Categories: Business

સોના અને ચાંદીમાં વધુ ઘટાડો

અમદાવાદ: આજે શરૂઆતે સોના અને ચાંદીમાં વધુ ઘટાડો નોંધાતો જોવા મળ્યો હતો. સ્થાનિક બજારમાં સોનામાં વધુ ૨૦૦ રૂપિયાનો ઘટાડો નોંધાઇ શરૂઆતે જ ૨૮,૬૦૦ની સપાટીએ ભાવ ખૂલ્યો હતો. આમ, પાછલા બે દિવસમાં સોનામાં ૪૦૦ રૂપિયા કરતા વધુનો કડાકો બોલાઇ ગયો હતો. એ જ પ્રમાણે ચાંદીમાં પણ વધુ ૫૦૦ રૂપિયાનો ઘટાડો નોંધાઇ ચાંદીનો શરૂઆતે ૩૬,૨૦૦ની સપાટીએ ભાવ ખૂલ્યો હતો.

છેલ્લા બે દિવસમાં ચાંદીમાં ૧૧૦૦ રૂપિયા કરતા પણ વધુનો પ્રતિકિલોએ કડાકો બોલાઇ ગયો હતો. અમેરિકામાં વ્યાજદરમાં વધારો થવાની આશંકાએ બુલિયન બજારમાં પ્રેશર જોવા મળ્યું હતું અને સોનામાં ૦.૧૫ ટકાનો ઘટાડો નોંધાઇ ૧૨૧૧ ડોલર પ્રતિઔંસની સપાટીએ ટ્રેડિંગમાં જોવા મળ્યું હતું.

એ જ પ્રમાણે ચાંદીમાં પણ ૦.૫૦ ટકાનો ઘટાડો નોંધાયો હતો અને ચાંદી ઘટીને ૧૫.૫ ડોલર પ્રતિઔંસની સપાટીએ જોવા મળી હતી.સ્થાનિક બુલિયન બજારના જાણકારોના જણાવ્યા પ્રમાણે ડોલર સામે રૂપિયામાં જોવા મળી રહેલી મજબૂતાઇની ચાલની સાથેસાથે વૈશ્વિક બજારમાં જોવા મળી રહેલા ઘટાડાની સીધી અસર સ્થાનિક સોના ચાંદીના ભાવ પર જોવા મળી હતી.

એટલું જ નહીં લગ્નસરાની સિઝન તથા તહેવારોની સિઝનના અભાવ વચ્ચે સોના-ચાંદીની ખરીદીમાં મંદી વરતાઇ રહી છે. જીએસટી બાદ સોના ચાંદીના બજારમાં નવી ખરીદીના તદ્દન અભાવ વચ્ચે ભાવ પ્રેશરમાં જોવા મળ્યા હતા, જેના પગલે ઘટાડાની ચાલ નોંધાતી જોવા મળી હતી.

બુલિયન બજારના જાણકારોના જણાવ્યા પ્રમાણે વૈશ્વિક બજારમાં ૧૨૦૦ ડોલર મહત્ત્વનું સપોર્ટ લેવલ છે. જો આ સપાટી તોડે તો સોના અને ચાંદીમાં વધુ ઘટાડાની ચાલ જોવા મળી શકે છે.

સ્થાનિક બજારમાં સોના-ચાંદીના ભાવમાં ઘટાડાનાં કારણો
સ્થાનિક ઈક્વિટી બજાર સર્વોચ્ચ સપાટીએ જોવા મળી રહ્યું છે.
વૈશ્વિક બુલિયન બજારમાં ભાવ તૂટીને ૧,૨૧૧ ડોલરની સપાટીની નજીક
ડોલર સામે રૂપિયો મજબૂત થયો છે.
જીએસટીના પગલે સ્થાનિક બજારમાં નવી ખરીદીનો અભાવ
લગ્નસરાની તથા તહેવારોની સિઝનનો અભાવ
જૂન મહિનામાં સોના-ચાંદીમાં મોટા પ્રમાણમાં ખરીદી જોવા મળી હતી.
http://sambhaavnews.com/

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

1 day ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

1 day ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

1 day ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

1 day ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

1 day ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

1 day ago