Categories: Business

ખાદ્યતેલના ભાવ ઘટી રહ્યા છે તો બીજી બાજુ ચણામાં તેજી

અમદાવાદ: દિવાળી પૂર્વે મગફળી તથા કપાસની આવકમાં વધારો નોંધાયો છે અને તેના કારણે એક બાજુ સિંગતેલ સહિત કપાસિયા તેલના ભાવમાં ધીમો પણ મજબૂત ઘટાડો નોંધાઇ રહ્યો છે તો બીજી બાજુ ચણાના ભાવમાં હજુ પણ ઊંચા મથાળે તેજીની ચાલ જોવા મળી રહી છે. ઉલ્લેખનીય છે કે સ્થાનિક બજારમાં કપાસિયા તેલનો ભાવ ડબે ૧૩૧૦ની સપાટીએ જોવા મળી રહ્યો છે. એ જ પ્રમાણે ૧૫ લિટર સિંગતેલના ડબાનો ભાવ ૨૧૩૦ની સપાટીએ નોંધાતો જોવા મળી રહ્યો છે. છેલ્લા એક જ મહિનામાં કપાસિયા તેલમાં ૪૦થી ૬૦ રૂપિયા, જ્યારે સિંગતેલના ભાવમાં ૩૦થી ૫૦ રૂપિયાનો ઘટાડો જોવાઇ ચૂક્યો છે.

કાલુપુર ખાદ્યતેલના એક વેપારીના જણાવ્યા પ્રમાણે દિવાળી બાદ સિંગતેલનો ભાવ રૂ. ૨૦૦૦ની સપાટીની નીચે જોવાઇ શકે તેવી આશા છે. તેઓના જણાવ્યા પ્રમાણે એક બાજુ મગફળીની ઊંચી આવક તો બીજી બાજુ ડોલર સામે રૂપિયાની પણ મજબૂતાઇના પગલે આયાતી ખાદ્યતેલની પડતર પણ નીચી આવતાં સ્થાનિક બજારમાં ઓઇલ મિલર્સને ભાવ ઘટાડવાની ફરજ પડી છે. એટલું જ નહીં સ્ટોકિસ્ટોની પણ નવી લેવાલી અટકતાં ભાવમાં ખાસ કોઇ સુધારો જોવા મળ્યો નથી.

ચણાના ભાવમાં ઘટાડાની શક્યતા ઓછી
તહેવારોમાં ચણાની દાળ અને બેસનની ઊંચી માગના પગલે ચણાના ભાવમાં હજુ પણ મજબૂત ટ્રેન્ડ જોવા મળી રહ્યો છે. સ્થાનિક બજારમાં ચણા ૧૨૦થી ૧૩૦ની પ્રતિકિલોની સપાટીએ જોવા મળે છે. કાબૂલી ચણાના ભાવ ૧૪૦થી ૧૫૦ની સપાટીએ જોવા મળે છે. વેપારીઓના કહેવા પ્રમાણે દિવાળી પહેલા ચણાના ભાવ ઘટે તેની શક્યતા ઓછી છે.

divyesh

Recent Posts

એશિયા કપઃ પાકિસ્તાન સામે ભારતનો ભવ્ય વિજય, 8 વિકેટે આપ્યો પરાજય

દુબઇઃ એશિયા કપમાં આજે ટીમ ઇન્ડીયા અને પાકિસ્તાન વચ્ચે પાંચમી એવી ભવ્ય મેચનો દુબઇમાં મુકાબલો થયો. જેમાં પાકિસ્તાનની ટીમે 43…

1 hour ago

જિજ્ઞેશ મેવાણીનો બેવડો ચહેરો, કહ્યું,”ધારાસભ્યોની સાથે મારો પણ પગાર વધ્યો, સારી વાત છે”

અમદાવાદઃ ધારાસભ્યોનાં પગાર વધારા મામલે કોંગ્રેસનાં ધારાસભ્ય જીજ્ઞેશ મેવાણીએ વિશેષ પ્રતિક્રિયા આપી છે. જીજ્ઞેશ મેવાણીએ સોશિયલ મીડિયા પર પોસ્ટ કરીને…

2 hours ago

વિધાનસભા ગૃહમાં હોબાળો, નીતિન પટેલે કહ્યું,”કોંગ્રેસની અવિશ્વાસની દરખાસ્ત નિયમ વિરૂદ્ધ”

ગાંધીનગરઃ વિધાનસભા ગૃહમાં કોંગ્રેસનાં સભ્યોએ આજે ફરી વાર હોબાળો કર્યો હતો. ભાજપ વિરોધી સૂત્રોચ્ચાર કરીને હોબાળો કર્યો હતો. કોંગ્રેસનાં ધારાસભ્યો…

3 hours ago

સુરતઃ 3 વર્ષની માસૂમ બાળકીનું બિસ્કિટ અપાવવા બહાને કરાયું અપહરણ

સુરતઃ આપણી નજર સમક્ષ અવારનવાર નાની બાળકીઓ પર દુષ્કર્મ અને અપહરણ થયા હોવાનાં કિસ્સાઓ સામે આવતા હોય છે. ત્યારે આવો…

4 hours ago

નવાઝ પુત્રી-જમાઇ સહિત થશે જેલમુક્ત, ઇસ્લામાબાદ HCનો સજા પર પ્રતિબંધ

ઇસ્લામાબાદ હાઇકોર્ટે પાકિસ્તાનનાં પૂર્વ પ્રધાનમંત્રી નવાઝ શરીફની સજા પર પ્રતિબંધ લગાવી દીધો છે.નવાઝની દીકરી મરિયમ નવાઝ અને જમાઇ મોહમ્મદ સફદરની…

5 hours ago

રાજકોટઃ વાસફોડ સમાજે ઉચ્ચારી આત્મવિલોપનની ચીમકી, તંત્ર એલર્ટ

રાજકોટઃ શહેરમાં સરકાર દ્વારા ફાળવવામાં આવેલા પ્લોટની અધિકારીઓ દ્વારા માપણી ન કરવામાં આવતા વાસફોડ સમાજે આત્મવિલોપનની ચીમકી ઉચ્ચારી હતી. જો…

6 hours ago