Categories: Entertainment

મારી એક્ટિંગ વધુ ફિલ્મો અપાવશેઃ સોનાલી રાઉત

મુંબઇઃ એક જમાનામાં સુપર મોડલ રહી ચૂકેલી ઉજજ્વલા રાઉતની નાની બહેન સોનાલી રાઉત પણ પોતાની બહેનનાં પદચિહ્નો પર ચાલી રહી છે. બોલ્ડનેસના ગુરુમંત્રની સાથે તે ખૂબ નામ ચર્ચાઓમાં છે. અભિનેતા રણવીરસિંહ સાથે તેનો એક હોટ ફોટો શૂટ પ્રસિદ્ધ થયો છે.

’બિગ બોસ-8’માં પણ તે ખૂબ ચર્ચામાં રહી હતી. ખૂબ જ ચર્ચાઓમાં રહેવા છતાં તેની કરિયરની ગતિ સુસ્ત છે. તે કહે છે કે હું એવું માનતી નથી. હું છેલ્લાં પાંચ-છ વર્ષથી સતત મોડલિંગમાં વ્યસ્ત છું. ‘બિગ બોસ-8’ના કારણે હું વધુ ચર્ચામાં આવી. મારી પહેલી ફિલ્મ ‘ધ એક્સપોઝે’ ઠીક ઠીક બિઝનેસ કર્યો, પરંતુ મને તેનો કોઇ ખાસ ફાયદો ન થયો. હવે હું ઇન્દ્રકુમારની ફિલ્મ ‘ગ્રેટ ગ્રાન્ડ મસ્તી’ કરી રહી છું. આ ફિલ્મ પછી મને સારો એવો મોકો મળશે. હું આ ફિલ્મમાં બે ગીત ઉપરાંત મહત્ત્વના સીનમાં પણ છું. હું આખી ફિલ્મમાં જોવા મળીશ. તેથી હું ખૂબ ખુશ છું.
‘ગ્રેટ ગ્રાન્ડ મસ્તી’માં કલાકારોની ભીડ વચ્ચે શું સોનાલીને નોટિસ કરાશે. આ વાતનો જવાબ આપતાં તે કહે છે કે આખી ફિલ્મ ત્રણ હીરો પર આધારિત છે. ફિલ્મમાં મારો એક અલગ રોલ હશે, જે ખૂબ બોલ્ડ છે. મારા મત મુજબ દર્શકો તેને જરૂર નોટિસ કરશે. મારા માટે તો આ ફિલ્મ બાદ આગળનો રસ્તો સરળ બની જશે તે ચોક્કસ છે.

તો શું સોનાલી બોલ્ડનેસના સહારે આગળ વધવા ઇચ્છે છે. આ અંગે વાત કરતાં તે કહે છે કે સાવ એવું નથી, પરંતુ મારા માટે આવા પ્રકારની ફિલ્મો કરવી જરૂરી છે, નહીંતર મારા પગ અહીં જ સ્થિર થઇ જશે. હાલમાં મારી પાસે એક જ ફિલ્મ છે, પરંતુ ત્રણ-ચાર ફિલ્મો માટે વાત ચાલી રહી છે. હું જાણું છું કે આ ફિલ્મો મને મારી પાછલી ફિલ્મનો અભિનય જોઇને જ મળશે. હું વધુ મહેનત કરી રહી છું, જેથી મારો અભિનય મને વધુ ફિલ્મો અપાવી શકે.

Navin Sharma

Recent Posts

અહીં મળશે બેસ્ટ ક્વોલિટીવાળા જેકેટ એ પણ માત્ર રૂ.180માં, આ છે દુનિયાનું સૌથી સસ્તું માર્કેટ

હવે સમગ્ર દેશભરમાં ઠંડીની ઋતુ એવી શિયાળાની શરૂઆત થઇ ગઇ છે. ત્યારે ધીમે-ધીમે સવાર-સાંજનાં તાપમાનમાં પણ ઘટાડો થવા લાગ્યો છે.…

12 hours ago

PM મોદીએ વારાણસીને અર્પણ કરી કરોડોની ભેટ, કહ્યું,”દેશે જે સપનું જોયું તે સાકાર થયું”

પ્રધાનમંત્રી નરેન્દ્ર મોદી આજે વારાણસીની મુલાકાતે છે. ત્યારે પ્રધાનમંત્રી નરેન્દ્ર મોદીએ પોતાનાં સંસદીય ક્ષેત્રમાં 2413 કરોડ રૂપિયાની પરિયોજનાઓનું લોકાર્પણ-શિલાન્યાસ કર્યો.…

13 hours ago

આ છે એવાં શાનદાર કપલ ટેટૂ, જે બન્યાં છે એકબીજાનાં પ્રેમની નિશાની માટે

ન્યૂ દિલ્હીઃ "કપલ ટેટૂ" ખાસ તરીકે તેવાં લોકો માટે છે કે જે કાં તો કોઇ રિલેશનશિપમાં હોય અથવા તો પૂરી…

14 hours ago

અરે આ શું! જાડેજાનો મેન ઓફ ધ મેચ પુરસ્કાર મળી આવ્યો કચરામાંથી!

ક્રિકેટ મેચ નિહાળતી વખતે તમે જોયું હશે કે મેચ પૂરી થયા બાદ જ્યારે પણ કોઈ ખેલાડીને કોઈ પુરસ્કાર આપવામાં આવે…

15 hours ago

રિવરફ્રન્ટનાં પૂર્વ છેડા પરનાં દધિચી બ્રિજની નીચે બનાવાશે ફૂડ કોર્ટ

અમદાવાદઃ મ્યુનિસિપલ સત્તાવાળાઓ દ્વારા કરોડો રૂપિયાના ખર્ચે સાબરમતી રિવરફ્રન્ટને નયનરમ્ય બનાવાયા બાદ સહેલાઈઓ માટે એક પછી એક નવી સુવિધાઓ ઉભી…

15 hours ago

રૂ.1.50 લાખમાં મકાન વેચાણ નહીં આપતાં પાડોશીએ આધેડનું ઢીમ ઢાળ્યું

વડોદરાઃ આજવા રોડ પર આવેલ એકતાનગરમાં મકાન વેચાણમાં લેવાના મામલે એક આધેડને પાઇપના ફટકા મારીને મોતને ઘાટ ઉતારી દેતાં સમગ્ર…

15 hours ago