Categories: Gujarat

મનુભાઈ જ્વેલર્સમાં મોડી રાતે આગ: ફાયરના ચાર કર્મચારીઓ દાઝ્યા

અમદાવાદ: શહેરના આશ્રમરોડ પર આવેલા મનુભાઈ જ્વેલર્સ શો-રૂમમાં મોડી રાતે આગ લાગવાનો બનાવ બન્યો હતો. ઘટનાની જાણ ફાયર વિભાગને કરાતાં ફાયર બ્રિગેડની ચાર ગાડીઓ ઘટનાસ્થળે રવાના કરાઈ હતી. આગ બુઝાવવા જતાં ચાર જેટલા ફાયરકર્મીઓ દાઝી જતાં તેઓને સારવાર માટે વી.એસ.હોસ્પિટલ ખસેડવામાં આવ્યા હતા. શોર્ટ સ‌િર્કટથી આગ લાગી હોવાનું જાણવા મળ્યું હતું.
ફાયર બ્રિગેડનાં સૂત્રો પાસેથી મળતી માહિતી મુજબ શહેરના આશ્રમરોડ પર પતંગ હોટલ સામે આવેલા નેપ્ચ્યુન ટાવરમાં મનુભાઈ જ્વેલર્સ નામનો શો-રૂમ આવેલો છે.

મોડી રાતના દોઢ વાગ્યાની આસપાસ જ્વેલર્સમાં આગ લાગી હતી. આ અંગે ફાયર બ્રિગેડને જાણ કરાતાં દાણાપીઠ ફાયર સ્ટેશનની ચાર ગાડીઓ ઘટનાસ્થળે રવાના કરવામાં આવી હતી. ફાયરના કર્મચારીઓએ પાણીનો મારો ચલાવી આગને કાબૂમાં લેવાના પ્રયાસો શરૂ કર્યા હતા. આગ બુઝાવવા જતાં દાણાપીઠ ફાયર સ્ટેશનમાં ફરજ બજાવતા નલિન કહાર, અલ્પેશ કહાર, એરિક રિબેરો અને સુનીલ કુરીચાને આગની ઝાળ લાગતાં તેઓ દાઝી ગયા હતા. ચારેય ફાયરકર્મીઓને સારવાર માટે વી. એસ. હોસ્પિટલ ખસેડવામાં આવ્યા હતા, જોકે તેઓ હાથ અને મોઢા પર સામાન્ય દાઝી ગયા હોવાનું ફાયરનાં સૂત્રોએ જણાવ્યું હતું. શોર્ટ સર્કિટના કારણે આ આગ લાગી હોવાનું જાણવા મળ્યું હતું. આગના કારણે મોટું નુકસાન થયું હોવાનું ફાયર બ્રિગેડે જણાવ્યું હતું.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

1 day ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

1 day ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

1 day ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

1 day ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

1 day ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

1 day ago