Categories: Gujarat

ITના ઈ-મેઈલનો રિપ્લાય કર્યો ને ખાતામાંથી ૨.૧૦ લાખ ઉપડી ગયા

અમદાવાદ: બોપલના સ્ટર્લિંગ સિટીમાં રહેતા અને ચાંગોદરની કંપનીના સિનિયર મેનેજરને રિફંડ કલેમ અંગે આવેલા ઈ-મેઇલમાં આવકવેરા ખાતાના પેજમાં પોતાના બેન્કની માહિતી આપતાં બીજા દિવસે ખાતામાંથી રૂ. ૨.૧૦ લાખ ઉપડી ગયા હોવાનો કિસ્સો સામે આવ્યો છે. આ અંગે બોપલ પોલીસે અજાણી વ્યક્તિ સામે આઇટી એક્ટ મુજબ ગુનો નોંધી તપાસ શરૂ કરી છે.

મળતી માહિતી મુજબ મૂળ પશ્ચિમ બંગાળના અને હાલ બોપલ વિસ્તારમાં આવેલી સ્ટર્લિંગ સિટીમાં રહેતા શુભાશિષ પૌલ ચૌધરી ચાંગોદરની ખાનગી કંપનીમાં સિનિયર મેનેજર તરીકે નોકરી કરે છે. તેઓના ઈ-મેઇલ આઈડી પર ગત ગુરુવારે noreplay@incometaxofindiafilling.com પરથી ઈ-મેઈલ આવ્યો હતો. આ ઇમેલમાં રૂ. ૧૪.૪૮ લાખના રિફંડ ક્લેમ અંગેની રિકવેસ્ટ આવી હતી. આ રિકવેસ્ટમાં તેઓએ સબમિટ કરતાં આવકવેરા ખાતાનું એક પેજ ખૂલ્યું હતું. જેમાં તેઓના બેન્કના ખાતાની માહિતી માગી હતી. શુભાશિષે પોતાના એક્સિસ બેન્કના ખાતાની માહિતી આપી હતી. તેઓના મોબાઇલમાં ઈન્ટરનેટ બેન્કિંગનું લોગ ઇન પેજ ખૂલ્યું હતું તેઓએ ફોનમાં લોગ ઈન આઇડી અને પાસવર્ડ નાખ્યો હતો.

મોબાઇલ ફોનમાં એક્સિસ બેન્ક ટેક્સ રિફંડનું પેજ ખૂલ્યું હતું. જેમાં બેન્ક એકાઉન્ટ નંબર, ડેબિટ કાર્ડ, પાન નંબર, આધાર નંબર સહિતની માહિતી માગવામાં આવી હતી. જેથી તેઓએ આ તમામ માહિતી આપતાં મોબાઈલમાં AD- ITDEPT પરથી મેસેજ આવ્યો હતો? જેમાં મોબાઈલ વેરિફિકેશન સર્ટિફિકેટની લિંક આવી હતી. જે ખોલતાં એક એપ ઇન્સ્ટોલ થઇ થઇ હતી અને મોબાઈલ વેરિફિકેશન થયેલું લખાણ આવી બંધ થઇ ગયું હતું.

બીજા દિવસે સવારે શુભાશિષના મોબાઈલમાં એક્સિસ બેન્કના ખાતામાં પાંચ અલગ અલગ રકમના ટ્રાન્ઝેક્શનનાં મેસેજ આવ્યા હતા. જેમાં ૫૦ હજારના બે ૪૯,૯૦૦ના બે અને એક ૧૧ હજારનું મળી કુલ રૂ. ૨.૧૦ લાખનું ટ્રાન્ઝેક્શન થયું હતું. એકાએક મોબાઈલ પણ ઑટોમેટિક સાઇલન્ટ અને હેન્ગ પણ થઇ ગયો હતો. આ અંગે શુભાશિષે બેન્કના કસ્ટમર કેરમાં ફોન કરતાં તેઓને જાણવા મળ્યું હતું કે ઇન્ટરનેટ બેન્કિંગથી ચાર ટ્રાન્ઝેકશન થયાં છે જ્યારે એક ટ્રાન્ઝેકશન એટીએમ કાર્ડ થયું હતું. પોતાની જાણ બહાર ટ્રાન્ઝેકશન થતાં તેઓએ પોતાનું એટીએમ કાર્ડ બંધ કરાવી દીધું હતું. અજાણી વ્યક્તિએ ઈન્ટરનેટ બેન્કિંગથી ખાતામાંથી રૂ. ૨.૧૦ લાખ ઉપાડી લીધા હોઈ આ અંગે બોપલ પોલીસે ગુનો નોંધી તપાસ શરૂ કરી છે.

અવારનવાર અમદાવાદ સાયબર ક્રાઇમ બ્રાન્ચ તેમજ પોલીસ દ્વારા લોકોને અજાણ્યા ઇ-મેઇલ આઇડી ઉપરથી આવતાં મેઇલ તેમજ કોઇપણ પ્રકારના બેન્કમાંથી આવતાં ફોન પર પોતાની બેન્ક એકાઉન્ટની તેમજ ખાનગી માહિતી ન આપવામાં જણાવવામાં આવે છે. છતાં લોકો પોતાની બેન્ક એકાઉન્ટની માહિતી આપી દેતાં બેન્ક ખાતામાંથી લાખોની રકમ ઉપડી જાય છે અને લોકો છેતરપિંડીનો ભોગ બને છે. બેન્ક એકાઉન્ટ સહિતની વિગતો ક્યારેય કોઇ પણ બેન્ક દ્વારા ફોન કરી માગવામાં આવતી નથી છતાં લોકો ફોન ઉપર માહિતી આપી દે છે અને છેતરપિંડીનો ભોગ બને છે બેન્ક દ્વારા જણાવવામાં આવે છે કે બેન્ક સાથે ક્રોસ ચેક કરી કોઇ પણ માહિતી પૂરી પાડવી પરંતુ લોકો તેને ધ્યાને ન લેતા આવા કિસ્સા આવે છે. આવકવેરા ખાતા દ્વારા મેઈલ કરી અને માહિતી માગવામાં આવી હોય અને બેન્ક ખાતામાંથી પૈસા ઉપડી ગયાના કિસ્સા બની ગયા છે જેથી લોકોએ સાવચેત રહેવું જરૂરી છે.

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

15 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

15 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

15 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

15 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

15 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

15 hours ago