Categories: Business

સાયરસ મિસ્ત્રીના સ્થાને TCSના નવા ઈન્ટરિમ ચેરમેન તરીકે ઈશાત હુસૈન

મુંબઈ: ટાટા સન્સે સાયરસ મિસ્ત્રીની જગ્યાએ ઈશાત હુસૈનની ટાટા કન્સલ્ટન્સી સર્વિસીઝ (ટીસીએસ)ના વચગાળાના (ઈન્ટરિમ) ચેરમેન તરીકે નિમણૂક કરી છે. ટાટા સન્સના બોર્ડે સાયરસ મિસ્ત્રીને ટીસીએસના ચેરમેન પદેથી હટાવી દેવાયા હતા અને તેમના સ્થાને ઈશાત હુસૈન હવે નવા ચેરમેનની નિમણૂક સુધી ટીસીએસના ચેરમેન તરીકેનો કાર્યભાર સંભાળશે.

કંપનીએ બોમ્બે સ્ટોક એક્સચેન્જને જારી કરેલી પોતાની વિજ્ઞપ્તિમાં જણાવ્યું છે કે તેને ટાટા સન્સ તરફથી પત્ર મળ્યો છે જેમાં ઈશાત હુસૈનના સ્થાને કંપનીના બોર્ડ ઓફ ડિરેક્ટર્સના ચેરમેન તરીકે નિયુક્ત કર્યાનું જણાવાયું છે. ઈશાત હુસૈન ૧ લી જુલાઈ ૧૯૯૯ના રોજ ટાટા સન્સના બોર્ડમાં સામેલ થયા હતા. ટાટા સન્સના બોર્ડમાં જોડાયા તે પહેલાં તેઓ ટાટા સ્ટીલમાં લગભગ ૧૦ વર્ષ સુધી સિનિયર વાઈસ પ્રેસિડેન્ટ અને એક્ઝિક્યુટિવ ડાયરેક્ટર (ફાઈનાન્સ) તરીકે કાર્યરત હતા. તેમણે ટાટા સ્ટીલ, ટાટા ઈન્ડસ્ટ્રીઝ, ટાટા ટેલિ સર્વિસીસ અને ટાઈટન ઈન્ડસ્ટ્રીઝ લિમિટેડની કેટલીય ટાટા કંપનીઓનાં બોર્ડમાં કામ કર્યું છે.

આ ઉપરાંત ઈશાત હુસૈન સેબીના સભ્ય પણ રહી ચૂક્યા છે. એપ્રિલ ૨૦૦૫માં તેમની વ્યાપાર બોર્ડના સભ્ય તરીકે નિમણૂક કરવામાં આવી હતી. ત્યાર બાદ નવેમ્બર ૨૦૦૬માં તેમની બોમ્બ સ્ટોક એકચેન્જ લિમિટેડના પબ્લિક ઈન્ટરેસ્ટ ડાયરેક્ટર તરીકે નિમણૂક કરવામાં આવી હતી. જાન્યુઆરી ૨૦૦૮માં તેમની ઈન્ડિયન ફાઉન્ડેશન ફોર આર્ટસના બોર્ડના ટ્રસ્ટી તરીકે નિમણૂક કરાઈ હતી. ઈશાત હુસૈન ૧૯૮૧માં ટાટા સ્ટીલની સહયોગી કંપની ઈન્ડિયન ટ્યૂબ કંપનીના બોર્ડમાં પણ સામેલ થયા હતા. ૧૯૮૩માં ઈશાત હુસૈન ટાટા સ્ટીલ સાથે સંકળાયેલા હતા અને ત્યારે ઈન્ડિયન ટ્યૂબનો વિલય કંપનીમાં થયો હતો.

સાયરસ મિસ્ત્રીને ૨૪ ઓક્ટોબરથી ટાટા ગ્રૂપના ચેરમેન પદેથી હટાવી દેવાયા હતા અને ત્યાર બાદ ગ્રૂપના ચેરમેનની નિમણૂક કરવા માટે એક સમિતિની રચના કરવામાં આવી હતી.

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

21 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

21 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

21 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

21 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

21 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

21 hours ago