Categories: Gujarat

‘ગ્રેટ ગેમ્બલર’ પ્રવીણને હવે હાઈ સિક્યોરિટી ઝોનમાં રખાશે

અમદાવાદ: રાજ્યની હાઇ સિક્યોરિટી ગણાતી સાબરમતી જેલમાંથી ૧૯ વર્ષીય કેદી પ્રવીણ ઉર્ફે ભોલો ધવલ રવિવારે બપોરે જેલની ૧૮થી ર૦ ફૂટ ઊંચી દીવાલ કૂદી ફરાર થઇ ગયો હતો. પ્રવીણનાં માતા આશાબહેને તેમના પુત્રને ગઇકાલે ક્રાઇમ બ્રાન્ચ સમક્ષ હાજર કરી દીધો હતો. ક્રાઇમ બ્રાન્ચે પ્રવીણની ધરપકડ કરી હતી. ક્રાઇમ બ્રાન્ચે આરોપી કેદી પ્રવીણને રાત્રે જજને ઘરે રજૂ કર્યો હતો. આરોપીને રિમાન્ડ ન મળતાં ગત રાત્રે તેને સાબરમતી જેલમાં મોકલાયો હતો. જેલમાં પરત મોકલાતાં તેને કાચા કામના કેદીઓને રાખે છે ત્યાં રાખવાની જગ્યાએ હાઇ સિક્યોરિટી ઝોનમાં રાખવામાં આવ્યો છે.

હાઇ સિક્યોરિટી જેલના સત્તાધીશોના નાક નીચેથી ફરાર થનાર કેદી પ્રવીણ કલોલ જતો રહ્યો હોવાથી શંકાના આધારે તેનાં માતા આશાબહેને પ્રવીણનાં મિત્ર ચેતન ગઢવીનાં ત્યાં તપાસ કરી હતી. કલોલ ખાતે હોવાની જાણ થતાં તેઓએ ક્રાઇમ બ્રાન્ચના અધિકારીને ફોન કરી પ્રવીણને ક્રાઇમ બ્રાન્ચમાં હાજર કરશે તેમ કહ્યું હતું. રાત્રે પ્રવીણને લઇ તેઓ ક્રાઇમ બ્રાન્ચમાં હાજર થતાં પોલીસે તેની ધરપકડ કરી હતી.

પ્રવીણને જેલમાં રહેવું નહોતું પોતાના અને પરિવારજનો પર થયેલા હત્યાનો કેસ લડવા પૈસાની જરૂર હતી. પોતે તીનપત્તી જુગાર રમવાનાે બાદશાહ હોઇ જુગાર રમી પૈસા મેળવવાની લાલચે જેલમાંથી ફરાર થવાનો પ્લાન બનાવ્યો હતો અને ૧૮ ફૂટની દીવાલ કૂદી ફરાર થઇ ગયો હતો. ક્રાઇમ બ્રાન્ચે કરેલી ધરપકડ બાદ પ્રવીણને રાત્રે જજના ઘરે રજૂ કર્યો હતો. પોલીસે રિમાન્ડની માગ કરી હતી પરંતુ જજે રિમાન્ડ ફગાવી તેને જયુડિશિયલ કસ્ટડીમાં મોકલી આપ્યો હતો. ગત રાત્રે પ્રવીણને સાબરમતી જેલમાં લવાતાં હાઇ સિક્યોરિટી ઝોનમાં રખાયો હતો.

હાઇ સિક્યોરિટી ઝોનમાં ર૦૦૮ બોમ્બ બ્લાસ્ટના આતંકવાદીઓ તેમજ માથાભારે કેદીઓને સીસીટીવીની નજર હેઠળ રખાય છે. આવા હાઇ સિક્યોરિટી ઝોનમાં તેને રાખવામાં આવ્યો છે. સામાન્ય કાચા કામના કેદીની જગ્યાએ તેને માથાભારે કેદીની જેમ નજર હેઠળ રખાય છે તેવી રીતે રખાશે તેમ સૂત્રોએ જણાવ્યું છે.

જેલમાંથી કેદી દ્વારા ૧૮ થી ર૦ ફૂટની દીવાલ કૂદીને ભાગવાનો બનાવ બનતાં જેલનાં ઉચ્ચ અધિકારીઓની મિટિંગ યોજાઇ હતી. જેમાં જેલમાં સુરક્ષા વ્યવસ્થા મજબૂત બનાવવા સૂચનો કરાયાં હતાં. સાબરમતી જેલના સુપરિન્ટેન્ડન્ટ સુનીલ જોશીએ જણાવ્યું હતું કે જેલમાં સુરક્ષા વ્યવસ્થા મજબૂત બનાવશે. એસઆરપીના જવાનોને સતત કેદીઓ પર અને જેલમાં વોચ રાખવા જણાવાયું છે. જેલ સત્તાવાળાની બેદરકારી અંગેની તપાસ હજી ચાલુ છે.

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

16 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

16 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

16 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

16 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

16 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

16 hours ago