દિલ્હી પોલીસે યુપીમાં એન્કાઉન્ટર કરીને અપહૃત બાળકને છોડાવ્યું

નવી દિલ્હી: ગયા મહિને ૨૫ જાન્યુઆરીના રોજ અપહરણ કરાયેલ પાંચ વર્ષના એક બાળકને દિલ્હી પોલીસને છોડાવવામાં સફળતા મળી છે. દિલ્હી પોલીસે અપહરણ કરનાર ગેંગની શોધખોળ દરમિયાન એક એન્કાઉન્ટરમાં એક અપહરણકારને ઢાળી દીધો હતો. અપહૃત થયેલ બાળકનું નામ વિહાન છે. અહેવાલો અનુસાર સોમવારે મધરાતે દિલ્હી પોલીસે ગા‌િઝયાબાદના શાહીદાબાદમાં એન્કાઉન્ટર દરમિયાન અપહરણકાર રવિને ઠાર માર્યો હતો. જ્યારે તેના બે સાગરીત પંકજ અને નીતિન આ અથડામણમાં ઘાયલ થયા હતા.

પોલીસના જણાવ્યા અનુસાર અપહરણ બાદ બદમાશોએ બાળકને શાલીમાર ગાર્ડન સ્થિત એક એપાર્ટમેન્ટમાં છુપાવી રાખ્યો હતો. ઈન્ટેલિજન્સ વિભાગની બાતમીના આધારે પોલીસે સોમવારે મધરાતે તેમના આ અડ્ડા પર દરોડો પાડ્યો હતો. આથી અપહરણકારોએ પોલીસ પર ફાયરિંગ શરૂ કરી દીધું હતું. પોલીસ વચ્ચે ઘેરાઈ ગયેલા અપહરણકારોએ ફરીથી બાળકને નિશાન બનાવવાની કોશિશ કરી હતી, જેના જવાબમાં પોલીસે તેના પર ગોળી ચલાવીને અપહરણ કાર રવિને ઠાર માર્યો હતો.

વિહાનના દાદાના જણાવ્યા અનુસાર તેમને રાત્રે ૧.૦૦ વાગ્યે એવી માહિતી મળી હતી કે તેમનું બાળક સુરક્ષિત મળી આવ્યું છે. ત્યાર બાદ અમે લોકો જીટીબીનગર પોલીસ સ્ટેશન ગયા હતા, જ્યાં અમને બાળક સોંપી દેવામાં આવ્યું હતું. ડોક્ટરોએ જણાવ્યું હતું કે બાળકને આરામની જરૂર છે.

સ્પેશિયલ ક્રાઈમ બ્રાન્ચના સીપી આર. પી. ઉપાધ્યાયે જણાવ્યું હતું કે આ એન્કાઉન્ટરમાં રવિ નામના અપહરણકારનું મોત થયું છે અને અન્ય બે અપહરણકારની ધરપકડ કરવામાં આવી છે. આમ, ૧૨ દિવસની જહેમત બાદ પોલીસને અપહરણકારોનું લોકેશન જાણવા મળ્યું હતું અને તેના આધારે દિલ્હી પોલીસની ક્રાઈમ બ્રાંચે સોમવારે મધરાતે ૧.૦૦ વાગ્યે ત્યાં ત્રાટકીને અપહૃત બાળકને સુરક્ષિત છોડાવ્યું હતું. આ એન્કાઉન્ટરમાં ક્રાઈમ બ્રાંચના ઈન્સ્પેક્ટર વિનય ત્યાગીના બુલેટપ્રૂફ જેકેટમાં પણ એક ગોળી વાગી હતી.

divyesh

Share
Published by
divyesh

Recent Posts

અહીં મળશે બેસ્ટ ક્વોલિટીવાળા જેકેટ એ પણ માત્ર રૂ.180માં, આ છે દુનિયાનું સૌથી સસ્તું માર્કેટ

હવે સમગ્ર દેશભરમાં ઠંડીની ઋતુ એવી શિયાળાની શરૂઆત થઇ ગઇ છે. ત્યારે ધીમે-ધીમે સવાર-સાંજનાં તાપમાનમાં પણ ઘટાડો થવા લાગ્યો છે.…

17 hours ago

PM મોદીએ વારાણસીને અર્પણ કરી કરોડોની ભેટ, કહ્યું,”દેશે જે સપનું જોયું તે સાકાર થયું”

પ્રધાનમંત્રી નરેન્દ્ર મોદી આજે વારાણસીની મુલાકાતે છે. ત્યારે પ્રધાનમંત્રી નરેન્દ્ર મોદીએ પોતાનાં સંસદીય ક્ષેત્રમાં 2413 કરોડ રૂપિયાની પરિયોજનાઓનું લોકાર્પણ-શિલાન્યાસ કર્યો.…

17 hours ago

આ છે એવાં શાનદાર કપલ ટેટૂ, જે બન્યાં છે એકબીજાનાં પ્રેમની નિશાની માટે

ન્યૂ દિલ્હીઃ "કપલ ટેટૂ" ખાસ તરીકે તેવાં લોકો માટે છે કે જે કાં તો કોઇ રિલેશનશિપમાં હોય અથવા તો પૂરી…

18 hours ago

અરે આ શું! જાડેજાનો મેન ઓફ ધ મેચ પુરસ્કાર મળી આવ્યો કચરામાંથી!

ક્રિકેટ મેચ નિહાળતી વખતે તમે જોયું હશે કે મેચ પૂરી થયા બાદ જ્યારે પણ કોઈ ખેલાડીને કોઈ પુરસ્કાર આપવામાં આવે…

19 hours ago

રિવરફ્રન્ટનાં પૂર્વ છેડા પરનાં દધિચી બ્રિજની નીચે બનાવાશે ફૂડ કોર્ટ

અમદાવાદઃ મ્યુનિસિપલ સત્તાવાળાઓ દ્વારા કરોડો રૂપિયાના ખર્ચે સાબરમતી રિવરફ્રન્ટને નયનરમ્ય બનાવાયા બાદ સહેલાઈઓ માટે એક પછી એક નવી સુવિધાઓ ઉભી…

19 hours ago

રૂ.1.50 લાખમાં મકાન વેચાણ નહીં આપતાં પાડોશીએ આધેડનું ઢીમ ઢાળ્યું

વડોદરાઃ આજવા રોડ પર આવેલ એકતાનગરમાં મકાન વેચાણમાં લેવાના મામલે એક આધેડને પાઇપના ફટકા મારીને મોતને ઘાટ ઉતારી દેતાં સમગ્ર…

20 hours ago