Categories: India

GST વગર સંસદનું શિયાળુ સત્ર પૂર્ણ

નવીદિલ્હી : સંસદનું શિયાળુસત્ર આજે નિરાશાજનકરીતે પરિપૂર્ણ થયું હતું. ફરી એકવાર ગુડ્ઝ એન્ડ સર્વિસ ટેક્સ (જીએસટી) બંધારણીય સુધારા બિલને પસાર કરવામાં સફળતા મળી ન હતી. આ ઉપરાંત બંકરબ્સી બિલ પણ પસાર થઇ શક્યું ન હતું. રાજ્યસભામાં છેલ્લા કલાકોમાં જુએનાઇલ જસ્ટિસ બિલ ગઇકાલે પસાર કરી દેવામાં આવ્યું હતું જેમાં ગંભીર પ્રકારના ગુનાઓના કેસમાં કિશોરની અવધિને ઘટાડીને ૧૮થી ૧૬ કરાઈ હતી.

આનો મતલબ એ થયો કે ગંભીર પ્રકારના કેસોમાં જુએનાઇલને ૧૬ વર્ષની વયમાં પણ પુખ્તવયના અપરાધી તરીકે ગણીને તેની સામે કાર્યવાહી કરવામાં આવશે. જીએસટી બિલ ફરી એકવાર પસાર થઇ શક્યું નથી. કોંગ્રેસ જેવા વિરોધ પક્ષોએ બિલમાં રહેલી જોગવાઈઓને લઇને વાંધો ઉઠાવ્યો હતો. નાણામંત્રી અરુણ જેટલીએ પોતે બેંકરબ્સી બિલને સંયુક્ત સંસદીય કમિટિને સોંપી દીધો છે. સરકાર બંકરસ્બી બિલને મની બિલ તરીકે પણ ગણે છે. રાજ્યસભા અને લોકસભામાં ભારે ધાંધલ ધમાલની સ્થિતિ રહી હતી.

વિવાદનો ઉકેલ આવી શક્યો નથી. કેન્દ્રીય નાણામંત્રી અરુણ જેટલી અને દિલ્હીના મુખ્યમંત્રી કેજરીવાલ વચ્ચે સામ સામે આક્ષેપબાજી, જેટલી સામે ભ્રષ્ટાચાર, કેજરીવાલના સેક્રેટરી પર સીબીઆઈના દરોડા જેવા મુદ્દા ઉપર હોબાળો રહ્યો હતો. અલબત્ત જુએનાઇલ જસ્ટિસ બિલ પસાર થઇ જતાં લોકોને રાહત થઇ ગઇ છે. સરકાર દ્વારા કેટલાક પાસાઓમાં વિચારણા કરવામાં આવી હતી. આ ઉપરાંત કોંગ્રેસ સાથે સહકારના મુદ્દે વાતચીત થઇ હતી.

રાજ્યસભામાં એનડીએ લઘુમતિમાં છે. અહીં ૫૫ કલાક વિરોધ પક્ષોના ધાંધલ ધમાલના કારણે બગડી ગયા હતા. શિયાળુ સત્રમાં ખલેલના પરિણામ સ્વરુપે ૯.૯ કરોડ રૂપિયા બગડી ગયા છે. સેશન દરમિયાન ૧૧૨ કલાક કામ થનાર હતું પરંતુ વિપક્ષોના ધાંધલ ધમાલના કારણે ૫૫ કલાક બગડી ગયા છે. તેમના સમાપન સંબોધનમાં ચેરમેન હમીદ અન્સારીએ કહ્યં હતું કે સત્રમાં ઘણું કામ ખોરવાઈ ગયું છે. સંસદીય બાબતોના મંત્રી એમ વેંકૈયા નાયડુએ કહ્યું હતું કે, કોંગ્રેસે બિનજરૂરી મુદ્દા ઉઠાવ્યા હતા.

