Categories: Gujarat

સગી દીકરીએ વૃદ્ધ માને સિવિલને બાંકડે તરછોડી દીધી

અમદાવાદ: સમાજમાં સામાન્ય રીતે એક કે તેથી વધુ દીકરાઓ હોવા છતાં મા બાપને સાચવવાની જવાબદારીમાંથી છટકી જતાં દીકરાઓને કારણે મા બાપ વૃદ્ધાશ્રમાં રહેવા મજબૂર બને છે ત્યારે કેટલાક કિસ્સાઓમાં દીકરીઓ મા બાપને સાચવી લે છે અને તેનો સહારો બનીને વૃદ્ધાશ્રમમાં આશરો લેતા અટકાવે છે. દીકરા મા બાપને સાચવવા તૈયાર ન હોય તેવા કિસ્સાઓ સમાજમાં બહુ જ જોવા મળે છે પરંતુ દીકરી પોતાની જ માને ભગવાન ભરોસે રસ્તા પર રઝળતી મૂકે તેવા કિસ્સાઓ ભાગ્યે જ જોવા મળે છે. આવો જ એક કિસ્સો અભયમ્ હેલ્પલાઈન થકી પ્રકાશમાં આવ્યો છે.

અમદાવાદ સિવિલ હોસ્પિટલ પાસેના બાંકડા ઉપર પહેરેલા કપડે રામ રોટીથી પેટ ભરતાં ૭૭ વર્ષનાં કાઉબહેન જાદવ નામનાં વૃદ્ધાની દયનીય હાલત જોઈને એક અજાણી વ્યક્તિએ ૧૮૧ પર કોલ કરીને અભયમ્ની મદદ માગી હતી.

પ્રાપ્ત માહિતી અનુસાર કાઉબહેન નામનાં આ વૃદ્ધાની ઉંમર ૭૭ વર્ષની છે. કાઉબહેનને કુંટુબમાં એક માત્ર સંતાન દીકરી જ છે. અન્ય કોઈ સગાં વહાલાં નહીં હોવાથી કાઉબહેન દીકરીના ઘેર ચિલોડા રહેતાં હતાં.

અચાનક એક દિવસ દીકરી મા કાઉબહેનને સિવિલ હોસ્પિટલના બાંકડે હમણાં આવું છું કહીને મૂકીને જતી રહી તે પછી ચાર મહિના સુધી દેખાઈ નહીં. કાઉબહેન પાસે તો ના પૈસા હતા, ના કપડાં, ના રહેવા માટે અન્ય કોઈ આશરો. ચાર મહિનાથી આગ ઝરતી ગરમીમાં સિવિલના બાંકડાને ઘર બનાવી કાઉબહેન બેસી રહ્યાં. બાજુમાં રામ રોટી આશ્રમમાંથી રોટલી દાળ લાવીને ખાઈને ગુજારો કરતા રહ્યાં. શરૂમાં લોકોને લાગ્યું કે હોસ્પિટલમાં કોઈની સાથે હશે. પરંતુ લાંબો સમય પસાર થતાં એક ભાઈએ બા માટે અભયમ્ને કોલ કરીને મદદ માગી.

અભયમ્ના કાઉન્સિલર તસ્મિયાબહેન અને શીતલબહેને બાને શાંતિથી સમજાવ્યાં પૂછપરછ કરી ત્યારે બાએ રડતાં રડતાં કહ્યું કે મારે કુટુંબમાં માત્ર એક દીકરી અને જમાઈ છે જે મને રાખવા માગતા નથી. મહેરબાની કરી મને વૃદ્ધાશ્રમમાં મૂકી જાવ, અભયમે અનેક સ્થળોએ બાને રાખવા માટે પ્રયત્નો કર્યા પરંતુ બાની ઉંમર અને સ્વાસ્થ્ય જોતાં ક્યાંય તેમને આશ્રય આપવા કોઈ તૈયાર નહોતું. છેવટે એક વૃદ્ધાશ્રમમાં આશ્રય આપવાનું નક્કી કરતાં પહેલાં બાની દીકરી જમાઈનો સંપર્ક કરવામાં આવ્યો.
નજીકના પોલીસ સ્ટેશનની મદદથી બાને લઈને દીકરીના ગામમાં અભયમ્ના કાઉન્સિલર ગયા પરંતુ દીકરીએ માને રાખવાની ચોખ્ખી ના પાડી દીધી. બાએ કરગરીને પોતાને માટે વૃદ્ધાશ્રમની વ્યવસ્થા કરવાનું કહ્યું.

