FIFA વિશ્વ કપ જીતવાની રેસમાંથી બહાર થયા મેસ્સી અને રોનાલડો

અર્જેન્ટીનાના સુપ્રસિદ્ધ ખેલાડી લાયોનલ મેસ્સી (Lionel Messi) પછી ક્રિસ્ટિયાનો રોનાલ્ડોનું (Cristiano Ronaldo) ફિફા (FIFA) વિશ્વ કપને જીતવાનું સ્વપ્ન અધૂરૂ રહી ગયું. મેસ્સીએ ફ્રાન્સ સામેની હારનો સામનો કરવો પડ્યો હતો, જ્યારે રોનાલ્ડોની ટીમને શનિવારે રાત્રે પોર્ટુગલે ઉરુગ્વે સામે રમાયેલી પૂર્વ-ક્વાર્ટર ફાઇનલમાં 2-1થી હાર મળી હતી.

સ્ટાર ફોરવર્ડ એડિંસન ક્વાનીએ ઉરુગ્વે માટે બે ગોલ નોંધાવ્યા હતા, જ્યારે પેપેએ વર્તમાન યુરોપીયન ચેમ્પિયન પોર્ટુગલ માટે એકમાત્ર ગોલ નોંધાવ્યો હતો. એડિંસનને મેન ઓફ ધ મેચ ઘોષિત કર્યો હતો.

પોર્ટુગલની ટીમે દસ મિનિટમાં બીજા હાફમાં ગોલ કર્યો હતો. પોર્ટુગલે 55મી મિનિટે ડિફેન્ડર રાફેલ ગેરેરોના ક્રોસ પર પેપે એક તેજસ્વી હેડર માર્યો અને તેની ટીમ માટે મેચનો પ્રથમ ગોલ કર્યો.

ઉરુગ્વેએ 62મી મિનિટમાં પોર્ટુગલના ગોલનો જવાબ આપ્યો હતો. બોક્સની ડાબી બાજુથી, રોડરીગો બેન્ટાકુર દ્વારા મળેલા પાસ પર ક્વાનીએ શ્રેષ્ઠ ગોલ નોંધાવ્યો હતો અને ઉરુગ્વેને 2-1થી આગળ ધકેલ્યા હતા.

જો આર્જેન્ટિના અને પોર્ટુગલ આ મેચ જીત્યા હોત તો તેઓ ક્વાર્ટર ફાઇનલ્સમાં એક બીજા સામે રમતા જોવા મળતા. આવું મેસ્સી અને રોનાલ્ડો માટે વિશ્વ કપના ઇતિહાસમાં સૌપ્રથમ વખત થાત. પરંતુ હવે આ બંને રેસમાંથી બહાર નિકળી ગયા છે. એવું પણ માનવામાં આવી રહ્યું છે કે વિશ્વના સૌથી મોટા ફૂટબોલ ખેલાડી આગામી વિશ્વ કપ ન પણ રમે.

You might also like