Categories: Gujarat

ડોક્ટર સૂતા રહ્યા ને કમ્પાઉન્ડરે ડિલિવરી કરાવીઃ બાળકનું મોત

અમદાવાદ: તબીબી જગત માટે લાંછન લગાવતો ચોંકાવનારો કિસ્સો સામે આવ્યો છે. શહેરના ઠક્કરબાપાનગરમાં આવેલી જનમંગલ હોસ્પિટલમાં મોડી રાત્રે પ્રસૂ‌િતની પીડા સાથે મહિલાને લવાતાં કમ્પાઉન્ડરે ડો. સૂર્યકાન્ત પટેલને કોલ કર્યો હતો, જોકે ડોક્ટરે ફોન રિસીવ નહીં કરતાં કમ્પાઉન્ડરે જોખમી નિર્ણય કરીને કોઇ પણ જાતની તબીબી લાયકાત નહીં હોવા છતાં નોર્મલ ડિલીવરી કરાવી હતી. મહિલાએ પુત્રને જન્મ આપ્યો હતો, જોકે તે થોડા સમયમાં મૃત્યુ પામ્યો હતો. ડિલીવરી બાદ મહિલાની તબિયત લથડતાં શારદાબહેન હોસ્પિટલમાં ખસેડાઇ હતી.

મહિલાનાં પરિવારજનોની ફરિયાદના આધારે પોલીસે બેદરકારીથી મોત નિપજાવવાનો ગુનો દાખલ કરી ડો. સૂર્યકાન્ત પટેલની ધરપકડ કરી હતી, જ્યારે કમ્પાઉન્ડર ફરાર થઇ ગયો હતો. દરિયાપુરમાં રહેતી ભાવનાબહેન શૈલેશભાઇ પટણી ગર્ભવતી બની ત્યારથી ડો.સૂર્યકાન્ત પટેલના નર્સિંગ હોમમાં ચેકઅપ અને સારવાર કરાવતી હતી. તા.૧૬ મેના રોજ રાત્રે જ્યારે ભાવનાબહેન સાસરીમાં હતાં ત્યારે તેમને પ્રસૂતિની પીડા ઉપડી હતી.

ભાવનબહેનને તેમનાં સાસુ-સસરા ‌િરક્ષામાં બેસાડીને જનમંગલ હોસ્પિટલમાં લઇને આવ્યાં હતાં. હોસ્પિલમાં કમ્પાઉન્ડર અશોકભાઇ તથા સફાઇકામ કરતી એક મહિલા હાજર હતાં. અશોકભાઇએ તાત્કા‌િલક ડોક્ટર સૂર્યકાન્ત પટેલને ઇમર્જન્સી આવી હોવા માટે કોલ કર્યો હતો, પરંતુ ડોક્ટરે કોઇ ફોન કોલ્સ નહીં ઉપાડતાં અશોકભાઇએ જાતે જ ડ‌િલવરી કરવાનો નિર્ણય લીધો હતો.

મોડી રાતે ત્રણ વાગ્યાના અરસામાં અશોકભાઇએ ફરીથી ડોક્ટરને કોલ કર્યો, પરંતુ નિદ્રાધીન ડોક્ટરે ફોન ઉપાડ્યો ન હતો. લગભગ 4 વાગ્યાના અરસામાં અશોકભાઇ સફાઇ કર્મચારીની મદદથી ભાવનાબહેનને ઓપરેશન થિયેટરમાં લઇ ગયા હતા. એક કલાક બાદ અશોકભાઇએ ભાવનાબહેનની ‌િડ‌િલવરી કરાવી હતી, જેમાં ભાવનાબહેને પુત્રને જન્મ આપ્યો હતો.

બાળકના મોઢામાંથી ફીણ નીકળતું હતું, જેની જાણ અશોકભાઇને કરતાં તેમણે રૂમાલથી ફીણ સાફ કરી દેવાની સલાહ આપી હતી. વારંવાર બાળકના મોઢામાંથી ફીણ નીકળતું હોવા છતાંય અશોકભાઇએ બાળકોના ડોક્ટરને બોલાવવાની તસ્દી લીધી નહીં. પરિવારજનોનો આક્ષેપ છે કે વહેલી સવારે દસ વાગ્યાના અરસામાં ડોક્ટર સૂર્યકાન્ત પટેલ હોસ્પિટલ આવ્યા હતા. તેમણે ભાવનાબહેનને જોવાની તસ્દી લીધી ન હતી અને સીધા તેમની ચેમ્બરમાં જતા રહ્યા.

જ્યારે બાળકને ફીણ આવતું હોવાની વાત ભાવનાબહેનનાંં સાસુએ કરી ત્યારે ડોક્ટરે રૂમાલથી સાફ કરી દઇને દૂધમાં પાણી નાખીને ‌િપવડાવવા માટે જણાવ્યું હતું. ચોંકાવનારી વાત એ છે કે કોઇ પણ ન‌િર્સંગ હોમમાં બાળકનો જન્મ થાય ત્યારે તેના ચેકઅપ માટે બાળકોના ડોક્ટરને બોલાવવામાં આવતા હોય છે, જોકે આ બાળકના જન્મને 8 કલાક ઉપર થઇ ગયા હોવા છતાંય કોઇ ડોક્ટર બાળકને જોવા માટે આવ્યા ન હતા. અચાનક બપોરે 2 વાગ્યે બાળક નહીં ઊઠતાં ભાવનાબહેનના સાસુ-સસરા ડોક્ટર સૂર્યકાન્ત પાસે ગયા હતા. જ્યાં તેમણે બાળકોના ડોક્ટરને બતાવવા માટે જવાનું કહ્યું હતું.

