iPhone 7 અને 7 Plusને ટક્કર આપશે Googleનો Pixel અને Pixel XL

નવી દિલ્હી: હવે ગૂગલનો પોપ્યુલર સ્માર્ટફોન નેક્સસ આવશે નહીં. પરંતુ ગૂગલ હવે નેક્સસના બદલામાં Pixel અને Pixel XL સ્માર્ટફોન લોન્ચ કરવાની તૈયારીમાં છે. તાજેતરમાં તેનો ફોટો અને સ્પેસિફિકેશન કથિત રૂપથી લીક થઇ ગયા છે.

4 ઓક્ટોબરે દુનિયાની સામે ગૂગલનો નવો સ્માર્ટફોન Pixel સામે આવી શકે છે. કંપનીએ આ તારીખની જાહેરાત કરી છે. પરંતુ એવું કહ્યું નથી કે તે દિવસે Pixel લોન્ચ થશે. કંપનીએ એક વીડિયો જાહેર કર્યો છે જેમાં એક સ્માર્ટફોનનું ડ્રોઇંગ, ગૂગલનો લોગો અને ઇવેન્ટની તારીખ લખી છે.

એ માટે કંપનીએ એક ખાસ વેબસાઇટ પણ બનાવી છે જે યૂઝર્સના લોકેશ આધાર પર બતાવી રહી છે કે Pixel ક્યારે લોન્ચ થશે. ભારતમાં આ તારીખ 5 ઓક્ટોબરે સાંભળવામાં આવી રહી છે.

સૂત્રો દ્વારા Sailfish અને Marlyn કોડનેમથી બનાવવામાં આી રહેલા બે નેક્સસને પિક્સલના નામથી લોન્ચ કરવામાં આવશે. એટલે કે કંપની તેનું બ્રાન્ડિંગ બદલવા જઇ રહી છે.

એન્ડ્રોઇડ પોલીસના રિપોર્ટ સાથે ગૂગલના નવા સ્માર્ટફોનની કથિત લીક ફોટો શેર કરવામાં આવ્યો છે. જો કે આ પહેલા પણ ઘણા ફોટો આવ્યા છે, પરંતુ એમાંથી આ વધારે ક્લિયર છે. બંને સ્માર્ટફોન એલ્યૂમિનીયમ ફિનિશ વાળું
છે. રિયર પેનલ ઉપર એક ફિંગરપ્રિન્ટ સ્કેનર છે અને એલઇડી ફ્લેશની બાજુમાં ત્રણ ડોટ જોવા મળી રહ્યા છે.

બંને ફોટાને જોઇને એવો અંદાજો લગાવી શકાય કે પિક્સલ 5 ઇંચ અને પિકિસલ XLનવી સ્ક્રીન 5.5 ઇંચની હશે.

સૂત્રોના જણાવ્યા અનુસાર આ Android Nougat 7.1 સાથે લોન્ચ થશે જે હાલમાં આવ્યો નથી. આ ઉપરાંત એવું પણ કહેવામાં આવી રહ્યું છે કે એમાં ક્વોલકોમ સ્નેપડ્રેગન 820 આપવામાં આવશે.

You might also like