Categories: Gujarat

૨૫થી વધુ મોબાઇલ તપાસ્યાને ઇડીના અધિકારીઓના વચેટિયાઓનો પર્દાફાશ થયો

અમદાવાદ: દિલ્હી સીબીઆઇના અધિકારીઓએ ગત વર્ષે સપ્ટેમ્બર મહિનામાં હજારો કરોડ રૂપિયાના હવાલા કૌભાંડ અને ક્રિકેટ સટ્ટાકાંડમાં અમદાવાદમાં એન્ફોર્સમેન્ટ ડાયરેક્ટોરેટ (ઇડી)માં ફરજ બજાવતા આઇઆરએસ ક્લાસ-વન અધિકારી અને ગુજરાતના તત્કાલિન જોઇન્ટ ડાયરેક્ટર જે. પી. સિંગ, આસિસ્ટન્ટ ડાયરેક્ટર પી. એસ. શ્રીનિવાસન અને સંજયકુમાર વિરુદ્ધ કરોડો રૂપિયાની લાંચ માગવાના મામલે ફરિયાદ દાખલ કરી હતી. આ કેસમાં સીબીઆઇએ એક વર્ષ પછી ઇડીના અધિકારીઓને કરોડો રૂપિયાની લાંચ પહોંચાડનાર ત્રણ વચેટિયાઓની ધરપકડ કરી છે. ટૂંકમાં ત્રણેય અધિકારીઓની ધરપકડ થાય તેવી શક્યતા છે. તેમની ધરપકડ માટે કેન્દ્ર સરકારની મંજૂરી માગી હોવાનું સીબીઆઇના સૂત્રોએ જણાવ્યું છે.

૫૦ હજાર કરોડ સુધી પહોંચેલા ચકચારભર્યા હવાલા કૌભાંડ અને સટ્ટાબેટિંગ કેસમાં આરોપીઓની તરફેણ કરવા માટે ઇડીના અધિકારીઓ દ્રારા લાંચ માગવામાં આવી હોવાની ફરિયાદના પગલે સીબીઅાઈઅે આશ્રમરોડ પર જૂની રિઝર્વ બેન્કની બાજુમાં આવેલી નાનાલાલ ચેમ્બરના ત્રીજા માળે ઇડી ઓફિસમાં ગતવર્ષે સપ્ટેમ્બર મહિનામાં દરોડા પાડયા હતા.

ઇડીના જોઇન્ટ ડાયરેક્ટર જે. પી. સિંગ, આસિસ્ટન્ટ ડાયરેક્ટર સંજયકુમાર અને પી. એસ. શ્રીનિવાસનને વિરુદ્ધમાં ગુનો દાખલ કર્યો હતો. સીબીઆઇના અધિકારીઓએ ત્રણેય અધિકારીઓના નિવાસ સ્થાને પણ દરોડા પાડયા હતા. જેમાં સીબીઆઇએ ક્રિકેટ સટ્ટાના દસ્તાવેજો, હવાલા કૌભાંડના દસ્તાવેજો પેનડ્રાઇવ, રોકડ, મોબઇલ ફોન કમ્પ્યૂટર હાર્ડડિસ્ક જપ્ત કરી હતી.

છેલ્લા એક વર્ષથી તપાસ કરી રહેલી સીબીઆઇએ પોતાની હવાલા કૌભાંડમાં સંડોવાયેલા અફરોઝ ફટ્ટા સહિત મુબઇ અને દિલ્હીના બુકીઓના 50 કરતા વધુ પરિવારને સીબીઆઇએ સમન્સ ઇસ્યુ કરીને પૂછપરછ કરી હતી. આ સિવાય ક્રિકેટ સટ્ટાકાંડમાં સંડોવાયેલા મુંબઇના અનિલ જયસંધાણીએ સીબીઆઇ સમક્ષ કબૂલાતમાં જણાવ્યું છે કે કેસમાં ખોટો ફસાયો છે મારી પાસે ઇડીના અધિકારીઓએ લાંચ માગી હતી જે આપવાનો ઇન્કાર છે.

