Categories: Gujarat

દાણીલીમડામાં પરોઢિયે બે સહેલી આપઘાત કરવા ફરતી હતી!

અમદાવાદ: શહેરના દાણીલીમડા વિસ્તારમાંથી બે દિવસ પહેલાં વહેલી સવારે આત્મહત્યા કરવાના ઇરાદે નીકળેલી બે ‌વિદ્યા‌ર્થિનીને પોલીસે બચાવી લીધી છે. ગત શનિવારે રાજકોટમાં આવેલી ગર્લ્સ હોસ્ટેલમાં રહેતી આ બંને ‌વિદ્યા‌ર્થિનીઓ પાસેથી ચેકિંગ દરમિયાન મોબાઇલ ફોન મળી આવ્યા હતા જેના કારણે બંને ‌વિદ્યા‌ર્થિનીઓ નાસી ગઇ હતી અને ઝેર પીને આત્મહત્યા કરવા માટેનો નિર્ણય લીધો હતો.

નાસિકમાં રહેતી હિંદુ બિલ્ડરની પુત્રી મીના અને જામનગરમાં રહેતી મુસ્લિમ વેપારીની પુત્રી નૂર રાજકોટ શહેરમાં ધો.૧રમાં સાયન્સ અને કોમર્સમાં ભણે છે અને પાઠક હોસ્ટેલમાં સાથે રહે છે. હોસ્ટેલમાં મોબાઇલ રાખવો માટે પ્રતિબંધ હોવા છતાંય મીના અને નૂર પાસેથી ચેકિંગ દરમિયાન મોબાઇલ ફોન મળી આવ્યો હતો. જેથી હોસ્ટેલના ડીને બંને ‌વિદ્યા‌ર્થિનીઓનાં માતા પિતાને બોલાવવા માટે કહ્યું હતું. માતા પિતા આવશે તે ડરથી ગભરાયેલી મીના અને નૂરે આત્મહત્યા કરવાનો નિર્ણય લીધો અને તે જ દિવસે બંને હોસ્ટેલમાંથી ભાગી ગઇ હતી હોસ્પિટલથી ભાગી ગયા બાદ સૌ પહેલાં બંને સુરેન્દ્રનગર આવી હતી અને ત્યાર બાદ ટ્રેનમાં બેસીને મુંબઇ જતી રહી હતી.

મુંબઇથી ટ્રેનમાં તેઓ પુણે ગઇ અને પછી પુણેથી પરત અમદાવાદ આવી ગઇ હતી. નૂર શાહઆલમ વિસ્તારથી પરિચિત હતી. બંનેએ આત્મહત્યા કરવાનો નિર્ણય કરી લીધો હતો પરંતુ તે પહેલાં શાહઆલમની દરગાહમાં માથુ‌ં ટેક્યા બાદ મેડિકલ સ્ટોરમાં ઝેર ખરીદવા માટે ફરી હતી. જોકે રવિવાર હોવાથી મેડિકલ સ્ટોર બંધ હતો. જેથી બીજા દિવસે વહેલી સવારે ઝેર પીને આત્મહત્યા કરવાનું નક્કી કર્યું હતું.

દાણીલીમડા પોલીસ સ્ટેશનના પીએસઆઇ કે.એલ.પટણીએ જણાવ્યું હતું કે રાતવાસો કરવા માટે બંને કિશોરીએ એક મસ્જિદમાં ગઇ હતી. જોકે તેમને સૂવા માટે મસ્જિદમાં જગ્યા નહીં મળતાં બંને ચાલતાં ચાલતાં દાણીલીમડા સુધી પહોંચી ગઇ હતી ત્યારે દાણીલીમડા પોલીસે તેમની અટકાયત કરી હતી અને પૂછપરછ કરી હતી.

પોલીસની તપાસમાં જાણવા મળ્યું હતું કે આ બંને યુવતીઓનું અપહરણ થયું હોવાની ફરિયાદ રાજકોટ શહેર તાલુકા પોલીસ સ્ટેશનમાં દાખલ થઇ હતી. દાણીલીમડા પોલીસે બંને કિશોરીનો કબજો રાજકોટ પોલીસને સોંપ્યો છે.
(પાત્રોનાં નામ બદલેલાં છે.)

divyesh

Recent Posts

J&K: પુલવામા-શોપિયાંમાં સુરક્ષાબળો દ્વારા 10 ગામડાંઓની નાકાબંધી, ઘેર-ઘેર આતંકીઓની તપાસ

જમ્મુ-કશ્મીરઃ દક્ષિણ કશ્મીરમાં આતંકીઓ દ્વારા શુક્રવારનાં રોજ ત્રણ એસપીઓની હત્યા કરાયા બાદ સુરક્ષાબળોએ આતંકીઓની શોધખોળ કરવા માટે એક મોટું સર્ચ…

3 mins ago

આ યુવતીને જોઈને ભારતીય ચાહકોએ કહ્યુંઃ ભારત-પાક. વચ્ચે વધારે મેચ રમાડવી જોઈએ

દુબઈઃ ભારત-પાકિસ્તાન વચ્ચેની મેચ હંમેશાં હાઈ વોલ્ટેજ હોય છે. એશિયા કપ-૨૦૧૮માં ગત બુધવારે રમાયેલી ભારત-પાક.ની મેચ પણ ઘણી ચર્ચામાં રહી.…

17 mins ago

પાકિસ્તાન સામે ધમાલ મચાવવાની ઇચ્છાઃ સર જાડેજા

દુબઈઃ લગભગ એક વર્ષ કરતાં વધુ સમય બાદ ટીમ ઇન્ડિયામાં સામેલ થઈને ગઈ કાલે બાંગ્લાદેશ સામે ધમાકેદાર પ્રદર્શન કરીને મેન…

23 mins ago

મ્યુનિસિપલ કોર્પોરેશનનાં 20 ક્વાર્ટર્સના રિ-ડેવલપમેન્ટની કવાયત શરૂ

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા વર્ષોજૂના મ્યુનિસિપલ ક્વાર્ટર્સના રિડેવલપમેન્ટ માટેનાં ચક્રો ગતિમાન કરાયાં છે. આ રિડેવલપમેન્ટ હેઠળ લાભાર્થીને ૪૦ ટકા…

51 mins ago

કર્ણાવતી ક્લબમાં મહિલાની છેડતીનો વિવાદઃ તપાસ કરવા સંચાલકોની ખાતરી

અમદાવાદ: તાજેતરમાં રાજપથ કલબમાં સ્વિમિંગ કોચ દ્વારા બાળકીઓને માર મારવાની ઘટનાનો વીડિયો વાઇરલ થયા બાદ તેના ઘેરા પ્રત્યાઘાતો પડ્યા છે.…

1 hour ago

UPમાં મોહરમ પર અલગ અલગ દુર્ઘટનામાં ત્રણનાં મોતઃ 66 દાઝ્યા

મુરાદાબાદ: મોહરમ પર અલગ અલગ અકસ્માતમાં ત્રણનાં મોત થયાં છે અને તાજિયામાં આગ લાગવાના કારણે ૬૬ દાઝી ગયા હતા. જેમાં…

1 hour ago