Categories: Business

જીએસટીના રેટની જાહેરાત બાદ કેટલાંક સેક્ટર નારાજ

નવી દિલ્હી: પાછલા સપ્તાહે જીએસટી કાઉન્સિલે કેટલીક વિવાદિત ચીજવસ્તુઓના રેટની જાહેરાત કર્યા સિવાય મોટા ભાગની ચીજવસ્તુઓના રેટની જાહેરાત કરી દીધી છે. વેપારી સંગઠન સાથે ચર્ચા-વિચારણા કર્યા વગર જ આ રેટની જાહેરાત કરતાં કેટલાંક સેક્ટર દ્વારા આ રેટનો વિરોધ થઇ રહ્યો છે. ઇ-કોમર્સ કંપનીઓનું કહેવું છે કે તેઓનું કામ મુશ્કેલ થઇ જશે. એ જ રીતે ઓટોપાર્ટ્સનું ઉત્પાદન કરતી અને વેચાણ કરતી કંપનીઓ પણ જીએસટીના જાહેર કરેલા દરથી નારાજ છે. નાના અને મધ્યમ કદના ઓટોપાર્ટ્સનું ઉત્પાદન કરતી કંપનીઓનું કહેવું છે કે ૨૮ ટકા જીએસટી લાગશે તો તેઓએ કારોબાર કરવો મુશ્કેલ થશે. ઓટોપાર્ટ્સ મર્ચન્ટ એસોસિયેશનના જણાવ્યા પ્રમાણે ઊંચા જીએસટી ભારણના કારણે વેપાર કરવો મુશ્કેલરૂપ થશે.

કન્ફેડરેશન ઓફ ઓલ ઇન્ડિયા ટ્રેડર્સના જણાવ્યા પ્રમાણે ચર્ચા-વિચારણા કર્યા વગર જીએસટી લાગુ કરાય તે પૂર્વે વેપારીઓના પ્રતિનિધિવાળી કમિટી બનાવવામાં આવે. તેમણે વધુમાં જણાવ્યું કે વેપારીઓને વિશ્વાસમાં લીધા વગર સરકાર દ્વારા જીએસટી અંગે નિર્ણય લેવામાં આવી રહ્યો છે.

સોનું અને સોનાની જ્વેલરી પર પણ પાંચ ટકા જીએસટી લાદવાની વાતો વહેતી થઇ છે. એ જ પ્રમાણે કાપડ ઉપર પણ પાંચ ટકા જીએસટી આવી શકે છે, જોકે આ અંગેનો નિર્ણય ૩ જૂને થઇ શકે છે, પરંતુ ટેક્સના આ રેટ સામે અત્યારથી વિરોધ કરવાની ચર્ચા ઊઠી છે.

હોસ્પિટાલિટી ઇન્ડસ્ટ્રીઝની પણ ચિંતા વધી ગઇ છે. લક્ઝરી સેવાઓ પર ૨૮ ટકા ટેક્સ લાદવાની સરકારે જાહેરાત કરી છે, જેમાં ફાઇવસ્ટાર હોટલ, સિનેમા સામેલ છે. નવા રેટના એલાનથી રૂ. ૫૦૦૦થી ઉપરના હોટલ રૂમ પર ૨૮ ટકા ટેક્સ લાગશે. એ જ પ્રમાણે મોબાઇલનું બિલ પણ મોંઘું થઇ જશે. અત્યારે ૧૫ ટકા સર્વિસ ટેક્સ લેવામાં આવે છે. જીએસટી બાદ ૧૮ ટકા લેવાશે, જેનો ઇન્ડસ્ટ્રીઝ વિરોધ કરી રહી છે.
http://sambhaavnews.com/

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

20 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

20 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

20 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

20 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

20 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

20 hours ago