Alert: ગુજરાતના 5 ટાપુ સહિત 180 પોર્ટ આતંકવાદીઓના નિશાના પર

નવી દિલ્હી: નાપાક ઇરાદાઓ સાથે આતંકવાદીઓ ફરી એકવાર 26/11 જેવા હુમલાનો પ્રયત્ન કરી રહ્યાં છે. ગુપ્તચર એજન્સીઓએ શુક્રવારે સરકારને એલર્ટ કરી છે કે આતંકવાદીઓ ભારતના નાના પોર્ટને ટાર્ગેટ બનાવવાની ફિરાકમાં છે. એટલું જ નહી, કહેવામાં આવી રહ્યું છે કે આતંકવાદીઓના હિટ લિસ્ટમાં એક બે નહી પરંતુ એવા 180 પોર્ટનો સમાવેશ છે.

સૂત્રો દ્વારા મળતી માહિતી અનુસાર ગુપ્તચર એજન્સીઓએ જણાવ્યું હતું કે નાના પોર્ટ અને નાના દ્વીપ આતંકવાદીઓના નિશાના પર છે. આતંકવાદીઓ તે સ્થળો પર ઓછી સુરક્ષા વ્યવસ્થાનો લાભ ઉઠાવીને ભારતમાં ઘૂસણખોરી કરી શકે છે.

સુરક્ષા બેઠકમાં આપ્યું પ્રેજેંટેશન
શુક્રવારે ગૃહ મંત્રાલયમાં આતંરિક સુરક્ષા પર બેઠક દરમિયાન ગુપ્તચર એજન્સીઓએ કેન્દ્ર સરકારને એક પ્રેજેંટેશન આપ્યું છે. તેમાં આઇબીએ પોર્ટ અને દ્વીપોના સુરક્ષા ઓડિટ બાદ રિપોર્ટ પણ આપ્યો છે. પ્રેજેંટેશન બાદ હરકતમાં આવેલી સરકારે 26/11ના હુમલા બાદ કોસ્ટલ સિક્યોરિટી માટે બનાવવામાં આવેલ SOP (સ્ટાર્ડડ ઓપરેટિંગ પ્રોસિડ્યોર)ને કડકાઇપૂર્વક લાગૂ કરવાના નિર્દેશ આપ્યા છે.

અત્રે ઉલ્લેખનીય છે કે વર્ષ 2008ના મુંબઇ હુમલા માટે પણ આતંકવાદીઓએ સમુદ્રનો માર્ગ પસંદ કર્યો હતો. હુમલામાં 164 લોકો મૃત્યું પામ્યા હતા, જ્યારે 300થી વધુ લોકો ઘાયલ થયા હતા.
list

આ રાજ્યોના પોર્ટ છે નિશાના પર
એજન્સીઓએ સરકારને એલર્ટ કર્યું છે કે ગુજરાત, મહારાષ્ટ્ર, તમિલનાડુ, કર્ણાટક અને કેરલ જેવા રાજ્યોના નાના મોટા 180 પોર્ટ આતંકવાદીઓના નિશાના પર છે. એટલું જ નહી, આતંકવાદીઓએ 30 એવા દ્વીપોને શોધી કાઢ્યા છે, જ્યાં સુરક્ષા વ્યવસ્થામાં સેંધ લગાવી શકાય છે.

ગુપ્તચર રિપોર્ટ અનુસાર આતંકવાદીઓએ જે યાદી તૈયારી કરી છે તેમાં ગુજરાતના 5 દ્વીપ, અંડમાન નિકોબારના 5 દ્વીપ, લક્ષ્યદ્વીપના 5 નાના દ્વીપ, પશ્વિમ બંગાળના 3 દ્વીપ, મહારાષ્ટ્રનો 1 દ્વીપ અને તમિલનાડુના 1 દ્વીપનો સમાવેશ થાય છે.

જહાજોને રોકાણધામ બનાવવાની યોજના
આતંકવાદીઓને લઇને જે ઇનપુટ મળી રહ્યાં છે, તેમાં ભારતીય જહાજોનો પણ ઉલ્લેખ છે. આતંકવાદીઓ તેમનો ઉપયોગ રોકાણના રૂપમાં કરી શકે છે. સીમાપારના લડાકુઓએ એવા સુમસામ દ્વીપોની ઓળખ કરી છે, જ્યાંથી તે સરળતાથી ભારત વિરોધી ગતિવિધીઓને અંજામ આપી શકે છે.

You might also like