Categories: Gujarat

રખડતાં ઢોર પકડવાનો વિભાગ છેલ્લા અઢી મહિનાથી નધણિયાતો

અમદાવાદ: ગઇ કાલે અસારવા વિસ્તારમાં રખડતાં ઢોર પકડવા ગયેલા મ્યુનિસિપલ તંત્રના સીએનસીડી વિભાગની ટીમ અને સ્થાનિક લોકો વચ્ચે ઘર્ષણ થતાં મામલો બિચક્યો હતો. જેના કારણે આજે સ્થાનિકોએ અસારવા બંધનું એલાન આપ્યું છે. આશ્ચર્યજનક બાબત એ છે કે સમગ્ર સીએનસીડી વિભાગ છેલ્લા અઢી મહિનાથી નધણિયાતો છે.

હાઇકોર્ટના આદેશને પગલે ગત તા.૧૮ ઓગસ્ટ ર૦૧૭થી તંત્ર દ્વારા શહેરભરમાંથી રખડતાં ઢોરને પકડવા માટે રાઉન્ડ ધી કલોક ઓપરેશન શરૂ કરાયું હતું. જેમાં સત્તાવાળાઓએ ત્રણ ટીમ બનાવીને ઢોરને પકડવાનું અભિયાન વેગવંતું બનાવ્યું હતું તે સમયે સીએનસીડી વિભાગના હયાત સ્ટાફ ઉપરાંત વધુ ર૦ કર્મચારીને કામે લગાડાયા હતા.

સીએનસીડી વિભાગ તરફ સત્તાવાળાઓની ઉપેક્ષાના કારણે ઢોર પકડવા માટે ફક્ત ચાર ટ્રેલર હતાં એટલે વધારે ઢોર પકડવા વધુ ચાર ટ્રેલર ખરીદવાની દરખાસ્ત સીએનસીડી વિભાગ દ્વારા તંત્રને કરાઇ હતી. આ ઉપરાંત અમુક વિસ્તારમાં સ્ટાફ પર કેટલાક લોકો હિંસક હુમલો કરતા હોઇ ઢોર પકડવા જતી વખતે સ્ટાફને સઘન સુરક્ષા પૂરી પાડવા વધારાનો પોલીસ બંદોબસ્ત ફાળવવા છ ટાટા સુમો ખરીદવાની પણ દરખાસ્ત તંત્ર સમક્ષ મુકાઇ હતી.

આજે આઠ મહિના બાદ પણ સ્થિતિ ‘જૈસે થે’ છે. તેમાં પણ અઢી મહિના પહેલાં સીએનસીડી વિભાગના સુપરિન્ટેન્ડેન્ટ ડો.જયંત કાચા રાજ્ય સરકારમાં પરત ફરતાં આજે પણ આટલો મહત્વપૂર્ણ વિભાગ હવાલાથી ચાલી રહ્યો છે. સ્લોટર હાઉસના આસિ.સુપરિન્ટેન્ડેન્ટ ડો.પ્રતાપસિંહ રાઠોડ પાસે સીએનસીડી વિભાગનો હવાલો છે. દરમ્યાન અસારવાનાં ઘર્ષણને મામલે તંત્ર દ્વારા ગઇ કાલે શાહીબાગ પોલીસ સ્ટેશનમાં હુમલાખોરો વિરુદ્ધ ફરિયાદ નોંધાવાઇ છે.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

21 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

21 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

21 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

21 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

21 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

21 hours ago