Categories: Gujarat

ઇજનેરીમાં પ્રવેશ લેવા એક માસમાં તૈયારી કરી ગણિતની પરીક્ષા અાપો!

અમદાવાદ: ધો.૧રની બી ગ્રૂપ સાથેની પરીક્ષા પાસ કરનાર વિદ્યાર્થીને હવે એન્જિનિયરિંગમાં ભણવાની તક મળે તેવો નિર્ણય ભલે શિક્ષણ બોર્ડે લીધો હોય, પરંતુ આ નિર્ણય જાહેર થતાંની સાથે જ અનેક પ્રશ્નાર્થ ઊઠ્યા છે. કારણ કે બી ગ્રૂપના વિદ્યાર્થીને માત્ર એક માસના ટૂંકા ગાળામાં ર વર્ષના અભ્યાસક્રમની પરીક્ષા પાસ કરવી પડશે, જે કોઇ રીતે શક્ય નથી. શિક્ષણવિદો ખુદ બોર્ડના આ નિર્ણયને અતાર્કિક અને હાસ્યાસ્પદ ગણાવે છે.

ર૮ ઓગસ્ટ, ર૦૧૬ના રોજ ૧ માસ પછી લેવાનારી ગણિતની પરીક્ષામાં નવાઇની વાત એ છે કે જે વિદ્યાર્થીએ છેલ્લા બે વર્ષથી જે વિષય છોડી દીધો છે તેની તૈયારી માટે તેની પાસે માત્ર ૧ માસનો સમય છે. મેથ્સનો વિષય વાંચીને તૈયાર કરી શકાય તેવો સહેલો નથી. ગમે તેવો હોશિયાર વિદ્યાર્થી ચાર સેમેસ્ટરની તૈયારી એક માસમાં પૂર્ણ કરી શકે નહીં અને ખરેખર હોશિયાર હશે તે બચેલી ખાલી રહેલી બેઠકો પર એડમિશન લેવાનું પસંદ નહીં કરે.

આ અંગે શાલિન વિદ્યાલયના મુખ્ય શિક્ષક કૌશલ શાહે જણાવ્યું હતું કે, ધો.૧૧નો ફન્ડામેન્ટલ જે વિદ્યાર્થી ભણ્યો ન હોય તે ધો.૧રની ટ્રીગોનોમેટ્રી પણ ન ભણી શકે કદાચ ગમે તેમ વિદ્યાર્થી પાસ પણ થઇ જાય તો એન્જિનિયરિંગના બે વર્ષ અભ્યાસ કરી તેની જાતે જ અભ્યાસ છોડી દેશે. ધો.૧૦ પાસ કરનાર મોટા ભાગના વિદ્યાર્થી સ્પષ્ટ હોય છે કે તેમણે આગળ શું ભણવું છે. તે પ્રમાણે જ તે એ અને બી અથવા એબી ગ્રૂપમાં ભણવાનું પસંદ કરે છે.

જ્યારે કોમન અભ્યાસક્રમ ધો.૧૧ અને ૧રમાં ભણવાનો હતો ત્યારે પરિણામ પર અસર થતી હોવાના કારણે બોર્ડ દ્વારા જ તેનું વિભાજન કરાયું છે જેથી વિદ્યાર્થીને જે લાઇન લેવી છે તેમાં જ ભણવાનું થાય.
હાલમાં ખાલી પડેલી અનેક એન્જિનિયરિંગની સીટો ભરવા માટે આવો ફતવો બહાર પડાયો હોવાનો ગણગણાટ શિક્ષણજગતમાં જઇ રહ્યો છે.

ધો.૧ર પાસ બી ગ્રૂપના વિદ્યાર્થીએ ધો.૧૧ ગણિત ૧૦૦ માર્ક અને ધો.૧ર ગણિત ૧૦૦ માર્કના બે પેપર અાપવાના રહેશે. જેમાં ર૦૦માંથી ૬૬ માર્ક લાવનાર વિદ્યાર્થી પાસ થયેલો ગણાશે. ધો.૧૧ અને ૧રમાં પાર્ટ-એ પ૦ ગુણ ઓએનઆર પદ્ધતિ મુજબ અને પાર્ટ બી વર્ણનાત્મક પદ્ધતિ મુજબ ર૮ ઓગસ્ટે પરીક્ષા લેવાશે. આ મહિનાના અંત સુધીમાં વિદ્યાર્થીએ તેનું રજીસ્ટ્રેશન કરાવી રૂ.ર૦૦ પરીક્ષા ફી શાળામાં જમા કરાવી દેવી પડશે.

આ અંગે માધ્યમિક શિક્ષણ બોર્ડના સભ્ય જયેશભાઇ ગડારાએ જણાવ્યું હતું કે જે વિદ્યાર્થી બે ગ્રૂપની તેની પરીક્ષામાં સારું પર્ફોર્મ ન કરી શક્યો હોય તેના માટેની નવી તક ઊભી કરાઇ છે. ઉપરાંત વાલીઓ દ્વારા આ બાબતે અનેક રજૂઆતો મળવાના કારણે આ નિર્ણય લેવાયો છે. પરીક્ષાની તૈયારી ટૂંકાગાળામાં પૂર્ણ થાય કે કેમ તે બાબતે તેમણે કહ્યું હતું કે આ વર્ષે સમય ઓછો છે એટલે વિદ્યાર્થીને તકલીફ પડશે પરંતુ આવતા વર્ષથી તે માર્ચની પરીક્ષા બાદ જ નિર્ણય લઇ લેશે જેથી તેને પાંચ મહિનાનો પૂરતો સમય મળશે.

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

16 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

16 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

16 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

16 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

16 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

16 hours ago