Categories: India

સરકારે ગુમ થયેલા વિમાનની ભાળ મેળવવા અમેરિકા સહિત વૈશ્વિક મદદ માંગી

નવી દિલ્હી : ભારતીય વાયુસેનાનાં ગુમ થયેલા એએન-32 વિમાનની એક અઠવાડીયા પછી પણ કોઇ ભાળ મળી નથી. જેનાં પગલે સંરક્ષણ પ્રધાન મનોહર પર્રિકરે કહ્યું કે સરકારે ગુમ વિમાન શોધવા માટે હવે અમેરિકા પાસે મદદ માંગી છે. પર્રિકરે ગુમ વિમાન અંગે ગુરૂવારે રાજ્યસભામાં આપેલા પોતાનાં નિવેદન અંગે અલગ અલગ સભ્યો દ્વારા પુછાયેલા સવાલ અંગે સ્પષ્ટીકરણ આપતા આ વાત કરી હતી.

પર્રિકરે જણાવ્યું કે સરકારે વિવિધ નકશાની તપાસ કરવા માટે અમેરિકા પાસે મદદ માંગી છે. સાથે જ અમેરિકા સંરક્ષણ દળોનાં ઉપગ્રહોની પણ મદદ લેવાઇ રહી છે. તેમનાં ઉપગ્રહમાં 22 જુલાઇએ કોઇ પ્રકારનાં સિગ્નલ પકડાયા હતા કે કેમ તે અંગે તપાસ કરવામાં આવી રહી છે. 22 જુલાઇએ જ 29 લોકોને લઇને જઇ રહેલ વિમાન ગુમ થયું હતું. તેમણે કહ્યું કે આપણા ઉપગ્રહોનાં નકશાની તપાસ તો ચાલી જ રહી છે પરંતુ અમેરિકાનાં ઉપગ્રહોનાં સિગ્નલ અંગે પણ તપાસ કરાવીશું. ઉપરાંત અન્ય દેશોને પણ આપણે જાણ કરી છે.

આશા છે કે પ્રયાસો સફળ રહેશે. સંરક્ષણ મંત્રીએ કહ્યું કે વિમાન હાલમાં જ ઘણા ફેરફાર અને રિપેરિંગ કરવામાં આવ્યું હતુ. તે નવા જેટલું જ મજબુત હતું. હું સભ્યોની ઉદ્વિગ્નતા સમજી શકું છું. હું પણ વિમાન અચાનક ગાયબ થઇ જવાનાં કારણે ઘણો પરેશાન છું મે આ અંગે વિવિધ વિશેષજ્ઞો અને પુર્વવાયુસેના પ્રમુખો સાથે પણ આ અંગે ચર્ચા કરી છે. તેઓ પણ આ પ્રકારે વિમાન ગાયબ થઇ જવાનાં કારણે ભારે અચંબામાં છે.

કોઇ એસઓએસ (ઇમરજન્સી સંદેશ) અથવા કોઇ ફ્રિકવન્સનું પ્રસારણ ન કરવામાં આવ્યું. અચાનક જ વિમાનનું ગુમ થઇ જવું એક મોટી બાબત છે. ઉપરાંત કોઇ તોડફોડ અંગેનાં જવાબમાં તેમણે કહ્યું કે કોઇ અટકળો લગાવવી યોગ્ય નથી કારણ કે શોધખોળ ચાલી રહી છે. કોઇ તોડફોડની આશંકા ઓછી છે. ભારતીય નૌસેનાનાં 10 જહાજ અને સબમરીન સિંધુ ધ્વજ શોધખોળ ચલાવી રહ્યા છે. તેમણે લગભગ તમામ વિસ્તાર તપાસ્યો છે. પરંતુ હજી સુધી કોઇ ભાળ મળી નથી.

Navin Sharma

Recent Posts

વિન્ડીઝ સામેની 3 T-૨૦માં ઇન્ડીયાનાં ૪૮૭ રન, અડધાથી પણ વધુ ૨૫૯ રન રોહિત-શિખરનાં

વિન્ડીઝ સામેની ત્રણ મેચની ટી-૨૦ શ્રેણી ભારતે ૩-૦થી વિજય મેળવ્યો. શ્રેણીમાં ભારતે બે વાર, જ્યારે વિન્ડીઝે એક વાર ૧૮૦થી વધુનો…

15 mins ago

શહેરમાં ચેઇન સ્નેચરોનો તરખાટઃ મહિલાઓનાં ગળાની ચેઇન આંચકી ગઠીયા રફુચક્કર

અમદાવાદઃ શહેરમાં ચેઇન સ્નેચરોનો આતંક દિવસે ને દિવસે વધી રહ્યો છે. વેજલપુર અને શાહીબાગ વિસ્તારમાં ચેઇન સ્નેચરોએ મહિલાનાં ગળામાંથી સોનાની…

27 mins ago

ભિલોડામાં વેપારી પર ફાયરીંગ કરીને ચલાવાઇ લૂંટ, સારવાર દરમ્યાન મોત

અરવલ્લીઃ નવા વર્ષની શરૂઆતમાં રાજ્યમાં લૂંટ ‌વિથ મર્ડરની બીજી ઘટના સામે આવી છે. જેનાં પગલે પોલીસબેડામાં ચર્ચાનો વિષય બની ગયો…

1 hour ago

ચીટર દંપતીનો એજન્ટ દાનસિંહ વાળા પણ પત્ની સાથે ફરાર

અમદાવાદઃ થલતેજમાં આવેલ પ્રેસિડેન્ટ પ્લાઝામાં વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની…

1 hour ago

કશ્મીર-બદરીનાથમાં ભારે હિમવર્ષા સાથે કાતિલ ઠંડી, રસ્તાઓ બંધ થતાં એલર્ટ જારી

શ્રીનગરઃ જમ્મુ-કાશ્મીરનાં ઉચ્ચ પર્વતીય વિસ્તારોમાં સતત ત્રીજા દિવસે પણ ભારે હિમવર્ષા અને નીચાણવાળા વિસ્તારોમાં વરસાદ પડવાથી સમગ્ર રાજ્યમાં કાતિલ ઠંડીનું…

2 hours ago

સુપ્રીમ કોર્ટમાં ચકચાર રાફેલ ડીલ કેસની સુનાવણી શરૂ

નવી દિલ્હીઃ સુપ્રીમ કોર્ટમાં રાફેલ ડીલ કેસમાં દાખલ થયેલ ચાર જનહિતની અરજી પર આજથી સુનાવણી શરૂ થઇ ગઇ છે. સુપ્રીમ…

2 hours ago