Categories: Business

આગામી સપ્તાહ દરમિયાન શેરબજારમાં સકારાત્મક ચાલ મળશે જોવા

શેરબજાર ગઈ કાલે છેલ્લે સુધારે બંધ જોવા મળ્યું હતું. બીએસઇ સેન્સેક્સ ૨૩૫ પોઇન્ટના સુધારે ૩૩,૩૪૨, જ્યારે એનએસઇ નિફ્ટી ૬૮ પોઇન્ટના સુધારે ૧૦,૨૮૩ પોઇન્ટની સપાટીએ બંધ જોવાઈ છે. સપ્તાહ દરમિયાન સેન્સેક્સમાં સાધારણ ૨૮ પોઇન્ટનો સુધારો નોંધાતો જોવા મળ્યો હતો. વૈશ્વિક રેટિંગ એજન્સી મૂડીઝે ગઇ કાલે ૧૩ વર્ષ બાદ રેટિંગમાં સુધારો કરતાં તેની શેરબજાર ઉપર પોઝિટિવ અસર જોવા મળી હતી. ગઈ કાલે બેન્ક નિફ્ટી રેકોર્ડ સપાટીએ બંધ જોવાઇ છે તે એક પોઝિટિવ સંકેત ગણાવી શકાય.

સરકારે એફોર્ડેબલ હાઉસિંગ માટે કરેલા સુધારાથી રિયલ્ટી સેક્ટરના શેરમાં વધારો નોંધાયો હતો એટલું જ નહીં, સપ્તાહ દરમિયાન ઓટોમોબાઇલ સેક્ટર ઇન્ડેક્સમાં ૦.૬૦ ટકા, પીએસયુ બેન્ક ઇન્ડેક્સમાં ૧.૬૮ ટકાનો સુધારો નોંધાતો જોવા મળ્યો હતો તો બીજી બાજુ મેટલ સેક્ટર ઇન્ડેક્સમાં સપ્તાહ દરમિયાન ૨.૫ ટકાનો ઘટાડો નોંધાતો જોવા મળ્યો હતો.

શેરબજારના જાણકારોના જણાવ્યા પ્રમાણે મૂડીઝે રેટિંગમાં સુધારો કરતાં અન્ય રેટિંગ એજન્સીઓ પણ આગામી દિવસોમાં સુધારો કરી શકે છે તેવા સેન્ટિમેન્ટ પાછળ નેગેટિવ પરિબળોના અભાવ વચ્ચે શેરબજારમાં સુધારાની ચાલ નોંધાઇ શકે છે. વિદેશી સંસ્થાગત રોકાણકારો પણ નીચા મથાળે રોકાણ વધારી રહ્યા છે.

સરકારે તાજેતરમાં જીએસટીમાં ૧૭૮ જેટલી ચીજવસ્તુઓના રેટમાં ૧૦ ટકાનો ઘટાડો કર્યો છે. આગામી દિવસોમાં જીએસટીમાં બે જ સ્લેબ રહેશે તેવા સંકેતો જીએસટીના કાઉન્સિલના સભ્યો દ્વારા આપવામાં આવ્યા છે. તેની શેરબજાર ઉપર પોઝિટિવ ઇમ્પેક્ટ જોવા મળી છે એટલું જ નહીં, વૈશ્વિક મોરચે નેગેટિવ પરિબળોનો અભાવ જોવા મળી રહ્યો છે ત્યારે શેરબજારમાં મોટા ઘટાડાની શક્યતા ખૂબ જ ઓછી છે.

બજારના જાણકારોના જણાવ્યા પ્રમાણે સરકાર બેન્કોમાં મોટા પ્રમાણમાં રિસ્ટ્રક્ચરિંગ પ્રક્રિયા હાથ ધરી શકે છે અને તેનો સીધો ફાયદો આગામી દિવસોમાં બેન્કોને મળે તેવી શક્યતા છે તે સેન્ટિમેન્ટ પાછળ મોટા ભાગની જાહેર અને ખાનગી સેક્ટરની બેન્કમાં સુધારાની ચાલ જોવા મળી હતી. જે આગામી દિવસોમાં પણ જોવા મળી શકે. શેરબજારના નિષ્ણાતોના જણાવ્યા પ્રમાણે આગામી સપ્તાહે નિફ્ટી ૧૦,૨૩૦ મહત્ત્વનું સપોર્ટ લેવલ ગણાવી શકાય, જ્યારે ૧૦,૩૫૦-૧૦,૪૦૦ અવરોધ લેવલ ગણાવાય.

