ડેવિડ બહુ જ રોમેન્ટિક છેઃ વિક્ટોરિયા

લંડનઃ સિંગિગથી માંડીને ફેશન જગતમાં ધમાલ મચાવી ચૂકેલી વિક્ટોરિયા બેકહમનું કહેવું છે કે તેનો પતિ અને ભૂતપૂર્વ ફૂટબોલ ખેલાડી ડેવિડ બેકહમ બહુ જ રોમેન્ટિક છે અને તે પરિવારને પ્રાથમિકતા આપે છે. વિક્ટોરિયાએ કહ્યું, ”ડેવિડ બહુ જ રોમેન્ટિક છે અને અમે નિયમિત રીતે એકબીજાને આશ્ચર્યમાં મૂકી દેનારી કંઈક ને કંઈક પ્રેમભરી ચીજો કરતા રહીએ છીએ.”

૪૧ વર્ષીય વિક્ટોરિયાના જણાવ્યા અનુસાર, ”હું પહેલી વાર લગભગ ૨૦ વર્ષ પહેલાં એક ફૂટબોલ મેચ દરમિયાન ડેવિડને મળી હતી. રમત બાદ અન્ય બધા ખેલાડી પોતાના મિત્રો સાથે મજાક મસ્તી કરી રહ્યા હતા, પરંતુ ડેવિડ પોતાનાં માતાપિતા અને નાની બહેન જોએના સાથે ઊભો હતો. તેના માટે પરિવારનું બહુ જ મહત્ત્વ છે.”

વિક્ટોરિયા કહે છે, ”અમારાં લગ્નમાં પણ પરિવારે મોટી ભૂમિકા ભજવી હતી. ડેવિડે મારા પિતા સામે એક ઘૂંટણ પર બેસીને મારી સાથે લગ્ન કરવાની મંજૂરી માગી હતી, જે બહુ જ સન્માનજનક હતી.” ડેવિડ-વિક્ટોરિયાનાં ત્રણ પુત્ર – બ્રૂકલીન (૧૬), રોમિયો (૧૩) ક્રૂઝ (૧૦) અને પુત્રી હાર્પર (૪) છે.

You might also like