Categories: Gujarat

નોટોની પળોજણ વચ્ચે આજથી શિયાળુ લગ્નોત્સવની શરૂઆત

અમદાવાદ: ચાર માસના લાંબા વિરામ બાદ આજે શિયાળુ લગ્નોત્સવની વિધિવત્ શરૂઆત થઇ છે, પરંતુ પ૦૦ અને ૧૦૦૦ની નોટો રદ થવાના પગલે લગ્નસરાની સિઝનમાં લગ્નના આનંદના બદલે નોટોની તંગીનો મામલો મુખ્ય વિષય બન્યો છે. લોકો આનંદ મનાવવા ભેગા તો થાય છે પણ પહેલાં એકબીજાના હાલચાલ પૂછવાના બદલે જૂની નોટોનું શું કર્યું? કેવી રીતે સેટિંગ કર્યું? તેવું પહેલાં પૂૂછી લે છે.

શિયાળુ લગ્ન સિઝનને શ્રેષ્ઠ સિઝન ગણવામાં આવે છે. ૧૪ ડિસે. સુધી લગ્ન સિઝન પુરબહારમાં ખીલશે. એકલા અમદાવાદમાં જ ૬૦૦૦થી વધુ લગ્નનું આયોજન થઇ ગયું છે. આજથી ૧૪ ડિસેમ્બર સુધી લગ્નનાં શ્રેષ્ઠ ૧૬ મુહૂર્ત જ્યોતિષશાસ્ત્ર પ્રમાણે જાહેર થયાં છે. ચલણી નોટો રદ થવાના પગલે મોંઘા ભાવની ડિશના ઓર્ડર અપાયા હતા તે કેન્સલ કરીને હવે બજેટરી કાઠિયાવાડી મેનુના ઓર્ડર રિપ્લેસ થવા લાગ્યા છે. કન્યા પક્ષ તરફથી વેવાઇ પક્ષને જાનમાં જાનૈયાની સંખ્યા ઘટાડી દેવા કહેવાયું છે. લગ્નની ઝાકઝમાળમાં જ્યાં પણ કાપ મૂકી શકાય તે પ્રમાણેનાં આયોજન થઇ રહ્યાં છે.

ખરીદીમાં પણ આ જ પરિસ્થિતિ હોવાથી બેન્કોમાં રકમ જમા હોય પણ ઉપાડની મર્યાદા નડતી હોવાથી જે ખરીદી રોકડમાં થાય છે તેમાં મંદીનો માહોલ છે. શાકભાજીની ખરીદીમાં કેટરર્સને તકલીફ પડશે, કારણ કે માર્કેટયાર્ડ છેલ્લા છ દિવસથી બંધ છે. તેથી શાકભાજીની અછત ટૂંક સમયમાં ઊભી થવાના કારણે કેટરર્સે શાકભાજીના મેનુમાં ફેરફાર કરવો પડશે.

કાપડ બજારમાં લગ્નસરાની ખરીદી શરૂ થવાની અપેક્ષાએ વેપારીઓએ ઓર્ડર આપ્યા હતા તે હવે પેન્ડિંગ કરાયા છે. રિટેલ વેપારીઓના ઓર્ડર ઠપ થવાથી એમ્બ્રોઇડરી વર્ક, સાડી, ડાઇંગ પ્રિન્ટિંગનાં કામ અટાવાયાં છે.

divyesh

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

12 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

12 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

13 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

13 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

13 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

14 hours ago