Categories: Gujarat

ર૦૦૦ની નોટોના કમિશનથી છૂટા આપવાના બહાને વૃદ્ધ સાથે છેતરપિંડી

અમદાવાદ: બે હજારના દરની નોટોના બદલામાં કમિશનથી છુટ્ટાં નાણાં આપવાના બહાને વસ્ત્રાલમાં રહેતા વૃદ્ધ સાથે છેતરપિંડીનો બનાવ બન્યો છે. ચાર શખ્સો વૃદ્ધને વિશ્વાસમાં લઈ કમિશન આપવાનું કહી પૈસા લઇ ફરાર થઇ ગયા હતા. અસલાલી પોલીસે આ અંગે ગુનો નોંધી તપાસ શરૂ કરી છે.

મળતી માહિતી મુજબ વસ્ત્રાલ વિસ્તારમાં આવેલા મારુતિ ટેનામેન્ટમાં જયકરભાઈ રશ્મિકાન્ત ભટ્ટ તેમના પરિવાર સાથે રહે છે. જયકરભાઈ હાલ નિવૃત્ત જીવન ગુજારે છે. થોડા સમય અગાઉ તેઓને રાહુલ સંઘવી અને ભાવેશ પંચાલ નામની વ્યક્તિઓ સાથે ઓળખાણ થઇ હતી. આ બંને યુવકોએ જયકરભાઈને બે હજારના દરની નોટોના બદલામાં છુટ્ટાં નાણાં કમિશનથી આપવાની વાત કરી હતી. છુટ્ટા પૈસા પર ૧૦ ટકા કમિશનની લાલચ આપતાં તેઓ વિશ્વાસમાં આવી ગયા હતા, જેથી તેઓએ સૌપ્રથમ રૂ. ર લાખની નોટો સામે છુટ્ટા પૈસા પર ૧૦ ટકા કમિશન જયકરભાઈને આપ્યું હતું. એક વારમાં કમિશન મળી જતાં તેઓ વિશ્વાસમાં આવી ગયા હતા.

બાદમાં ફરીથી રૂ. સાત લાખ લઇ જયકરભાઈને બાકરોલ ખાતે રાહુલ અને ભાવેશે બોલાવ્યા હતા, જ્યાં એક સ્વિફટ કારમાં આસિફભાઇ નામની અન્ય એક વ્યક્તિ ત્યાં આવી હતી. પૈસા બદલાવવા લઇ જાય છે તેમ કહી રૂ. સાત લાખ લઇ તમામ ફરાર થઇ ગયા હતા. આ અંગે અસલાલી પોલીસ સ્ટેશનમાં તેઓએ અરજી આપી હતી. એક મહિના બાદ અસલાલી પોલીસે આરોપીઓ ન મળતાં જયકારભાઈની ફરિયાદ લઇ છેતરપિંડીનો ગુનો નોંધી તપાસ શરૂ કરી છે.

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

7 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

7 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

7 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

8 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

8 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

8 hours ago