છેવટે પોલીસ ગામના સરપંચ, અભયમ્ કાઉન્સિલર તેમજ ગામના બે મોભીની હાજરીમાં દીકરી અને જમાઈને સમજાવવામાં આવ્યા છેવટે દીકરી માને રાખવા તૈયાર થઈ. અભયમે માને કહ્યું દીકરી તમારી રાખવા તૈયાર છે તેને માફ કરી દો.

ચાર મહિનાની રસ્તે રઝળવાની યાતનાને પણ ભૂલાવી દઈને એક પણ ક્ષણનાં વિલંબ વગર માએ દીકરીને માફ કરી દીધી અા રીતે અનેક યાતનાઓ વેઠયા પછી માતાને દીકરીના ઘરે આશ્રય મળ્યો.

divyesh

Recent Posts

ભારત-બાંગ્લાદેશ વચ્ચેની મિત્રતા પાઇપલાઇન અને રેલ્વે પ્રોજેક્ટનું PM મોદીએ કર્યું ઉદ્ધાટન

ન્યૂ દિલ્હીઃ પ્રધાનમંત્રી નરેન્દ્ર મોદી અને બાંગ્લાદેશની PM શેખ હસીનાએ મંગળવારનાં રોજ સંયુક્ત રૂપથી ભારત-બાંગ્લાદેશ મિત્રતા પાઇપલાઇન અને ઢાકા-ટોંગી-જોયદેબપુર રેલ્વે…

5 hours ago

NASAનાં ગ્રહ ખોજ અભિયાનની પ્રથમ તસ્વીર કરાઇ રજૂ

વોશિંગ્ટનઃ નાસાનાં એક નવા ગ્રહનાં શોધ અભિયાન તરફથી પહેલી વૈજ્ઞાનિક તસ્વીર મોકલવામાં આવી છે કે જેમાં દક્ષિણી આકાશમાં મોટી સંખ્યામાં…

6 hours ago

સુરત મહાનગરપાલિકા વિરૂદ્ધ લારી-ગલ્લા અને પાથરણાંવાળાઓએ યોજી વિશાળ રેલી

સુરતઃ શહેર મહાનગરપાલિકાની કચેરીએ નાના વેપારીઓ એકઠા થયાં હતાં. લારી-ગલ્લા, પાથરણાંવાળાઓએ રેલી યોજીને વિરોધ નોંધાવ્યો હતો. પાલિકાની દબાણની કામગીરીનાં કારણે…

7 hours ago

J&K: પાકિસ્તાની સેનાનું સિઝફાયર ઉલ્લંધન, આંતરરાષ્ટ્રીય બોર્ડરેથી BSF જવાન ગાયબ

જમ્મુ-કશ્મીરઃ આંતરરાષ્ટ્રીય સીમા પર સીમા સુરક્ષા બળ (BSF)નો એક જવાન લાપતા બતાવવામાં આવી રહેલ છે. અધિકારીઓએ જણાવ્યું કે, મંગળવારનાં રોજ…

7 hours ago

IND-PAK વચ્ચે 18 સપ્ટેમ્બરે હાઇ વોલ્ટેજ મુકાબલો, જાણો કોનું પલ્લું પડશે ભારે…

ન્યૂ દિલ્હીઃ એશિયા કપ 2018ની સૌથી મોટી મેચ આવતી કાલે એટલે કે બુધવારનાં રોજ સાંજે 5 કલાકનાં રોજ દુબઇમાં ભારત-પાકિસ્તાનની…

9 hours ago

ભાજપની સામે તમામ લોકો લડે તે માટે મહેનત કરીશઃ શંકરસિંહ વાઘેલા

ગાંધીનગરઃ સમર્થકો સાથે યોજાયેલી બેઠક બાદ શંકરસિંહ વાઘેલાએ પ્રેસ કોન્ફરન્સનું આયોજન કર્યું. જેમાં તેઓએ રાજનીતિમાં નવી ઇનિંગને લઇ મહત્વની જાહેરાત…

10 hours ago