પર્યાવરણને બચાવવા બે દીકરીઓનો ભગીરથ પ્રયાસ, POPની નહીં, અપનાવો ઇકો ફ્રેન્ડલી મુર્તિ

સુરતઃ અમે તો સુધરી ગયા પણ તમે ક્યારે શરૂઆત કરશોની મુહીમ સાથે સુરતની બે મહિલાઓએ સભ્ય સમાજને સુંદર મેસેજ આપ્યો છે. વાત ગણેશ ચતુર્થીની છે. ઘરે-ઘરે દેવા ગણેશની મુર્તિઓ બિરાજમાન થઈ રહી છે તેવામાં સુર્યપુત્રી તાપી નદીને શુદ્ધ કરવાની ઝુંબેશ બે દિકરીઓએ ઉઠાવી છે.

હાલમાં કોઈ પણ ક્ષેત્રમાં મહિલાઓ પાછળ નથી. સુરતની આ બે મહીલાઓએ ફરી એક વખત સાર્થક કરી નાખી છે. ગણેશ ચતુર્થી પૂર્વે સુંદર મજાની અવનવી મુર્તિઓ આ બે દિકરીઓએ બનાવી છે. આ મુર્તિની ખાસ વિશેષતા તો એ છે કે આ તમામ મુર્તિઓ ઈકો ફ્રેન્ડલી છે. સુરત વાસીઓએ પણ આ બંને દિકરીઓની કળાને બિરદાવી છે અને તાપી નદીને પ્રદૂષિત નહીં કરવાની મુહીમ ઉઠાવી છે.

અહીં તમામ પ્રતિમાઓ પેપર અને માટીની કરામતથી તૈયાર થઈ છે. 9 વર્ષ પહેલા સોનિયાબેને ઈકો ફ્રેન્ડલી મુર્તિઓ બનાવવાની શરૂઆત કરી હતી. જેની પ્રેરણા તેમને પ્રદૂષિત થઈ રહેલી તાપી નદીને જોતાં મળે તેવી હતી. માત્ર 200 મુર્તિઓથી કરેલી શરૂઆતને સારો પ્રતિદાસ મળતાં આજે તેમની દુકાનમાં 1200થી વધુ ગણેશજીની મૃર્તીઓ સ્ટોકમાં છે. આ ઉપરાંત 4 પુરૂષ અને અન્ય 3 મહિલાઓને પણ તેઓ રોજગારી આપી રહ્યાં છે કે જે સરાહનીય છે.

કાગળથી બનાવવામાં આવેલી ઇકો ફ્રેન્ડલી પ્રતિમાનું વજન ખૂબ જ ઓછું હોય છે. તેથી સહેલાઈથી નાના બાળકો પણ તેમને ઉંચકી શકે છે. આ સિવાય હીરાજડિત મૂર્તિઓ પણ અહીં બનાવવામાં છે. આ મુર્તિઓની ખાસ વિશેષતા એ છે કે 3 ફૂટ સુધીની જ પ્રતિમા અહીં બનાવવામાં આવે છે. સુરત સહીત અન્ય શહેરોમાં પણ હવે ધીમે ઘીમે ઇકો ફ્રેન્ડલી ગણપતિનો ક્રેઝ ખુબ વધી રહ્યો છે. જે ખૂબ જ સારી વાત છે. પણ આનો અમલ 100 ટકા થાય તે પર્યાવરણ અને જીવ સૃષ્ટિ માટે ખુબ જ જરૂરી છે.

You might also like