Categories: India

આ રહ્યો એકી-બેકી નંબરનો ગોટાળો ટાળવાનો ઉપાય

નવી દિલ્હીમાં ફાટ-ફાટ થતાં વાહનવ્યવહારના કારણે હવામાં જીવલેણ પ્રદૂષણની માત્રા ભયજનક લેવલ કરતાં દસ ગણી થઈ ગઈ છે, એવો અહેવાલ મળતાં દિલ્હી સરકારે તરત જ નવી દિલ્હીમાં વાહનવ્યવહાર ઓછો કરવા માટે જાહેરનામું બહાર પાડી દીધું કે, એકી નંબરની તારીખે વાહનના નંબરનો છેલ્લો આંકડો એકી હોય એ જ વાહન ચલાવવું, બેકી તારીખે એ વાહન બંધ રાખવું.

જેની પાસે અનેક કાર હોય એવા લોકોને આ વટહુકમથી કશો ફરક પડતો નથી, પરંતુ એક જ કાર ધરાવતા હોય એવા લોકો માટે સમસ્યા એ ઊભી થઈ કે, જે દિવસે એમની કાર રોડ પર ન લઈ જઈ શકાય એ દિવસે કામ શી રીતે કરવું? બધા આ સમસ્યાની ચર્ચા કરવામાં વ્યસ્ત હતા ત્યારે દિલ્હીમાં નોઈડા ખાતે સેક્ટર ૪૪માં આવેલી એમીટી ઈન્ટરનેશનલ સ્કૂલના આઠમા ધોરણમાં ભણતા માત્ર ૧૩ વર્ષના અક્ષત મિત્તલ નામના છોકરાએ આ સમસ્યાનો ઉકેલ શોધી કાઢ્યો.

તેણે ‘ઓડ-ઈવન.કોમ’ નામની વેબસાઈટ બનાવી લીધી છે. તેમાં કાર ચાલકોએ પોતાનું નામ, નંબર, સરનામું અને સ્ત્રી-કે પુરુષ કોની સાથે ભાગીદારી કરવી ગમશે એ વિગતો ભરીને સભ્ય બનવાનું રહેશે. બસ, પછી રોજ એ વેબસાઈટ ખોલીને જોઈ લેવાનું કે આજે કયા નંબરવાળી કાર લઈ જવાની છે. સાથે જ એ પણ ખબર પડી જાય કે કોની સાથે ભાગીદારી કરી શકાય એમ છે.

એનો ફોન નંબર મેળવી ફોન કરી નક્કી કરી લેવાનું કે, ભાઈ આજે હું તમારી સાથે આવીશ, કાલે તમે મારી સાથે આવજો. ટૂંકમાં તમારી કાર રસ્તા પર લઈ જઈ શકાય તેમ ન હોય ત્યારે તમે કોઈની સાથે આ વેબસાઈટ દ્વારા ભાગીદારી કરી શકો. જોકે આ લખાય છે ત્યારે ૧૮ ડિસેમ્બર ૨૦૧૫ના રોજ ‘ઓડ-ઈવન.કોમ’ વેબસાઈટ ખોલવાનો પ્રયાસ કરતાં ‘પ્રોબ્લેમ લોડિંગ પેજ’નો મેસેજ જોવા મળ્યો હતો.

admin

Recent Posts

ભારતમાં નવી આર્થિક ક્રાન્તિ સાથે પોસ્ટઓફિસ પણ બની બેંકઃ PM મોદી

સિંગાપોરઃ વડા પ્રધાન નરેન્દ્ર મોદી બે દિવસનાં પ્રવાસે સિંગાપોર પહોંચી ગયાં છે. આ દરમિયાન તેઓ પૂર્વ એશિયા સંમેલન, આસિયાન-ભારત અનૌપચારિક…

9 mins ago

કોશિશ ચાલુ રહેશે, હાર નહીં માનું: નેહા શર્મા

અભિનેત્રી નેહા શર્માએ ૨૦૦૭માં તેલુગુ ફિલ્મ 'ચિરુથા'થી એક્ટિંગ કરિયરની શરૂઆત કરી હતી અને ત્રણ વર્ષ બાદ ૨૦૧૦માં મોહિત સુરીની ફિલ્મ…

17 hours ago

બેઠાડું નોકરી કરો છો? તો હવે હેલ્ધી રહેવા માટે વસાવી લો પેડલિંગ ડેસ્ક

આજકાલ ડેસ્ક પર બેસીને કરવાની નોકરીઓનું પ્રમાણે વધી ગયું છે. લાંબા કલાકો બેસી રહેવાની ઓબેસિટી, ડાયાબિટીસ અને હાર્ટ ડિસીઝનું જોખમ…

17 hours ago

શહેરમાં ૧૮ ફાયર ઓફિસરની સીધી ભરતી સામે સર્જાયો વિવાદ

અમદાવાદઃ મ્યુનિસિપલ કોર્પોરેશન સંચાલિત ફાયર બ્રિગેડની તંત્ર દ્વારા કરાતી ઉપેક્ષાનું સામાન્ય ઉદાહરણ વર્ષોથી સ્ટેશન ઓફિસર વગરના ફાયર સ્ટેશનનું ગણી શકાય…

17 hours ago

૨૬૦ કરોડનું ફૂલેકું ફેરવનાર ચીટર દંપતી વિદેશ નાસી છૂટ્યાંની આશંકા

અમદાવાદઃ થલતેજમાં આવેલ પ્રેસિડેન્ટ પ્લાઝામાં વર્લ્ડ ક્લેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની…

17 hours ago

રાજ્ય સરકારનો મહત્વનો નિર્ણય, વિવિધ યોજનાઓમાં દિવ્યાંગોને અપાશે અગ્રિમતા

ગાંધીનગરઃ ગુજરાત સરકારે એક મહત્વનો નિર્ણય કર્યો છે. જેમાં દિવ્યાંગોને વિવિધ યોજનામાં અગ્રિમતા આપવામાં આવશે. ભરતીમાં 4 ટકાનાં ધોરણે લાભ…

18 hours ago