Categories: Gujarat

અાતંકવાદી હુમલાની દહેશત ફગાવી શિવભક્તો મંદિરોમાં ઊમટી પડ્યા

અમદાવાદ: શિવરાત્રિના મહાપર્વ પર ગુજરાતમાં આતંકવાદી હુમલાના ઇનપુટ મળ્યા છે ત્યારે આવા આતંકી હુમલાનો ભય હોવા છતાં આજે શિવરાત્રિના પર્વ પર હજારોની સંખ્યામાં ભકતો વહેલી સવારથી જ શિવમંદિરોમાં ઊમટી પડ્યા હતા. વહેલી સવારથી જ શહેરના શિવમંદિરોમાં મહાદેવના દર્શન માટે તેમજ અભિષેક માટે લાંબી લાઇનો લાગી હતી.

બીજી તરફ આતંકી હુમલાના ઇનપુટના પગલે શહેર પોલીસ સવારે ૬-૦૦ વાગ્યાથી જ સ્ટેન્ડ ટુ રખાઇ છે. મોટા ભાગના ‌શિવમંદિરોની બહાર સઘન પોલીસ બંદોબસ્ત ગોઠવી દેવામાં આવ્યો છે. આ ઉપરાંત પોલીસ દ્વારા પણ શહેરના મહત્ત્વના મં‌દિરો, સ્થળો અને રસ્તાઓ પર પેટ્રોલિંગ કરવામાં આવી રહ્યું છે.

પાકિસ્તાનના રાષ્ટ્રીય સુરક્ષા સલાહકાર દ્વારા ભારતના રાષ્ટ્રીય સ્તરના સલાહકાર અજીત ડોભાલને પત્ર લખી ગુજરાતના દરિયાઇ માર્ગે ૧૦ આતંકવાદી ઘૂસ્યા હોવાના ઇનપુટ અપાયા હતા. જેના પગલે શનિવાર સાંજથી જ ગુજરાતમાં હાઇએલર્ટ જાહેર કરી દેવાયું હતું.

મહત્ત્વના અને ભીડભાડવાળા સ્થળોએ લશ્કર અને જૈશ-એ-મોહંમદના આતંકીઓ હુમલાે કરી શકે છે તેવા ઇનપુટના પગલે પોલીસ એલર્ટ બની ગઇ છે. શિવરાત્રિનું મહાપર્વ હોઇ સોમનાથ મંદિરમાં લાખોની સંખ્યામાં ભકતો ઊમટી પડતા હોય છે.

જેના પગલે સોમનાથમાં સુરક્ષા વધારી દેવાઇ છે અને એનએસજીની એક ટીમ સોમનાથ અને ત્રણ ટીમ અમદાવાદમાં સ્ટેન્ડ ટુ રખાઇ છે. આતંકી હુમલાના ઇનપુટ્સના પગલે ગઇ કાલે શહેર પોલીસ કમિશનર દ્વારા ઉચ્ચ અધિકારીઓ સાથે મિટિંગ યોજી શિવરાત્રિના પર્વ પર સતર્ક રહેવા સૂચના આપી હતી. સવારે ૬-૦૦ વાગ્યાથી જ સ્ટેન્ડ ટુના આદેશ અપાતા પોલીસ દ્વારા મહત્ત્વના મોટા મંદિરો બહાર પોલીસ બંદોબસ્ત ગોઠવી દેવાયો છે.

બીજી તરફ શહેર ક્રાઇમ બ્રાન્ચ સહિતની એજન્સીઓ દ્વારા પણ શહેરમાં ચેકિંગ હાથ ધરાયું છે. ગુજરાત એટીએસ દ્વારા ૧૦ આતંકવાદી ઘૂસ્યા હોવાના અહેવાલને પગલે ગુપ્ત રાહે ઓપરેશન શરૂ કર્યું હોવાનું સૂત્રોએ જણાવ્યું હતું. એટીએસ દ્વારા વિદેશથી આવતા ઇ-મેઇલ, કોલ પર તેમજ ગુજરાત આ આતંકવાદીઓ કયા સ્થળે છુપાયા છે તે અંગે તપાસનો ધમધમાટ શરૂ કરી દીધો છે.

admin

Recent Posts

સાપ્તાહિક રાશિ ભવિષ્ય: જાણો કઇ રાશિને થશે ધનનો લાભ, કોની થશે કારકિર્દીક્ષેત્રે પ્રગતિ

મેષઃ સમારોહ, પારિવારિક મેળાવડાઓમાં ભાગ લઇ શકશો. તમારાં સ૫નાં અને આશાઓ વાસ્તવિકતામાં ફેરવાતાં જણાશે. પારિવારિક સંબંધો મજબૂત અને સુરક્ષિત રહેશે, તમારી…

3 hours ago

…તો મારી પાસે ટોપ બેનરની ફિલ્મો ન હોતઃ સોનમ કપૂર

સોનમ કપૂરે બોલિવૂડમાં ૧૦ વર્ષ પૂરાં કરી લીધાં છે તેમ છતાં પણ તે ટોપ ફાઇવ અભિનેત્રીઓમાં ક્યારેય સામેલ થઇ શકી…

3 hours ago

રૂ.11 લાખની ઉઘરાણી કરતાં વેવાઈ પક્ષના સંબંધીની બે ભાઈએ હત્યા કરી

અમદાવાદ; શહેરમાં નવા વર્ષથી હત્યાનો સિલસિલો શરૂ થઇ ગયો છે. દર એકાદ-બે દિવસે અલગ અલગ કારણોસર હત્યાના બનાવ બની રહ્યા…

3 hours ago

નર્મદાનાં પાણીમાં પેસ્ટિસાઈડ્સનું પ્રમાણ ચકાસવા મશીન મુકાશે

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા શહેરીજનોને ખુલ્લી નર્મદા કેનાલમાંથી પીવાનું પાણી પૂરું પડાતું હોઇ આ પાણીમાં ભળતાં પેસ્ટિસાઇડ્સ(જંતુનાશક દવાઓ)ના પૃથક્કરણ…

3 hours ago

એક તરફી પ્રેમમાં પાગલ યુવાને સિવિલનાં મહિલા ડોક્ટરની ઊંઘ હરામ કરી

અમદાવાદ: સિવિલ હોસ્પિટલના રે‌િડયોલોજી વિભાગમાં ફરજ બજાવતી એક રે‌િસડન્ટ ડોક્ટર યુવતીએ શાહીબાગમાં રહેતા એક યુવક વિરુદ્ધમાં અશ્લીલ ચેનચાળા કરવા અંગેની…

3 hours ago

ઓસ્ટ્રેલિયા પ્રવાસઃ કરો ‘નવા યુગ’ની શરૂઆત

નવી દિલ્હીઃ ભારતીય ક્રિકેટ ટીમ ઓસ્ટ્રેલિયા પહોંચી ચૂકી છે અને તા. ૨૧ ને બુધવારથી શરૂ થઈ રહેલી ત્રણ મેચની ટી-૨૦…

3 hours ago