EVM સાથે ચેડા શક્ય છે : ચૂંટણી પંચ મશીનને જાહેર કરે

નવી દિલ્હી : દિલ્હીનાં મુખ્યમંત્રી અરવિંદ કેજરીવાલે એકવાર ફરીથી ઇલેક્ટ્રોનિક વોટિંગ મશીન સાથે ચેડાનો મુદ્દો ઉઠાવ્યો છે. કેજરીવાલે જણાવ્યું કે ચૂંટણી પંચ ઇલેક્ટ્રોનિક મશીનને જાહેર કરે જેથી તેની તપાસ થઇ શકે. તેમણે કહ્યું કે જો મશીનો જાહેર થાય છે તો તે તેઓ તપાસ કરીને 72 કલાકની અંદર સાબિત કરશે કે મશીન સાથે છેડછાડ થઇ છે.

આમ આદમી પાર્ટીએ અગાઉ પણ ઇવીએમ મુદ્દે સવાલો ઉઠાવ્યા હતા. જે અંગે ચૂંટણી પંચે સ્પષ્ટતા કરતા કહ્યું હતું કે ઇવીએમ સંપુર્ણ સુરક્ષીત છે અને તેની સાથે કોઇ પણ પ્રકારે ચેડા શક્ય નથી. એક દિવસ પહેલા જ ચૂંટણી પંચે આમ આદમી પાર્ટીને કહ્યું હતું કે તે ઇવીએમને દોષ દેવાનાં બદલે પંજાબનાં ચૂંટણી પરિણામોની સમીક્ષા કરે. સોમવારે આપનાં સંયોજક અને દિલ્હીનાં મુખ્યમંત્રી અરવિંદ કેજરીવાલે પ્રેસ કોન્ફરન્સ કરી ઇવીએમ દ્વારા ચૂંટણી યોજવા મુદ્દે સવાલો ઉઠાવ્યા હતા.

કેજરીવાલે કહ્યું કે, ચૂંટણી પંચે ચબેલેટ પેપર દ્વારા વોટિંગ કરવા અંગે વિચાર કરવો જોઇએ. દિલ્હીનાં મુખ્યમંત્રીએ કહ્યું કે લોગ પુછતા રહ્યા કે જ્યારે ઇવીએમમાં ચેડા કરીને જ ચૂંટણીના પરિણામો નક્કી થાય છે તો કલાકો સુધી ચૂંટણી બુથની બહાર ઉભા રહીને કોઇ અર્થ નથી. મધ્યપ્રદેશનાં ભીંડમાં જે થયું તે સમગ્ર ચૂંટણી પ્રક્રિયા સામે જ સવાલો પેદા કરે છે.

You might also like