મોદી સરકાર આપી રહી છે ઘરે બેઠા કમાવાની તક, હવે દર મહિને કરો કમાણી

ન્યૂ દિલ્હીઃ ડિજિટલાઇઝેશનને પ્રોત્સાહિત કરી રહેલ મોદી સરકાર હવે સામાન્ય લોકો માટે કમાણી કરવા માટે એક ઉત્તમ તક આપી રહી છે. મોદી સરકારનાં માટે હવે કામ કરવા માટે તમારે હવે ક્યાંય જવાની જરૂર નથી એટલે કે ન તો તમારે શહેરથી બહાર જવાની જરૂર કે નથી તમારે ઘરની બહાર જવાની પણ જરૂર. એટલે કે હવે તમારે મોદી સરકાર માટે ઘરે બેઠા જ કામ કરીને દર મહિને તમે ખૂબ જ સારી કમાણી કરી શકો છો. મોદી સરકાર હવે તમને ઘરે બેઠા જ ડેટા એન્ટ્રી કરવા માટેની ઉત્તમ અનેરી તક આપી રહી છે.

એનાં માટે હવે દરરોજ બે-ચાર કલાક સમય ફાળવીને આ પહેલની શરૂઆતનાં આધારે દર મહિને તમે એક્સ્ટ્રા કમાણી કરી શકો છો. માત્ર એટલું જ નહીં પરંતુ આ કામને લઇ તમારે કોઇ પણ પ્રકારનું પૈસાનું રોકાણ પણ કરવાની જરૂર નથી. માત્ર તમારી પાસે એક કોમ્પ્યુટર અને ઇન્ટરનેટ કનેક્શનની જરૂર છે. કેન્દ્ર સરકારે હવે એક નવા પ્રોજેક્ટ સાથે સરકારી ફાઇલો અને અન્ય કંપનીઓની ફાઇલોને ડિજીટલ રૂપમાં ફેરબદલી કરવાનું કામ શરૂ કર્યું છે. આ કામ માટે કેન્દ્ર સરકારે એક વેબસાઇટ શરૂ કરી છે. આ વેબસાઇટ પર જઇને તમારે તમારા નામનું રજિસ્ટર કરવાનું રહેશે અને આ કામ માટે તમારે માત્ર ભાગીદાર બનવાનું રહેશે.

સરકારે ડિજિટાઇઝલ ઇન્ડીયા પોર્ટલની શરૂઆત કરી છે. અહીં તમારે રજિસ્ટ્રેશન કરવા માટે તમારી પાસે આધારકાર્ડ હોવું જરૂરી છે. અહીં તમારે ઇ-મેઇલ આઇડી, મોબાઇલ નંબર સહિત અન્ય કેટલીક જાણકારીઓ આપી તમારે રજિસ્ટ્રેશન કરવાનું રહેશે. રજિસ્ટ્રેશન કર્યા બાદ તમારે કેટલાંક શબ્દો ટાઇપ કરવાના રહેશે કે જે કેટલાંક નાના-નાના ભાગમાં વિભાજિત હશે. તમે જેટલાં શબ્દો ટાઇપ કરશો એનાં હિસાબથી તમને ઇનામનાં પોઇન્ટ્સ મળશે અને એટલી જ તમે ઘણી સારી કમાણી અહીંથી કરી શકશો.

ઇનામનાં પોઇન્ટ્સમાં વધારો કરવા તમારા ખાતામાં 2500 પોઇન્ટ્સ જમા હોવાં જોઇએ. એ પછી જ તમે તમારા બેંક એકાઉન્ટમાં પૈસાનાં આધારે ક્રેડિટ કરી શકશો. જો તમે ઇચ્છો તો તમારા પૈસાને સરકારને પણ ડોનેટ કરી શકો છો. સરકારે આ સુવિધા તમારા મોબાઇલ પર પણ ઉપલબ્ધ કરી છે. તમે મોબાઇલ પર પણ આની એપને ડાઉનલોડ કરીને ડેટા એન્ટ્રી કરી શકો છો.

You might also like