Categories: Ahmedabad Gujarat

ડિટેઈન કરેલા બાઈકને છોડાવવા ટોળું પોલીસચોકીમાં ઘૂસી ગયું

અમદાવાદ: લો ગાર્ડન પાસે રવિવારે રાત્રે પોલીસે ડિટેઇન કરેલા બાઇકને છોડાવવા માટે રપ માણસોનું ટોળું નવરંગપુરા પોલીસચોકીમાં ઘૂસી ગયું હતું અને તોડફોડ મચાવી હતી. નવરંગપુરા પોલીસનો કાફલો ઘટનાસ્થળે દોડી ગયો હતો અને ચાર જેટલા યુવકને ઝડપી લીધા હતા અને અન્ય લોકો નાસી ગયા હતા. પોલીસે ટોળાની વિરુદ્ધમાં રાયોટિંગ અને તોડફોડનો ગુનો નોંધી તેમને ઝડપવાની તજવીજ હાથ ધરી છે.

લો ગાર્ડન વિસ્તારમાં રવિવારે રજા હોઇ લોકો પરિવાર સાથે ત્યાં ફરવા માટે આવતા હોય છે. લો ગાર્ડન પાસે કેટલાંક અસામાજિક તત્ત્વો બાઇક પર બેસી મહિલાઓ અને છોકરીઓની મશ્કરીઓ કરતાં હોય છે. દરમિયાનમાં ગઇ કાલે નવરંગપુરા પોલીસ સ્ટેશનના પીએસઆઇ એસ. એચ. મિસ્ત્રી ફૂટ પેટ્રોલિંગમાં નળ સર્કલ પાસેથી પસાર થઇ રહ્યા હતા ત્યારે કેટલાક ઇસમ તેમનાં બાઇક ટ્રાફિકને અડચણરૂપ થાય તે રીતે પાર્ક કરીને બેઠા હતા.

પોલીસે બાઇક સાઇડ પર પાર્ક કરીને બેસવાનું જણાવતાં એક બાઇકચાલકે પોતાનું બાઇક સાઇડમાં પાર્ક કરવા ઇનકાર કર્યો હતો. પાછળના ભાગે નંબર પ્લેટ લગાવેલ ન હોઇ અને લાઇસન્સ માગતાં તેની પાસે લાઇસન્સ ન હોવાનું જણાવ્યું હતું. પોલીસે વાહન ડિટેઇન કરી લો ગાર્ડન પોલીસચોકીએ મૂક્યું હતું.

ફૂટ પેટ્રોલિંગ કરી પોલીસકર્મીઓ ચોકીએ પરત ફર્યા ત્યારે બાઇકચાલક રપ જેટલા લોકોને સાથે લઇ લો ગાર્ડન પોલીસચોકીએ આવ્યો હતો. બાઇક ડિટેઇન કેમ કરી છે તેમ કહી પોલીસ કર્મચારીઓ પાસેથી બાઇકની ચાવી ખૂંચવી લેવાનો પ્રયાસ કર્યો હતો. પોલીસે ચાવી આપવાનો ઇનકાર કરતાં ટોળાએ ચોકીમાં તોડફોડ કરવાનું શરૂ કર્યું હતું.

આથી પોલીસે નવરંગપુરા પોલીસ સ્ટેશને જાણ કરતાં નવરંગપુરા પોલીસનો સ્ટાફ લો ગાર્ડન પોલીસચોકી પર ધસી આવ્યો હતો. પોલીસે અતિફ મહંમદ શેખ, આકીબઅલી અન્સારી, શોકીબઅલી અન્સારી, રફીક શેખ (તમામ રહે. નૂરભાઇ ધોબીની ચાલી, ગોમતીપુર)ની ધરપકડ કરી છે, જ્યારે અન્ય ફરાર યુવકોને ઝડપવા તજવીજ હાથ ધરી છે.

divyesh

Recent Posts

અહીં મળશે બેસ્ટ ક્વોલિટીવાળા જેકેટ એ પણ માત્ર રૂ.180માં, આ છે દુનિયાનું સૌથી સસ્તું માર્કેટ

હવે સમગ્ર દેશભરમાં ઠંડીની ઋતુ એવી શિયાળાની શરૂઆત થઇ ગઇ છે. ત્યારે ધીમે-ધીમે સવાર-સાંજનાં તાપમાનમાં પણ ઘટાડો થવા લાગ્યો છે.…

7 hours ago

PM મોદીએ વારાણસીને અર્પણ કરી કરોડોની ભેટ, કહ્યું,”દેશે જે સપનું જોયું તે સાકાર થયું”

પ્રધાનમંત્રી નરેન્દ્ર મોદી આજે વારાણસીની મુલાકાતે છે. ત્યારે પ્રધાનમંત્રી નરેન્દ્ર મોદીએ પોતાનાં સંસદીય ક્ષેત્રમાં 2413 કરોડ રૂપિયાની પરિયોજનાઓનું લોકાર્પણ-શિલાન્યાસ કર્યો.…

7 hours ago

આ છે એવાં શાનદાર કપલ ટેટૂ, જે બન્યાં છે એકબીજાનાં પ્રેમની નિશાની માટે

ન્યૂ દિલ્હીઃ "કપલ ટેટૂ" ખાસ તરીકે તેવાં લોકો માટે છે કે જે કાં તો કોઇ રિલેશનશિપમાં હોય અથવા તો પૂરી…

8 hours ago

અરે આ શું! જાડેજાનો મેન ઓફ ધ મેચ પુરસ્કાર મળી આવ્યો કચરામાંથી!

ક્રિકેટ મેચ નિહાળતી વખતે તમે જોયું હશે કે મેચ પૂરી થયા બાદ જ્યારે પણ કોઈ ખેલાડીને કોઈ પુરસ્કાર આપવામાં આવે…

9 hours ago

રિવરફ્રન્ટનાં પૂર્વ છેડા પરનાં દધિચી બ્રિજની નીચે બનાવાશે ફૂડ કોર્ટ

અમદાવાદઃ મ્યુનિસિપલ સત્તાવાળાઓ દ્વારા કરોડો રૂપિયાના ખર્ચે સાબરમતી રિવરફ્રન્ટને નયનરમ્ય બનાવાયા બાદ સહેલાઈઓ માટે એક પછી એક નવી સુવિધાઓ ઉભી…

9 hours ago

રૂ.1.50 લાખમાં મકાન વેચાણ નહીં આપતાં પાડોશીએ આધેડનું ઢીમ ઢાળ્યું

વડોદરાઃ આજવા રોડ પર આવેલ એકતાનગરમાં મકાન વેચાણમાં લેવાના મામલે એક આધેડને પાઇપના ફટકા મારીને મોતને ઘાટ ઉતારી દેતાં સમગ્ર…

9 hours ago