સીબીઆઇનાં સૂત્રોના જણાવ્યા અનુસાર અધિકારીઓ પાસેથી કબજે કરેલા દસ્તાવેજોની તપાસ કરતાં 25 કરતા વધુ શંકાસ્પદ મોબાઇલ નંબરો મળ્યા હતા જેમાં આ મોબાઇલ નંબરોની તમામ વિગતો જોતાં સટ્ટા બેટિંગ કરતાં અમદાવાદના જયેશ ઠક્કર, મુંબઇના સોનુ ઝાલન અને દિલ્હીના જે.કે.અરોરાએ ઇડીના અધિકારીઓને લાંચ આપી હોવાનો ધટસ્ફોટ થયો હતો. જેમાં સીબીઆઇએ ત્રણેય આરોપીઓની ધરપકડ કરી છે.

divyesh

Recent Posts

સરકારને ઝટકોઃ ફિચે સતત 12મા વર્ષે ભારતનું ક્રેડિટ રેટિંગ અપગ્રેડ કરવા કર્યો ઇન્કાર

નવી દિલ્હી: ગ્લોબલ રેટિંગ એજન્સી ફિચે સતત ૧૨મા વર્ષે ભારતનું ક્રેડિટ રેટિંગ અપગ્રેડ કરવા ઇન્કાર કર્યો છે. ફિચે ભારતનું સોવરેન…

15 mins ago

મહિલા ટી-20 વર્લ્ડકપઃ આયર્લેન્ડને હરાવી ભારત આઠ વર્ષ બાદ સેમિફાઇનલમાં પહોંચ્યું

ગયાનાઃ અહીં ગઈ કાલે રમાયેલી મહિલા ટી-૨૦ વર્લ્ડકપની મેચમાં આયર્લેન્ડને કારમો પરાજય આપીને ભારત આઠ વર્ષ બાદ આઇસીસી મહિલા ટી-૨૦…

27 mins ago

અંજારના વરસાણાની સીમમાં ટ્રક નીચે બાળકી પર સામૂ‌િહક બળાત્કાર ગુજાર્યો

અમદાવાદ: અંજાર તાલુકાના વરસાણાની સીમમાં આવેલી એક કોલોનીમાં ર વર્ષની માસૂમ બાળકીને બે નરાધમોએ લાલચ આપીને ટ્રકની નીચે લઈ જઇને…

33 mins ago

Stock Market: સેન્સેક્સ 250 પોઈન્ટ અપઃ નિફ્ટી 10,600 પર

અમદાવાદ: આજે રૂપિયામાં રિકવરી અને મિક્સ્ડ ગ્લોબલ માર્કેટ સેન્ટિમેન્ટ વચ્ચે ઘરેલું શેરબજાર તેજી સાથે ટ્રેડ કરી રહ્યું છે. સેન્સેક્સમાં હાલ…

38 mins ago

ફેફસાંની બીમારીના કારણે ફાસ્ટ બોલર જ્હોન હેસ્ટિંગ્સે જાહેર કરી નિવૃત્તિ

સિડનીઃ ઓસ્ટ્રેલિયાના ફાસ્ટ બોલર જ્હોન હેસ્ટિંગ્સે ક્રિકેટના તમામ ફોર્મેટમાંથી નિવૃત્તિની જાહેરાત કરી દીધી છે. હેસ્ટિંગ્સની કરિયર ફેફસાંની રહસ્યમય બીમારીના કારણે…

44 mins ago

Japanની સાયબર સિક્યોરિટીના ડેપ્યુટી ચીફે આજ સુધી નથી ચલાવ્યું કમ્પ્યૂટર..!

ટોકિયો: જાપાનના ૬૮ વર્ષીય પ્રધાન યોશીટાકા સાકુરાદાએ સંસદમાં સ્વીકાર કર્યો છે કે તેમણે જાહેર જીવનમાં કયારેય કમ્પ્યૂટર ચલાવ્યું નથી. યુએસબી…

50 mins ago