જિપ્સી ઇવેન્ટને રૂપિયા ૯૨ લાખ ભરવા ફાઈનલ નોટિસ

અમદાવાદ: અમદાવાદ શહેરના સરદાર પટેલ સ્ટેડિયમ ખાતે આયોજિત ‘અરિજિતસિંહ અેઝ નેવર બિફોર’ લાઇવ કોન્સર્ટના આયોજકો જિપ્સી ઇવેન્ટને મામલતદાર (મનોરંજન કર વિભાગ) દ્વારા ૭ દિવસમાં રૂ.૯ર લાખ ભરી દેવાની ફાઇનલ નોટિસ ગઇ કાલે ફટકારી દેવામાં આવી છે. આયોજકો જો ૭ દિવસમાં કરચોરીની રકમની ચુકવણી નહીં કરે તો લેન્ડ રેવન્યૂ કોર્ટની કલમ-૧પર, ૧પ૪ અને ર૦ર હેઠળ કાર્યવાહી કરવામાં આવશે તેવો સ્પષ્ટ ઉલ્લેખ નો‌િટસમાં કરવામાં આવ્યો છે.

અત્રે ઉલ્લેખનીય છે કે ડિસેમ્બર-ર૦૧૬માં યોજાયેલી સરદાર પટેલ સ્ટેડિયમ ખાતેની બો‌િલવૂડ સિંગર અરિજિતસિંહ લાઇવ કોન્સર્ટ મનોરંજન કરની ચોરીના મામલે વિવાદમાં આવી હતી. જિપ્સી ઇવેન્ટને ભૂતકાળમાં પણ કરવામાં આવેલી અરિજિતસિંહ કોન્સર્ટની ‌િટ‌િકટોના વેચાણ અને કેટલો મનોરંજન ટેક્સ ભરવામાં આવ્યો હતો તેની વિગતો માગતી મનોરંજન વિભાગ દ્વારા નો‌િટસ અપાઇ હતી એટલું નહીં, અમદાવાદ કલેક્ટર કચેરી દ્વારા પણ ઇવેન્ટના આયોજકોને રૂબરૂ બોલાવાયા હતા ત્યારે મનોરંજન કર વિભાગને જાણવા મળ્યું હતું કે કંપની દ્વારા અગાઉ પણ ત્રણ ઇવેન્ટ કરવામાં આવી હતી, જેના વિશે કોઇ રેકોર્ડ રજૂ કરાયો નથી.

ત્યારબાદ કંપનીને રૂ.૯ર લાખની કરચોરી અંગેની નો‌િટસ મનોરંજન વિભાગ દ્વારા આપવામાં આવી હતી. આ નો‌િટસની સામે જિપ્સી ઇવેન્ટ કંપનીએ હાઇકોર્ટમાં રિટ દાખલ કરી હતી, જેમાં હાઇકોર્ટે આપેલા ચુકાદા મુજબ કંપની અરિજિતસિંહ લાઇવ કોન્સર્ટની ઇવેન્ટને સંપૂર્ણપણે કોમ‌િર્શયલ ગણવામાં આવી હતી અને કંપનીને હાઇકોર્ટે નફાના હેતુસર આયોજિત રૂ.૯ર લાખનો મનોરંજન કર ભરી દેવા બાબતે જજમેન્ટ આપ્યું હતું.

ગઇ કાલે મનોરંજન વિભાગના અમદાવાદ ખાતેના મામલદાર ભદ્રેશભાઇ શાહ દ્વારા હાઇકોર્ટના જજમેન્ટ સાથે ૭ દિવસમાં ૯ર લાખ રૂ. ભરી દેવા માટે ‌િજપ્સી ઇવેન્ટને ફાઇનલ નો‌િટસ ફટકારવામાં આવી છે. લેવન્ડ રેવન્યૂ કોર્ટની કલમ-૧પર, ૧પ૪, ર૦ર હેઠળ મળેલી નો‌િટસ મુજબ કંપની આ રકમ નહીં ચૂકવે તો કંપની અને તેના આયોજકોની મિલકત જપ્તી દ્વારા દંડની રકમની વસૂલી થઇ શકે છે.

You might also like