Categories: Gujarat

સોનામાં નિયંત્રણોની જાહેરાત બાદ ભાવમાં વધુ રૂ. ૪૦૦નો ઘટાડો

અમદાવાદ: પાછલા મહિને નોટબંધી બાદ કાળાં નાણાંધારકો દ્વારા સોના અને ચાંદીની મોટા પ્રમાણમાં ખરીદી કરાઇ હતી. નોટબંધી બાદ હવે સોનું રાખનાર ઉપર સરકારનો ગાળિયો કસાય તેવી શકયતા તેજ બની હતી. છેલ્લા કેટલાય વખતથી સોનું કેટલું રાખવું તે અંગે અસ્પષટતાભરી સ્થિતિ પ્રવર્તતી જોવા મળી હતી. જોકે ગઇ કાલે સરકારની જાહેરાત બાદ સોનું કેટલું રાખવું તેની સ્થિતિ વધુ સ્પષ્ટ થઇ છે. સરકારની આ જાહેરાત બાદ આજે સોનામાં વધુ રૂ. ૪૦૦થી પણ વધુનો ઘટાડો નોંધાતો જોવા મળ્યો છે.

આજે શરૂઆતે ૨૯,૦૦૦ની સપાટી તોડી નીચે ૨૮,૯૦૦ની સપાટીએ સોનાનો ભાવ ખૂલેલો જોવા મળ્યો હતો.  બજારના જાણકારોના જણાવ્યા પ્રમાણે વૈશ્વિક બજારમાં સોનામાં ડાઉન ટ્રેન્ડ જોવા મળી રહ્યો છે. વૈશ્વિક બજારમાં સોનું ૧,૧૬૯ની સપાટીએ પહોંચી ગયેલું જોવા મળ્યું હતું. સ્થાનિક બજારમાં પણ તેની અસર જોવા મળી હતી.

અમદાવાદ જ્વેલર્સ એસોસિયેશનના સેક્રેટરી જિગરભાઇ સોનીના જણાવ્યા પ્રમાણે સરકારે વર્ષ ૧૯૯૪નો જે કાયદો હતો તે અંગે વધુ સ્પષ્ટતા કરી છે. તે વખતે લોકોમાં આ પ્રકારની સમજ ઓછી હતી. પ્રચાર-પ્રસારના હાલના જમાનામાં સરકારની સ્પષ્ટતાના પગલે કાયદા અંગે લોકોની સમજણ વધી છે, જેના પગલે ખરીદનારા અને વેચનારા બંનેમાં પાછલા કેટલાક સમયથી જે અસમજણની સ્થિતિ જોવા મળતી હતી તેમાં વધુ સ્પષ્ટતાની સ્થિતિ જોવા મળી છે. તેમણે વધુમાં જણાવ્યું કે ખરીદનારે ખરીદીનો પુરાવો એટલે કે બિલ, પેમેન્ટનો પુરાવો અને સોના-ચાંદીની પેમેન્ટ કર્યા બાદનું બેન્કનું સ્ટેટમેન્ટ આ પુરાવા હશે તો ખરીદનારને ભવિષ્યમાં તકલીફ આવવાની કોઇ શક્યતા રહેશે નહીં. કાયદેસરનાં નાણાંથી ખરીદનારને મુશ્કેલીમાં મુકાવું નહીં પડે.

તેમણે વધુમાં જણાવ્યું હતું કે સરકારની અા સ્પષ્ટતાના કારણે લોકોની કાયદેસરના નાણા દ્વારા સોનાના દાગીના અને ચાંદીની ખરીદીમાં વધારો થશે. જો કે બજારના જાણકારોના જણાવ્યા પ્રમાણે લાંબા ગાળે સોનાના ભાવમાં ખાસ કોઈ વધઘટ થશે નહીં.
http://sambhaavnews.com/

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

7 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

7 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

8 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

8 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

8 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

8 hours ago