લોકસભામાં જ્યાં ભાજપ બહુમતિમાં છે ત્યા ૧૧૫ કલાક કામ થયું હતું. નિર્ધારિત ૧૧૪ કલાકના બદલે એક કલાક વધુ કામ થયું હતું. રાજ્યસભામાં તેમની પાસે સંખ્યા ઓછી રહેલી છે જેથી કામ ઓછું થયું છે. નાયડુએ કહ્યું હતું કે, લોકસભા ઘણા બિલને પસાર કરી શકી છે. દરેક ગૃહને ચલાવવાનો ખર્ચ પ્રતિમિનિટ ૨૯ હજાર રૂપિયા હોય છે અને રાજ્યસભામાં કલાકોના નુકસાનથી તિજોરીને ૧૦ કરોડનું નુકસાન થાય છે.

લોકસભામાં ૧૪ બિલ પસાર કરવામાં આવ્યા છે જ્યારે રાજ્યસભામાં નવ બિલ પસાર કરાયા છે જેના લીધે ૪૬ ટકા પ્રોડક્ટિવીટી જોવા મળી છે. ગુડ્ઝ એન્ડ સર્વિસ ટેક્સ બિલ પસાર કરી શકાયું નથી. ઉપલા ગૃહમાં બિલ બિનવૈધાનિક કામ ઉપર ૩૭ કલાક બગડ્યા છે જ્યારે વૈધાનિક કામ ઉપર ૧૦ કલાક ઓછુ કામ થયું છે.

Navin Sharma

Recent Posts

સાપ્તાહિક રાશિ ભવિષ્ય: જાણો કઇ રાશિને થશે ધનનો લાભ, કોની થશે કારકિર્દીક્ષેત્રે પ્રગતિ

મેષઃ સમારોહ, પારિવારિક મેળાવડાઓમાં ભાગ લઇ શકશો. તમારાં સ૫નાં અને આશાઓ વાસ્તવિકતામાં ફેરવાતાં જણાશે. પારિવારિક સંબંધો મજબૂત અને સુરક્ષિત રહેશે, તમારી…

13 hours ago

…તો મારી પાસે ટોપ બેનરની ફિલ્મો ન હોતઃ સોનમ કપૂર

સોનમ કપૂરે બોલિવૂડમાં ૧૦ વર્ષ પૂરાં કરી લીધાં છે તેમ છતાં પણ તે ટોપ ફાઇવ અભિનેત્રીઓમાં ક્યારેય સામેલ થઇ શકી…

13 hours ago

રૂ.11 લાખની ઉઘરાણી કરતાં વેવાઈ પક્ષના સંબંધીની બે ભાઈએ હત્યા કરી

અમદાવાદ; શહેરમાં નવા વર્ષથી હત્યાનો સિલસિલો શરૂ થઇ ગયો છે. દર એકાદ-બે દિવસે અલગ અલગ કારણોસર હત્યાના બનાવ બની રહ્યા…

14 hours ago

નર્મદાનાં પાણીમાં પેસ્ટિસાઈડ્સનું પ્રમાણ ચકાસવા મશીન મુકાશે

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા શહેરીજનોને ખુલ્લી નર્મદા કેનાલમાંથી પીવાનું પાણી પૂરું પડાતું હોઇ આ પાણીમાં ભળતાં પેસ્ટિસાઇડ્સ(જંતુનાશક દવાઓ)ના પૃથક્કરણ…

14 hours ago

એક તરફી પ્રેમમાં પાગલ યુવાને સિવિલનાં મહિલા ડોક્ટરની ઊંઘ હરામ કરી

અમદાવાદ: સિવિલ હોસ્પિટલના રે‌િડયોલોજી વિભાગમાં ફરજ બજાવતી એક રે‌િસડન્ટ ડોક્ટર યુવતીએ શાહીબાગમાં રહેતા એક યુવક વિરુદ્ધમાં અશ્લીલ ચેનચાળા કરવા અંગેની…

14 hours ago

ઓસ્ટ્રેલિયા પ્રવાસઃ કરો ‘નવા યુગ’ની શરૂઆત

નવી દિલ્હીઃ ભારતીય ક્રિકેટ ટીમ ઓસ્ટ્રેલિયા પહોંચી ચૂકી છે અને તા. ૨૧ ને બુધવારથી શરૂ થઈ રહેલી ત્રણ મેચની ટી-૨૦…

14 hours ago