વકીલને ડ્રગ્સનાં કેસમાં ફસાવવા મામલે સંજીવ ભટ્ટ સહિત 7ની અટકાયત

અમદાવાદઃ વર્ષ ૧૯૯૬માં રાજસ્થાનનાં એક વકીલને ડ્રગ્સના કેસમાં ખોટી રીતે ફસાવવાના આરોપસર સીઆઇડી ક્રાઇમની સ્પેશિયલ ઇન્વે‌િસ્ટગેશન ટીમે બનાસકાંઠાના તત્કાલીન એસપી અને બરતરફ કરાયેલા આઇપીએસ અધિકારી સંજીવ ભટ્ટ, નિવૃત્ત પોલીસ ઇન્સ્પેક્ટર, નિવૃત્ત પીએસઆઇ સહિત સાત લોકોની અટકાયત કરી છે. ગુજરાત હાઇકોર્ટ દ્વારા સીઆઇડી ક્રાઇમની સ્પેશિયલ ઇન્વે‌િસ્ટગેશન ટીમને ત્રણ મહિનામાં તપાસ પૂરી કરી દેવા માટે આદેશ આપવામાં આવ્યો હતો.

રાજસ્થાનના પાલી જિલ્લાના રહેવાસી વકીલ સુમેરસિંહ રાજપુરોહિતની વર્ષ ૧૯૯૬માં પાલનપુરની એક હોટલમાંથી એક કિલો અફીણ સાથે બનાસકાંઠા પોલીસે ધરપકડ કરી હતી. નાર્કોટિક્સના આ કેસમાં વકીલ સુમેરસિંહને ખોટી રીતે ફસાવવા માટે હાઇકોર્ટના તત્કાલીન જજ આર.આર.જૈનના ઇશારે બનાસકાંઠાના તત્કાલીન એસપી સંજીવ ભટ્ટે પ્લાન ઘડ્યો હોવાનો આક્ષેપ કરતી ફરિયાદ ઘટનાના પાંચ મહિના બાદ કરવામાં આવી હતી, જે મુજબ પાલીમાં જજ આર.આર. જૈનની બહેનની દુકાન હતી, જેમાં સુમેરસિંહનો કબજો હતો.

દુકાનનો કબજો ખાલી કરાવવા માટે સુમેરસિંહનું બનાસકાંઠા પોલીસ દ્વારા અપહરણ કરવામાં આવ્યું હતું અને તેમના વિરુદ્ધમાં નાર્કોટિક્સની ખોટી ફરિયાદ કરવામાં આવી હોવાના આક્ષેપ કરવામાં આવ્યા હતા. રાજસ્થાન પોલીસમાં કરેલી ફરિયાદનો મામલો હાલ સુપ્રીમ કોર્ટમાં પેન્ડિંગ છે ત્યારે બનાસકાંઠામાં થયેલી ફરિયાદમાં હાઇકોર્ટ જજ જે.બી.પારડીવાલાએ સીઆઇડી ક્રાઇમની સ્પેશિયલ ઇન્વે‌િસ્ટગેશનની ટીમને તપાસ કરવાના આદેશ ત્રણેક મહિના પહેલાં આપ્યા હતાં.

હાઈકોર્ટના જસ્ટિસ જે.બી.પારડીવાલાએ તપાસના આદેશ આપતી વખતે આશ્ચર્ય વ્યક્ત કરતાં કહ્યું હતું કે ૧૯૯૬માં નોંધાયેલી ફરિયાદ પર બે દશકા સુધી કોઈ તપાસ કરવામાં આવી નથી. જ્યારે તેની સાથે જોડાયેલા રાજસ્થાનના એક કેસની તપાસ પૂર્ણ થઈ ચૂકી છે. આ કેસમાં હાઈકોર્ટના પૂર્વ જજ આર.આર.જૈન, સસ્પેન્ડેડ આઈપીએસ ઓફિસર સંજીવ ભટ્ટ અને બનાસકાંઠા પોલીસ પર આરોપ છે.

સીઆઇડી ક્રાઇમે તપાસ કરતાં ગઇ કાલે મોડી રાતથી વહેલી સવાર સુધીમાં કુલ સાત લોકોની અટકાયત કરી છે. સીઆઇડી ક્રાઇમે સવારે બરતરફ કરાયેલા આઇપીએસ અધિકારી સંજીવ ભટ્ટ, પીઆઇ વ્યાસ, પીએસઆઇ સહિત સાત લોકોની અટકાયત કરી છે. આ મામલે સીઆઈડી ક્રાઈમના વડા આશિષ ભાટિયાએ જણાવ્યું છે કે વકીલને ડ્રગ્સ કેસમાં ફસાવી દેવાના મામલે સંજીવ ભટ્ટ સહિત સાત લોકોની અટકાયત કરવામાં આવી છે. તમામની પૂછપરછ બાદ ધરપકડ કરવામાં આવશે.

ઉલ્લેખનીય છે કે સંજીવ ભટ્ટે ભાજપ સરકાર અને વડા પ્રધાન નરેન્દ્ર મોદી વિરુદ્ધમાં બાંયો ચઢાવી હતી. થોડાક દિવસ પહેલાં સંજીવ ભટ્ટે અમદાવાદના ડ્રાઈવ-ઇન રોડ ઉપર આવેલા પોતાના ઘરમાં ગેરકાયદે બાંધકામ કર્યું હતું, જેમાં તેઓ વિવાદમાં આવ્યા હતા. જ્યારે સંજીવ ભટ્ટ ગુજરાતનાં તોફાનો અંગે તત્કાલીન મુખ્યપ્રધાન નરેન્દ્ર મોદી પર ગંભીર આરોપો લગાવતાં ચર્ચામાં આવ્યા હતા અને ત્યાર બાદ તેમને ફરજમાંથી સસ્પેન્ડ કરવામાં આવ્યા હતા. અગાઉ બોગસ એફિડેવિટ કરવા બદલ ઘાટલોડિયા પોલીસે ધરપકડ કરી હતી. ઉલ્લેખનીય છે કે ઉપવાસ પર બેઠેલા હાર્દિક પટેલની સંજીવ ભટ્ટે મુલાકાત લીધી હતી.

Dhruv Brahmbhatt

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

11 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

12 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

12 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

12 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

12 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

12 hours ago