આગામી સપ્તાહે આ કંપનીનાં પરિણામ આવશે
સોમવારઃ ગ્રેવિટા, રોલ્ટા, વીડિયોકોન ઇન્ડસ્ટ્રીઝ
મંગળવારઃ સીએલ એજ્યુકેટ, ગાર્ડન સિલ્ક, જેનેસેસ ઇન્ટરનેશનલ, માણેકશિયા, વેટસ્પિન ઇન્ડિયા લિ.
બુધવારઃ એશિયન ટાઇલ્સ, ગરવારે વોલ રોપ્સ, લાયકા લેબ્સ, ૨૦ માઇક્રોન્સ
ગુરુવારઃ મોન્સેન્ટો, સિમેન્સ, મોનાર્ક
શુક્રવારઃ આરબીએલ બેન્ક, રાજશ્રી શુગર

divyesh

Recent Posts

અમદાવાદ સહિત રાજ્યભરમાં મેઘરાજાનું ધમાકેદાર આગમન, લોકોને ગરમીથી રાહત

ગુજરાતઃ ઓરિસ્સામાં હાહાકાર મચાવ્યાં બાદ 'ડેઈ તોફાને' હવે દેશનાં અન્ય રાજ્યોને પણ પોતાની લપેટમાં લઇ લીધાં છે. ત્યારે ડેઈ તોફાનને…

2 hours ago

સુરતઃ પાકિસ્તાનનાં PM ઇમરાન ખાનનાં પુતળાનું કોંગ્રેસ દ્વારા જાહેરમાં દહન

સુરતઃ શહેરમાં પાકિસ્તાન પીએમ ઈમરાન ખાનનાં પુતળાનું દહન કરવામાં આવ્યું છે. કોંગ્રેસ દ્વારા પૂતળાનાં દહનનું આયોજન કરવામાં આવ્યું હતું. સુરતનાં…

3 hours ago

વડોદરાઃ ડભોઇ ખાતે બે ટ્રકો સામસામે અથડાતાં એકનું મોત, ત્રણને બહાર કઢાયાં

વડોદરાઃ ડભોઈ તાલુકા અંબાવ ગામ નજીક બે ટ્રકો સામસામે ભટકાતાં ઘટના સ્થળે જ એકનું મોત નિપજ્યું હતું જ્યારે અન્ય ૩…

3 hours ago

રાફેલ ડીલ મુદ્દે રાહુલ ગાંધીનાં આકરા પ્રહાર, કહ્યું,”પ્રધાનમંત્રી ભ્રષ્ટ છે”

ન્યૂ દિલ્હીઃ રાફેલ વિમાનનાં કરાર પર ફ્રાન્સનાં પૂર્વ રાષ્ટ્રપતિ ફ્રાંક્વા ઓલાંદનાં નિવેદન બાદથી કેન્દ્ર સરકાર આલોચનાઓનાં ઘેરે આવી ગઇ છે.…

4 hours ago

એક વાર ફરી પડદે દેખાશે નોરા ફતેહીનો “દિલબર” અંદાજ, ટૂંક સમયમાં આવશે અરબી વર્ઝન

મશહૂર બેલી ડાન્સર નોરા ફતેહી બોલીવુડ ફિલ્મ "સત્યમેવ જયતે"માં આઇટમ નંબર "દિલબર"થી લોકોનાં દિલમાં ધમાલ મચાવી ચૂકેલ છે. આ ગીતથી…

5 hours ago

અમદાવાદ શહેરમાં સ્વાઇન ફલૂથી વધુ એકનું મોત

અમદાવાદ: શહેરમાં સ્વાઇન ફલૂનો પ્રકોપ દિન-પ્રતિદિન વધતો જાય છે. ખુદ મ્યુનિસિપલ કોર્પોરેશનના ચોપડે સ્વાઇન ફલૂથી ચાલુ મહિનાના ૧પ દિવસમાં ૧૦…

5 hours ago