બાળકોના ડોકટર પાસે લઇ ગયાં ત્યારે ડોકટરે બાળક મૃત્યુ પામ્યું હોવાનું જણાવ્યું હતું. ભાવનાબહેનના પતિ ડીસામાં બેંકમાં નોકરી કરે છે. તેમને પણ ઘટનાની જાણ કરાતાં તેઓ અમદાવાદ આવી ગયા હતા. બાળકને દફનાવ્યા બાદ ગઇ કાલે મોડી રાતે ભાવનાબહેનના સાસુ વિજુબહેન પટણીએ ડોક્ટર સૂર્યકાન્ત પટેલ તથા કમ્પાઉન્ડર અશોકભાઇ વિરુદ્ધ ફરિયાદ નોંધાવી હતી.

બાપુનગર પોલીસ ઇન્સ્પેક્ટર રાજન લાડવાએ જણાવ્યું છે કે ડોક્ટર તથા કમ્પાઉન્ડર વિરુદ્ધમાં બેદરકારીથી મોત બદલ ગુનો દાખલ કરાયો છે. એફએસએલની ટીમ અને મે‌િજસ્ટ્રેટની હાજરીમાં દફન કરેલ બાળકની લાશને બહાર કાઢીને તેને પોસ્ટમોર્ટમ કરવામાં આવશે. આ કેસમાં ડોક્ટરની ધરપકડ કરવામાં આવી છે જ્યારે કમ્પાઉન્ડર ફરાર છે.

ભાવનાબહેનના દિયર સતીશભાઇએ જણાવ્યું છે કે મોડી રાતે ડોક્ટરને ફોન કર્યો હતો પણ તેમણે ઉપાડ્યો ન હતો. કમ્પાઉન્ડરે ‌િડ‌િલવરી કરાવી. અમારી ભાભીને હાઇબ્લડપ્રેશરનો પ્રોબ્લેમ છે. આ અંગે ડોક્ટર તથા કમ્પાઉન્ડરને ખબર હોવા છતાંય તેમને ડોક્ટરની ગેરહાજરીમાં બ્લડપ્રેશન માપ્યા વગર કમ્પાઉન્ડરે ‌િડ‌િલવરી કરાવી હતી. ‌િડ‌િલવરી બાદ અમારાં ભાભી બેભાન થઇ ગયાં હતાં, જેની કોઇ સારવાર કરવામાં આવી નહીંં. અંતે અમે તેમને શારદાબહેન હોસ્પિટલમાં સારવાર માટે લઇને આવ્યા છે.

સૂર્યકાન્ત પટેલ ઠક્કરબાપાનગરમાં આવેલ પ્લોટ નંબર 82, વિક્રમપાર્ક સોસાયટીમાં રહે છે. તેમના ઘરેથી તેમનું દવાખાનું માત્ર 5 ‌િમનિટના અંતરે આવેલું છે.

divyesh

Recent Posts

IT રિટર્ન ભરવાની તારીખમાં કરાયો વધારો, 15 ઓક્ટોમ્બર સુધી ભરી શકાશે

સરકારે સોમવારનાં રોજ નાણાંકીય વર્ષ 2017-18ને માટે આયકર રિટર્ન અને ઓડિટ રિપોર્ટ દાખલ કરવાની તારીખ 15 દિવસ વધારીને 15 ઓક્ટોમ્બર…

10 mins ago

ખેડૂતો આનંદો…, ગુજરાતની જીવાદોરી સમાન નર્મદા ડેમની પાણીની સપાટીમાં વધારો

નર્મદા: મધ્યપ્રદેશનાં ઉપરવાસમાંથી પાણીની આવક વધતા સરદાર સરોવર નર્મદા ડેમની સપાટીમાં એકાએક વધારો થયો છે. ઉપરવાસમાંથી 33249 ક્યુસેક પાણીની આવક…

1 hour ago

ઇન્દ્રનીલ રાજ્યગુરૂનું નિવેદન,”મને ભાજપમાં જોડાવાની મળી છે ઓફર”, પક્ષે વાતને નકારી

રાજકોટઃ કોંગ્રેસ નેતા ઈન્દ્રનિલ રાજ્યગુરુનું ખૂબ મોટું નિવેદન સામે આવ્યું છે. ઈન્દ્રનિલ રાજ્યગુરુને ભાજપ તરફથી ઓફર મળી હોવાનું જણાવ્યું હતું.…

3 hours ago

ભાજપમાં જોડાવા મામલે અલ્પેશ ઠાકોરનો ખુલાસો,”હું કોંગ્રેસ સાથે જોડાયેલો છું અને રહીશ”

અલ્પેશ ઠાકોરનાં ભાજપમાં જોડાવા મામલે ખુલાસા કરવા મામલે કોંગ્રેસ નેતાઓએ સંયુક્ત પ્રેસ યોજી. અમિત ચાવડા, પરેશ ધાનાણી અને અલ્પેશ ઠાકોરે…

5 hours ago

હાર્દિક ફરી આંદોલનનાં મૂડમાં, ગાંધી જયંતિથી સમગ્ર ગુજરાતમાં કરશે પ્રતિક ઉપવાસ

અમદાવાદઃ પાટીદાર અનામત આંદોલન સમિતિ દ્વારા છેલ્લાં કેટલાંય સમયથી અનામતની માંગને લઈને આંદોલન કરવામાં આવી રહ્યું છે. ત્યારે હજી પણ…

5 hours ago

પગમાંથી આવનારી દુર્ગંધથી છો પરેશાન!, તો અપનાવો આ ટિપ્સ…

[gallery type="slideshow" size="large" bgs_gallery_type="slider" ids="222798,222799,222800,222801"] ગરમીમાં સામાન્ય રીતે પરસેવો આવવો એ એક સામાન્ય વાત છે. બસ ફર્ક માત્ર એટલો છે…

6 hours ago