Categories: India

બારામુલ્લામાં IED બ્લાસ્ટઃ ચાર પોલીસકર્મીઓ શહીદ

શ્રીનગર, શનિવાર
જમ્મુ-કાશ્મીરના બારામુલ્લા જિલ્લાના સોપોરમાં એક આઈઈડી બ્લાસ્ટમાં ચાર પોલીસકર્મીઓ શહીદ થયા છે. અહેવાલો અનુસાર આતંકીઓ દ્વારા કરવામાં આવેલા આ આઈઈડી બ્લાસ્ટમાં બે લોકો ગંભીર પણ ઘાયલ પણ થયેલ છે. ઘાયલોને નજીકની હોસ્પિટલમાં સારવાર માટે દાખલ કરવામાં આવ્યા છે.

અહેવાલો અનુસાર બારામુલ્લા જિલ્લાના સોપોર વિસ્તારમાં આજે સવારે આ બ્લાસ્ટ થયો હતો. આઈઈડી બ્લાસ્ટ અંગે જાણકારી આપતા જમ્મુ-કાશ્મીરના ઈન્સ્પેક્ટર જનરલ મુનિરખાને જણાવ્યું હતું કે બારામુલ્લા જિલ્લાના સોપોરમાં આવેલી ગોલ માર્કેટમાં આ બ્લાસ્ટ કરવામાં આવતા ત્રણ દુકાને પણ નુકસાન પહોંચ્યુ છે.

આતંકીઓએ એક દુકાન નીચે જ આઈઈડી પ્લાન્ટ કરી હતી. આઈઈડી બ્લાસ્ટની ઘટના બાદ લશ્કર, જમ્મુ કાશ્મીર પોલીસ અને સીઆરપીએફના તમામ અધિકારીઓ અને જવાનો સ્થળ પર પહોંચી ગયા હતા. પ્રારંભિક અહેવાલ અનુસાર આ ઘટના પાછળ આતંકીઓની કોઈ મોટી સાજિશ હોવાની આશંકા વ્યક્ત કરવામાં આવી રહી છે. આઈઈડી બ્લાસ્ટની ઘટના બાદ સેના અને પોલીસની ટીમો દ્વારા સોપોર સહિત ઉત્તર કાશ્મીરના કેટલાય વિસ્તારોમાં જોરાદર સર્ચ ઓપરેશન હાથ ધરવામાં આવી રહ્યું છે.

આ બ્લાસ્ટ સોપોરની મેઈન ગોલ માર્કેટમાં થયો હતો. એવું કહેવાય છે કે જે દુકાન નીચે આઈઈડી પ્લાન્ટ કરવામાં આવી હતી ત્યાં પોલીસકર્મીઓ આવવાના છે એવી બાતમી આતંકીઓ પાસે હતી. એવું માનવામાં આવે છે કે આ બ્લાસ્ટ રિમોટ કન્ટ્રોલથી કરવામાં આવ્યો હતો.
મેઈન માર્કેટમાં આઈઈડી બ્લાસ્ટ થવાથી ભારે અફરાતફરી મચી ગઈ હતી. બ્લાસ્ટ બાદ લોકો સલામત સ્થળે ભાગતા નજરે પડ્યા હતા.

અત્રે ઉલ્લેખનીય છે કે જમ્મુ- કાશ્મીરમાં આ અગાઉ પણ કેટલીય વખત પોલીસકર્મીઓને નિશાન બનાવવામાં આવ્યા છે. ૨૦૧૭માં કાશ્મીર ખીણમાં તમામ જિલ્લાઓમાં આતંકીઓ દ્વારા પોલીસ પેટ્રોલિંગ ટીમને નિશાન બનાવવામાં આવી હતી. આ ઉપરાંત દક્ષિણ કાશ્મીરમાં કેટલાય જિલ્લામાં પોલીસ કેમ્પો પર આત્મઘાતી હુમલા કરાયા હતા.

Navin Sharma

Recent Posts

અહીં મળશે બેસ્ટ ક્વોલિટીવાળા જેકેટ એ પણ માત્ર રૂ.180માં, આ છે દુનિયાનું સૌથી સસ્તું માર્કેટ

હવે સમગ્ર દેશભરમાં ઠંડીની ઋતુ એવી શિયાળાની શરૂઆત થઇ ગઇ છે. ત્યારે ધીમે-ધીમે સવાર-સાંજનાં તાપમાનમાં પણ ઘટાડો થવા લાગ્યો છે.…

6 hours ago

PM મોદીએ વારાણસીને અર્પણ કરી કરોડોની ભેટ, કહ્યું,”દેશે જે સપનું જોયું તે સાકાર થયું”

પ્રધાનમંત્રી નરેન્દ્ર મોદી આજે વારાણસીની મુલાકાતે છે. ત્યારે પ્રધાનમંત્રી નરેન્દ્ર મોદીએ પોતાનાં સંસદીય ક્ષેત્રમાં 2413 કરોડ રૂપિયાની પરિયોજનાઓનું લોકાર્પણ-શિલાન્યાસ કર્યો.…

7 hours ago

આ છે એવાં શાનદાર કપલ ટેટૂ, જે બન્યાં છે એકબીજાનાં પ્રેમની નિશાની માટે

ન્યૂ દિલ્હીઃ "કપલ ટેટૂ" ખાસ તરીકે તેવાં લોકો માટે છે કે જે કાં તો કોઇ રિલેશનશિપમાં હોય અથવા તો પૂરી…

8 hours ago

અરે આ શું! જાડેજાનો મેન ઓફ ધ મેચ પુરસ્કાર મળી આવ્યો કચરામાંથી!

ક્રિકેટ મેચ નિહાળતી વખતે તમે જોયું હશે કે મેચ પૂરી થયા બાદ જ્યારે પણ કોઈ ખેલાડીને કોઈ પુરસ્કાર આપવામાં આવે…

9 hours ago

રિવરફ્રન્ટનાં પૂર્વ છેડા પરનાં દધિચી બ્રિજની નીચે બનાવાશે ફૂડ કોર્ટ

અમદાવાદઃ મ્યુનિસિપલ સત્તાવાળાઓ દ્વારા કરોડો રૂપિયાના ખર્ચે સાબરમતી રિવરફ્રન્ટને નયનરમ્ય બનાવાયા બાદ સહેલાઈઓ માટે એક પછી એક નવી સુવિધાઓ ઉભી…

9 hours ago

રૂ.1.50 લાખમાં મકાન વેચાણ નહીં આપતાં પાડોશીએ આધેડનું ઢીમ ઢાળ્યું

વડોદરાઃ આજવા રોડ પર આવેલ એકતાનગરમાં મકાન વેચાણમાં લેવાના મામલે એક આધેડને પાઇપના ફટકા મારીને મોતને ઘાટ ઉતારી દેતાં સમગ્ર…

9 hours ago