FiFa World Cup: ક્રોએશિયાએ રચ્યો ઇતિહાસ, ફાઇનલમાં ફ્રાન્સ સામે મુકાબલો

મારિયો માંડજુકિક દ્વારા વધારાના સમયમાં કરવામાં આવેલા ગોલના પગલે ક્રોએશિયાએ બુધવાર રાત્રે ઇતિહાસ રચી દીધો છે. ક્રોએશિયા ફીફા વર્લ્ડકપ 2018ની બીજી સેમફાઇનલમાં ઇંગ્લેન્ડને 2-1થી પરાજય આપી ફાઇનલમાં પ્રવેશ કરી લીધો છે. ક્રોએશિયાનો ફાઇનલમાં ફ્રાન્સ સામે મુકાબલો થશે.

ઇંગ્લેન્ડ સામેની સેમિફાઇલનમાં ખરાબ શરૂઆત બાદ ક્રોએશિયાએ મેચમાં જોરદાર વાપસી કરી હતી. ક્રોએશિયાની ટીમ ફાઇનલમાં જગ્યા બનાવવામાં સફળ રહી હતી. ફ્રાંસ-ક્રોએશિયા વચ્ચે 15મીએ ફાઇનલ જંગ ખેલાશે. ક્રોએશિયા-ઇંગ્લેન્ડ વચ્ચેની સેમિફાઇનલમાં નક્કી કરાયેલા સમયમાં બંને ટીમ 1-1થી બરાબર પર હતી.

ત્યારબા 32 વર્ષના માંડજુકિકે વધારાના સમયમાં બીજા હાફની 109મી મિનિટે ગોલ કરી ક્રોએશિયાને વિશ્વકપમાં ઇતિહાસમાં પ્રથમ વખત ફાઇનલમાં જગ્યા અપાવી.

સેમિફાઇનની શરૂઆતમાં ઇંગ્લેના કિરૈન ટ્રિપિયરે પાંચમી મિનિટે દમદાર ફ્રી કીક દ્વારા ગોલકીપર ડેનિયલ સુબેસિકને માત આપી ઇંગ્લેન્ડને 1-0ની સરસાઇ અપાવી દીધી હતી. પરંતુ ઇવાન પેરિસિકે 68મી મિનિટે ક્રોએશિયાને બીજા હાફમાં ગોલ કરી બરાબરી પર લાવી દીધી હતી.

ક્રોએશિયાના ફાઇનલ પ્રવેશથી ઇંગ્લેન્ડની ટીમનું પાંચથી વધારે દશકા બાદ ફાઇનલમાં જગ્યા બનવવાનું સપનું રોળાઇ ગયું હતું. ઇંગ્લેન્ડ એકમાત્ર 1966માં ફાઇનલમાં પહોચ્યું હતું, પોતાના દેશમાં જ ખિતાબ જીતવામાં સફળ રહ્યું હતું. વિશ્વકપના ઇતિહાસમાં માત્ર બીજી વખત સેમિફાઇનલ રમી રહેલ ક્રોએશિયાની ટીમ આ અગાઉ ફ્રાંસમાં રમાયેલ 1998ની સેમેફાઇનલમાં પહોંચી હતી જ્યાં તેનો પરાજયનો સામનો કરવો પડ્યો હતો.

divyesh

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

7 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

7 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

8 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

8 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

8 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

9 hours ago