Categories: Sports

ધર્મવીર હવે બોલ બોય તરીકે બાઉન્ડરી પર જોવા નહીં મળે

મુંબઈ: ટીમ ઈન્ડિયાની ક્રિકેટ મેચ દરમિયાન બાઉન્ડરી લાઈન પાસે બોલ બોય તરીકે જોવા મળતા ધર્મવીર પાલને લગભગ બધા ક્રિકેટરો અને ક્રિકેટ ચાહકો સારી રીતે ઓળખે છે. બંને પગ પોલિયોગ્રસ્ત હોવા છતાં પણ ચપળતાથી બોલને મેદાનમાં ફેંકતા મધ્ય પ્રદેશના ધર્મવીર માટે ક્રિકેટરોના દિલમાં લાગણી પણ છે. હવે જોકે ધર્મવીર બોલ બોય તરીકે નહીં, પરંતુ એક પ્રેક્ષક તરીકે સ્ટેડિયમમાં જોવા મળશે. દિવ્યાંગ પાસે બોલ બોયનું કામ કરાવવાની સોશિયલ મીડિયામાં આકરી ટીકાઓ થતાં ભારતીય ક્રિકેટ બોર્ડે તમામ ક્રિકેટ એસોસિયેશનને સ્પષ્ટપણે જણાવી દીધું છે કે હવે કોઈ દિવ્યાંગ વ્યક્તિનો બોલ બોય તરીકે ઉપયોગ ન કરવો.

ગત રવિવારે ન્યૂઝીલેન્ડ સામેની મેચ દરમિયાન પણ ધર્મવીર મુંબઈ ક્રિકેટ એસોસિયેશનની ઓફિસમાં પાસ લેવા માટે ગયો હતો. ક્રિકેટ બોર્ડના સર્ક્યુલરના કારણે તેને પાસ એલોટ કરાયો ન હતો, જોકે ક્રિકેટ બોર્ડે તેને મેચની ટિકિટ આપી હતી. ધર્મવીરે કહ્યું કે મને તો બસ સ્ટેડિયમમાં બેસીને મેચ જોવાથી જ મતલબ છે. બીસીસીઆઈના નિર્ણય સામે મારો કોઈ વિરોધ નથી. ક્રિકેટના લીધે જ આજે હું દેશભરમાં હું જાણીતો બન્યો છું. આગામી સમયમાં પણ હું ક્રિકેટને સપોર્ટ કરતો રહીશ.

ઉલ્લેખનીય છે કે ધર્મવીર જ્યારે આઠ મહિનાનો હતો ત્યારે પોલિયોના લીધે તેના બંને પગ ખોટા પડી ગયા હતા. તે િદવ્યાંગોની ક્રિકેટ ટૂર્નામેન્ટમાં મધ્ય પ્રદેશની ટીમનો સુકાની પણ રહી ચૂક્યો છે. ભારતીય ક્રિકેટ ટીમને સપોર્ટ કરવા માટે ધર્મવીર ઓસ્ટ્રેલિયા, વેસ્ટ ઈન્ડીઝ, સાઉથ આફ્રિકા, ન્યૂઝીલેન્ડ, શ્રીલંકા જેવા દેશોમાં પણ જઈ આવ્યો છે. ૨૦૦૪થી ભારતીય ટીમને સપોર્ટ કરતાં ધર્મવીરને સચીન તેંડુલકર, વીરેન્દ્ર સેહવાગ, વિરાટ કોહલી અને યુવરાજસિંહ જેવા ટોચના ક્રિકેટરો અંગત રીતે ઓળખે છે અને અવારનવાર તેને મદદ કરતા પણ રહે છે.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

23 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

23 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

23 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

23 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

23 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

23 hours ago