતાઓ છે.

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

20 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

20 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

20 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

20 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

20 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

21 hours ago